Page:Corrido qñg bie nang queralanan ning Principe Don Juan ila ning Princesa Doña Maria.pdf/24

( 21 )

 Lepita'ne ing pricesa

quitna'neng banayad queta

at saca pin miniabi ya

anti queni ing guingcas na.

 Queti pu tibura'na cu

ning Principeng catutu cu

tuqui ca canu canacu

dalan da ca qñg Palacio.

 Princesa queang timbayan

¿nanu ta ing pising mung yan?

nung é iya ing queti datang

é cu tuqui caninu man.

 Ita pu yang matulid

dapot damdam ca't mulingid

Ari mirasan yang saquit

camate na itang pilit.

 Ing meto reyno megulu

pati na ding Consejero

inia inutusa'na cu

daquitan cu ing camal mu.

 Acu pu, qñg meto reyno

calugurana cung tutu

ing guinaua naman acu

queting sequen yung cabayu.

 Agad nang meniuala ya

ing malinang á Princesa

qñg sabi ning palamara

mapamirayang vibora.