Page:Corrido qñg bie nang delanan ning Principe Erasto qñg Imperio Roma.pdf/43

( 60 )

 Biclat ne't binasa ita ninang sulat

ing angang lama'na qneang atalastas

ngana qñg alipan ali na cu munlas

ing igcas mu quea ing queti ne miras.

 Queti na migmula pamipalsinta ra

tula ra maragul alang casimpara

iti bengi-benği papanica'na ya

aguia mang qñg aldo yang darapta na.

 Iting Extrangero á ucul na't quitsa

ing Gobernadora ting sese nang pusa

dela ne iti nan melaus migsaria

itang Gobernador quea yang inapa.

 Panga-panic na pio qñg Palacio real

niting Gobernador quea yang quimbiran

uling caniuan da ding taung macamal

dapot itang pusa bata neng lalauan.

 Iting Gobernador ngana quetang lub na

ini ing pusa na ning cacung asaua

ali ne inatu bista't anti queta

queting Extrangero mica-alanğan ya.

 Iting Extrangero memun yang marapal

caibat dang misabi ding aduang deti nan

iting Gobernador ing queang depatan

mitubud yang agad qñg torreng catasan.

 Quetang mituburan ngana cuanan mu ya

pusa nang sesesen ning Gobernadora

iting Extrangero malagua neng dela

ing pusang mesabi qñg torre babo na.

 Pangaras na babo niting inutusan

qñg Gobernadora guincas na ing sangcan

ngana papacua ne guinu cung gagalang

ing pusang sese mu inagad neng diuang.