Jump to content

Page:Corrido qñg bie nang delanan ning Principe Erasto qñg Imperio Roma.pdf/69

From Wikisource
This page has been validated.
( 86 )
 Nun inia qñg lijim pabalu cu nğeni

uling nung lunĝub la et ala cang male

é ca man masambut bitasang mallari

daca lang sacup mu ding mayapas mate.

 Dapot nung ganap na ing sadia mn't gayac

miras la man quean ala nong arapat

maestro Pélandro tinicdo yang agad

ngana ping migsulit o sacramajéstad.

 Lauan mu na iti Altezang marangal

dapat ning babay nun ting catuliran

carampatan caya ing anti canian

qng queang saua yang magsucaban.

 Nung tutu man sana ing queti lungubė la

esposo nang casi ning Reyna Eladia

e ata matulid quea pabalu na

iti catacsilan qñg queang asaua.

 Nun queti mu ngeni qñg Romang Imperio

alang macapara qñg balac ning lub cu

ing Reyna ning Ungria cayap nang balu cu

saca migtacsil ya qng queang esposo.

 Inia qng babay e Vuestra Alteza

é sucat lubusan ing maniuala ca

anti mo y Sansón canitang minuna

ing asaua na rin yang quesira na.

 Uli ning y Sansón itang queang buac

carin qng buntuc na malabung ya't masias

nun atiu itinan sica'na é ditac

maragul a cuta malagua nong ibuat.

 Qñg quelambata'na ning pamiutus da

nitang asawa nang tacsi á Dalila

sicana nang Sansón tune abalu na

ali na linijim uli ning lugud na.