Page:Corrido qñg bie nang delanan ning Principe Erasto qñg Imperio Roma.pdf/49

( 66 )

 Niti ing depat na minuli ne queta

pati na aliua manga na Madrina

migsundu yang mine quebabalaus na

babo na ning torre qñg queang asaua.

 Ya ing mepaliari cabud na paniatang

ing bultong megaua ing cari na disan

sabian pacase sucal lub nang quimtan

mepuput ya isip at biglang milangan.

 Nanu pang marpat ngening miliari na

iya ing mausta't tune, maqui-sala

é na inusisa angang panaun pa

iniang ala na yu carin sisisiya

 Inia qñg canacung diling cauculan

iting mepaliari é man sa marlayan

dapot calupa na nung uari't balacan

ning mearing atul qñg Principeng mambang.

 Pati austa na ning Monarcang guinu

ing lub na at isip bitasang megulu

tambing nang inurung atul cang Erasto

bigla yang tinicdo at inagad meco.

 Pepaupaya na caring consejos ra

lla na ing matul qñg minamayap da

ing suguing Monarca tigpus na qñg villa

ali ne memun man qñg queang asaua.

 Agad nang abalu nitang Emperatriz

panlaco ning Ari ing mua na é mu dit

jalu ing sentencia cabud na mialis

qng sucal ning lub na agad nang menangis

 Maldang consejeros á carin melacuan

dini'nang upaya ning Aring gagalang

mamasalan da sa ing sablang iti nan

pemuclat dong Leyes é ra atuclasan.