Page:Corrido qñg bie nang delanan ning Principe Erasto qñg Imperio Roma.pdf/67

( 84 )

 Adan nganang guingcas ning Dios a Ibpa

nanu ing depat mu meca quening bigla

lepasan yung bilin meuğan co baquet sa

caniang bungang baual queco macasira.

 Adan mequibat ya at ngaoang miniabi

oh malam a Dios anique pu queni

Guinu ing slata cu at asauang casi

nio damdam ca pu iti ing miliari.

 Ya pu ing mausta at tune balu cu

matibe mung bilin lepasan ming tutu

yang meguing sangcan ining seaua cu

menucsu't memilit at pepacan cacu.

 Dios ya pablasa ita balu nangan

ing lijim at jayag dapat ó nanu man

dinin nong dusa ra menucsu't tiesuan

qng tulid na at tampa nitang casalanan.

 Calbat na pin nita ing Dios meco ya

mitdang anting bula qñg pilalauan da

mua na é mu dit alang casimpara

qñg sala rang depat detang missaua.

 Migmula na queta ing saquit at lasa

batbat na ning Dios qng depat dang sala

metung yang Querubin ing carin tinipa

mipagtalan ya pang metung á espada.

 Tinabi na nala tambing pepalsenan

queta qng Paraiso di Eva at Adan

carin da na dimdam itang lasang dacal

danup ampon cau maragul pang pagal.

 Ayo pu Ari cu ngana Ding maestro

diquil qñg pigsulit qñg mal à arap mu

nun inia selese ing pu'na at sepu

ba'mung atalastas iting pamanlualu.