Page:Corrido qñg bie nang delanan ning Principe Erasto qñg Imperio Roma.pdf/7

(24)

 Nanan cung pacaban ing sampat ning dutung

daca lang nanabang qñg lilung na qng pun

gueua pang panulu ing bunga na't bulung

qñg dacal á saquit lungeut a pagmalun.

 Cacaba't lalambat ing capaṇaunan

cucupas ya banglu cayap na niti nan

pati na bulung na malalanat naman

abatas ding sabla nung nanu iti nan.

 Iniang tua ne pin luat ing panaun

ting sulul nang linto menibatan qng pun

macayama ya pin matalugtug dagul

dapot é pa mibas qñg dagul na ning pun.

 Ngarang misasabi ding taung queraclan

ing tutubung bayu mayap yang cuturan

pablasang ing matua mebina yang sayang

dacal nang panaun quecatang nebangnan.

 Deta mong aliua ing carelang atul

ya na ing cuturan iting matuang dutung

ing picayari ra ampon picametung

belausan quinutud iting matuang pun

 Itang acala ra ya ing miliari

milaco ya ing pun linto ya ing suli

iquit deng manauang saca la meili

maragu‘la tula canitang miliari.

 Inia sintang bandi quecang timalaran

iting selese cu qng quecang arapan

ding quinutud mu rin saca ila naman

'metula't menumis qug dutung dang binual.

 Nung inia qñg cacung sariling timalad

acu ampon ica buri rang itulad

qñg dutung á Pino canacung inulat

lalabagan da na upaya mu't catau.