Page:Corrido qñg bie nang delanan ning Principe Erasto qñg Imperio Roma.pdf/25

( 42 )

 Maragul ya mua cabud abalu na
nitang Emperatriz á y Aprodicia
canitang miurung ita ning sentencia
qng real estrado quebabalaus nå.

 Tambing nang linapit qñg queang esposo
ngana baquet caya sintang asaua cu
mergari mung ana ing pilubluban mu
bagu me ung caong Aring coronado

 Ing anti caiti é sa sucat igcas
qng quecang camalan oh esposong liag
sabing palis-pális ning metung á anac
dapot ing Mon area ing pisiag na tapat.

 Ayo ngacu queca sintang asaua cu
m'sip-isip ca sa qñg sariling lub mut
pɔt.. manĝari ca qñg Aring Conrado
tac na mesira ing queang Imperio.

 Mesabing Conrado Ari Inglaterra
ating cutna'na na pitu la ping biasa
mabilug á yatu ala lang capara
nanu man ing datang maustang balu ra.

 Misan miglacad ya ing Aring Conrado
tinuru qñg villa sinaque yang carro
pangaras na carin mabulag yang tutu
ditac man ala yang acaquit á yatu.

 Tambing nang mibalic carin qng ciudad
ing adua nang mata mesala lang agad
ng isip at lub na anting migtingangas
canitang miliari á quea merapat.

 Qng tinuquing aldo agad depata'na
mebulag ya naman carin qñg aldea
pepabalic niaria carrong secaya'na
caras na qñg ciudad mesala ya mata.