Page:Corrido qñg bie nang delanan ning Principe Erasto qñg Imperio Roma.pdf/32

(49)

 Uling nung itinan amalaya'ca

riting y Leandro assua nang cadua

lalu pang miragdag ing ibie nang dusa

quetang mayordomo qñg pameñira ne.

 Dapot iting sucab lilurg tampalawan

mayordomong sidia queang inalilan

mua na maragul qñg pusu na simpan

ing queang á ucul gaua yang paralan.

 Yang ucula'na qñg aldo at bengi

panganiaya na ya guinu nang babay

qñg calalanga'ra irame neng tune

itang mayordomong quea minalili.

 Ya ing depat na qñg catacsila'na

canitang Leandro, agad sinumbung ya

ngana qñg laue cu queca pu tacsil ya

bayung mayordomo qng quecang asaua.

 Migmula na queta iting y Leandro

misimpan‘neng puñal quetang queang cuarto

uling ugali na ninu ya mang tau

sucat neng parusan ing quea maglingu.

 Qng misan á benġi dit man alang bulac

ti'nang a la una metigtig á horas

bayung mayordomo guinising neng agad

nitang mialilan mayordomong sucab.

 Ibat nandin ngnna paguising nana ca

macamal a Beatriz a pangiouan ta

ume cang marapul at carin ca munta

qng bamung abalu nung nanung buri na.

 Saca neman liaub ing tacsil at lilu

canitang silid na guinu nang Leandro

guinising neng agad nganang mengamanu

dasan me pu quilub magtacsil quecao.