Page:Corrido qñg bie nang delanan ning Principe Erasto qñg Imperio Roma.pdf/76

( 93 )

 Pepabasa na ya ning Monarcang lusuc

ing mesabing sulat ba'neng apiunus

iniang aramdam ne agad nang mepuput

layun mengarimla ampon mengalambut,

 Ing pangabil na bitasa yang lingo

mua ampon dine qñg lub na miayo

paniualan cu na nganang mengamanu

bagsic na camandag lasun á pisiag yu.

 Agad nang minutus ning Monarcang bantug

nğana ing Reyna daquitan ye cabud

qng camalaguanan ing queti ya dungut

ba'nang salesayan maragul á gutgut.

 Ing sablang miageas paua ngang dimdam na

nita ning Reyna pati ing sulat na

saca ne payaus ning queang asaua

mesira ya ucul ampon mebalisa.

 Maragul ya tacut decap ne ning dine

nong duoĝut ya't marap qng mal á Principe

ita ning puñal na inagad neng legue

qñg queang catauan qñg ba'neng itiune.

 Pisaquit neng sicsac tulid ning pusu na

agad nang mepatad ning queang inaua

ing tubud ning Ari iniang datang na ya

iquit na neng mete canitang catri na.

 Tambing nang mibalic selese nang agad

ita ning iquit na tune nang amatiag

linub ya ing Ari layu'neng siniasat

disa na neng mete ing asaua nang sucab.

 Canita meaquit ampon mequilala

qñg ita ring lasun á queang darala

Ling ayup á Brillo maustang penga'na

qñg calulung Pesco lubus nang sasadia.