Page:Corrido qñg bie nang delanan ning Principe Erasto qñg Imperio Roma.pdf/15

(35)

 Gagcas ding mabelnan at pagsalita ra

yang á catas mu ampon á capara

metung á mabandi qñg metung á villa

dacal á ganados tupa ampon vaca

 Pablasang malabung carelang pamangan

lele na ning bundue cari'no daralan

nita ninang pastul queang paniualan

ba'lang gatpanapun cucural na no man

 Nanan cung pacaban qñg pamag pastul na

quebatingan ya metung ya ping vaca

ing matabing dili ampon maragul pa

pastul á mimingat tacut na minlunĝa.

 Qng pamanintuna tutu neng mapagal

canitang lacad na at lubus danupan

ting dutung á peras á queang atupan

daca lang bunga na á mamayutputan

 Minuquiat yang pastul yang depata'na

mengan ne ping mengan careta ning bunga

guintal ya't memili caring malulut na

talagang ilamac canitang guinu na.

Iniang cuculdas ya paibabang amlit

daratang yang babi a manalubasib

ing depat ning pastul agad yang mibalic

uli ning tacut na at mesira isip.

 Dinatang á babi saring degula'na

culcul ne galudgud canitang taba na

bunga niting peras ilang pagcabie na

cabud dumanup ya yang puntala'na

 E la maguiguisan aguiang nanung aldo

deta ning burĝa na peras á pising cu

ati'nang malulut bubut malibatu

mamayutputan la ding sanga na babo.