Page:Corrido qñg bie nang delanan ning Principe Erasto qñg Imperio Roma.pdf/19

(36)

 Cabayangna'na mu at bayu pang tubu

Itang Miramatris babaing. malagu

bale na niti nan carin la migsundu

agad dang sinabi cang ibpa na't indu.

 E cu na pagsulit itang sablang bague

ugali't caniuan ding mipamalai

ampon quetang asal tatag ding mabandi

é pasabi dagul ing sadia ra deti.

 Malagua't salita é binang meliuag

carelang pigsarian inagad metangap

piasaua ra la ing matua't ing anac

ing pamiutus da é mu nanu sampat

 Micalibenban mung pilan banua

iting Miramatris mebalisang lub na

y ng mecasangean é micacabunga

itang sacramento á tingap dang adua.

 Qñg misan á aldo queang á uculan

ume yang maglimbang quetang cagutaran

layun ba neng aquit indu nang ibatan

lague yang mangasu ing gaua nang sangean.

 Guinayac ne queta qñg tinuquing aldo

meguing cayabe na pitu la catau

pangacalat da na yabe nang manĝasu

bale nang indu na carin ya tinuru.

 Pangaras na carin ing queang pigsulit

qñg panagulele't bitasng manaģis

ngana oh indu cu maragul á saquit

ing cacung cacamtan qug palad cung yauis

 Cabud aramdam na nita ning indu na

mipacaili ye pin nga na ning guingcas na

¿nanu uaring sangcan ing magcasaquit ca?

ala cang liliuan nanu man sa ita.