Page:Corrido qñg bie nang queralanan ning Principe Don Juan ila ning Princesa Doña Maria.pdf/42

( 39 )

 Iniang queang á umasid

qñg ánac lang Aring lauit

pegumasda'na lang tiquis

gagcas da ba'nang atinĝid.

 Nganang migsulit Don Pedro

ing mangaintulid acu

uling ing mecaquit acu

qñg malutub á Icaro.

 Mequibat ya y Don Roman

acu ing manĝaintuliran

uling acung mecamate

qñg Icarong silbatanan.

 Lalu iniang aquit da pa

ing linang ampon legua'na

paraparang tibla'na la

ning macamate á sinta

 Y D German nganang guingcas

misipsip cong banayad

acung lalung quea dapat

pablasang acung minuquat.

 Queti na la mitaltalan

qñg carelang catuliran

metung at metung ngara ngan

acu ing mangatuliran.

 Canitang pamiascal da

pesibagut lang sandata

ngara ngan quetang sabi ra

ing pipaningalman da ya.