Page:Corrido qñg bie nang delanan ning Principe Erasto qñg Imperio Roma.pdf/35

(54)

 Iti tingap dangan mayubung tula ra

regalo't ing sulat sanguni carela

ding limang biasa ya ing depat da

maneju ding bulto inumanan da na.

 Iniang miras na pin ing aldo tipanan

sinalaque na la deta ning casalang

maragul ing lugma ampon cagutgutan

qñg ciudad ning Roda miliaring caguluan

 Ding limang biasa abe ra ding moro

á maqui pacana careta ning bulto

pemildis dong agad ing bili rang atiu

at carin inarap qng real Palacio.

 Canitang depat da ding limang sucaban

ing Ari qñg Roda alang camalayan

tiualang bitasa queang pilubluban

pablasang balu nang é re pagtacsilan.

 Bisni re ding tacsil ita ninang cuarto

á pagcarina'na ning Aring mayubu

ya mo ing depat da detang atlung bulto

pemunta, rong paslu carin qñg Palacio.

 Mesabing biasa yang depatan da

itang pamanágap qñg banding maula

angang magugulu semantalanan da

saca ra pauli ing sablang icua ra.

 Icua rang asamsam deta ning casalang

ita ning cuta na ning Rodang eryairan

ala lang arapat tau nang secupan

at ding mengamate ali la pabilang.

 Binijag deng Ari at carin de pinuc

quilung de qñg aula't inapus deng ayup

ali no linaban ding sabla Lang sacup

uli ning maragul ing carelang tacut.