Page:Corrido qñg bie nang delanan ning Principe Erasto qñg Imperio Roma.pdf/71

( 83 )

 Queti ya siuiclod at manalanğin pa

qñg Dios á Guinu ngana ning guingcas na

dacal cu sala at ing sucat cacu mabayat a dusa.

 Dapot aligan cu ing pacalulu mu

at idaraun cu ini nang bie cu

ing cacung yayaduan at pagparalampu

sadia cung sicanan pagcalub mu cacu.

 Cayari na nitang pamanalanği'na

qñg malam á Dios á Ibpa banua

asias na ning templo ilang telanan'na

tigun na nong tigun caretang gamat na.

 Mipatanan ya pin y Sansón at mete

sablang Filisteos quea la mirame

mabilug á templo melasac yang gulpi

at alang mitagan qñg gabun mipase.

 ¿Ayo pu Ari cu ulingiran mu na

nun é matalastas masalang tanda na

mete ya y Sansón sabla mirame la

uli ning dauac na ning queang asaua?

 Mal a Emperador atalastaɛ na ngan

guingcas ning maestro tutu't catuliran

dungdung ya't talauğa at saca no lauan

sablang Consejeros a queang carapan

 Qñg horas á ita metung yang soldado

binie nang pabalu qng Aring mayubu

nganang menalese Altezang guinn cu

tayu pu. maniabi Principe Erasto.

 Austa ning Ari ngana ning guingcas on

mibalic cang dapal ing sabian mu quea

cicu yang panayan at malagaua ya

ba'nang paquibatan ing macutarg quea.