ᎪᏪᎵ ᏧᎭᎨᏛ ᏗᏂᏰᎵᎯᏍᏗᏍᎩ ᎦᎫᏍᏛᏗ ᎤᏂᎲᎢ.
ᎠᏯᏙᎸᎢ 1. ᎯᎠ ᎾᏍᎩ ᎤᎾᏓᏡᎬ ᎯᎠ ᏄᏍᏕᏍᏗ ᏚᏙᎡᏍᏗ, ᎪᏪᎵ ᏧᎭᎨᏛ ᏗᏂᏰᎵᎯᏍᏗᏍᎩ ᎤᎾᏓᏡᎬ ᎠᏂ ᏣᎳᎩᏱ.
ᎠᏯᏙᎸᎢ 2. ᎯᎠ ᎾᏍᎩ ᎤᎾᏓᏡᎬ ᎪᏪᎵ ᏧᎭᎨᏛ ᏗᏰᎵᎯᏍᏙᏗ ᎠᏂ ᏣᎳᎩᏱ ᎤᎬᏩᎴᏍᏗ, ᎠᎴ ᎢᏧᎳ ᏴᏫᏁᎬ ᎠᎴ ᏣᎳᎩ ᏧᏂᎪᎵᏰᏗ ᎨᏎᏍᏗ, ᎠᎴ ᎾᏍᎩ ᏂᎦᎥ ᎠᏕᎸ ᎠᏂᏟᏏᏍᎬ ᎯᎠ ᎾᏍᎩ ᎤᎾᏓᏡᎬ ᎪᏪᎵ ᏗᏩᎯᏍᏙᏗ ᎨᏎᏍᏗ.
ᎠᏯᏙᎸᎢ 3. ᎾᏂᎥᏉ ᎩᎶᎢ ᎠᏁᎳ ᏂᎦᎵᏍᏗᏍᎨᏍᏗ ᎯᎠ ᎾᏍᎩ ᎠᏂ ᎤᎾᏓᏡᎬ ᎢᏳᏃ ᏕᎤᎾᏙᎥ ᏓᏃᏪᎵᏍᎨᏍᏗ ᎠᎴ ᎠᎾᎫᏱᏍᎨᏍᏗ ᎢᎦᎢᏉ ᎠᏁᎵᏍᎬᎢ—ᎠᎴ ᏅᏩᏍᏗᏗᏎᏍᏗᏉ ᎠᏁᎳ ᎨᏒ ᎢᏳᏃ ᏂᏓᏕᏘᏴᎯᏒ ᎠᎾᎫᏱᏍᎨᏍᏗ.
ᎠᏯᏙᎸᎢ Ꮞ. ᎯᎠ ᎾᏍᎩ ᎤᎾᏓᏡᎬ ᏂᏓᏕᏘᏴᎯᏒ ᏌᏉ ᏂᏓᏂᎳᏫᎨᏍᏗ ᏓᎵᏆ ᎦᏚᎲᎢ, ᎠᎴ ᏚᏂᏃᏗ ᎧᏄᎢ ᏓᏂᎳᏫᎨᏍᏗ ᏦᎢᏁᏉ ᏩᎵᏱᎶᎦ ᏦᎢᏁ ᎢᎦ ᏥᏙᏎᎰ ᏑᎾᏙᏓᏆᏍᏗ ᎨᏒᎢ—ᎾᎯᏳᏃ ᏓᎾᏑᏰᏍᎨᏍᏗ ᏧᏂᎸᏫᏍᏓᏁᎯ, ᎠᎴ ᎯᎠ ᎾᏍᎩ ᎤᎾᏓᏡᎬ ᎤᎬᏩᎵ ᏚᏂᎸᏫᏍᏓᏁᎮᏍᏗ—ᎠᎴ ᎬᎲᏍᏗᏉ ᎨᏎᏍᏗ ᎯᎠ ᏓᏂᎳᏫᎥ ᎢᏳᏃ ᏬᏥᎲᎾ ᎠᏁᎵᏍᎨᏍᏗ.
ᎠᏯᏙᎸᎢ 5. ᎯᎠ ᎾᏍᎩ ᎤᎾᏓᏡᎬ ᏌᏉ ᎤᏂᎧᎮᏍᏗ ᏧᏓᏘᎿᎢ, ᎠᎴ ᎾᏍᏉ ᎠᎾᎵᏍᏕᎵᏍᎩ ᎠᎾᏘᏅᎥᏍᎩ ᏚᏂᎧᎮᏍᏗ ᎢᏯᏂᏛᏉ ᎠᏁᎵᏒ ᎿᏉ ᏙᏗᎾᏑᏰᏏᏎᏍᏗ—ᏗᎪᏪᎵᏍᎩ ᎾᏍᏉ ᎤᏂᎧᎮᏍᏗ, ᎠᎴ ᎾᏍᏉ ᎠᏕᎸ-ᎠᎦᏘᏯ—ᎠᎴ. ᎾᏍᏉ ᎯᏍᎩ ᎢᏯᏂᏛ ᏧᏂᎸᏫᏍᏓᏁᎯ ᏚᏂᎧᎮᏍᏗ, ᎾᏍᎩ ᎤᎾᏠᏯᏍᏗᏍᎨᏍᏗ ᏗᎪᏪᎵᏍᎩ ᎠᏕᎸᏃ-ᎠᎦᏘᏯ.
ᏧᏓᏘᎿᎢ, ᎠᎴ ᎾᏍᎩ ᏁᏙᎲᎾ ᏱᎩ, ᎤᏓᏂᎵᎨ ᎠᎵᏍᏕᎵᏍᎩ ᎠᏘᏅᎥᏍᎩ ᎠᏘᏅᎥᏍᎨᏍᏗ ᏂᎦᎥ ᏓᏂᎳᏫᏥᏙᎲ ᎯᎠ ᎾᏍᎩ ᎤᎾᏓᏡᎬᎢ.
ᏗᎪᏪᎵᏍᎩ ᎤᏬᏪᎶᏗ ᎨᏎᏍᏗ ᎢᏳᎢ ᏕᎤᏂᎳᏫᏨ ᎠᎴ ᏄᏍᏛ ᏕᎤᏂᎸᏫᏍᏓᏁᎸ ᎯᎠ ᎾᏍᎩ ᎤᎾᏓᏡᎬᎢ.
ᎠᏕᎸ-ᎠᎦᏘᏯ ᏂᎦᏛ ᏚᏍᏆᏂᎪᏕᏍᏗ ᎠᏕᎸ ᎯᎠ ᎾᏍᎩ ᎤᎾᏓᏡᎬ ᏧᎾᏤᎵᎦ, ᎠᎴ ᏄᏍᏛ ᏚᏄᎪᏔᏅ ᎠᏧᏴᏗᏱ ᎯᏍᎩ ᎢᏯᏂᏛ ᏧᏂᎸᏫᏍᏓᏁᎯ ᎾᏍᎩ ᎢᏳᏛᏁᏗ ᎤᎫᏴᏗ ᎨᏎᏍᏗ—ᎤᎳᎪᎭᏍᏗᏃ ᏓᏂᎳᏫᎥ ᎯᎠ ᎾᏍᎩ ᎤᎾᏓᏡᎬ ᎾᎿ ᎬᏂᎨᏒ ᎢᏳᏩᏁᏗ ᎨᏎᏍᏗ ᏂᎦᎥ ᎠᏕᎸ ᏕᎤᎲ ᎠᎴ ᏂᎦᎥ ᎤᎫᏴᎯᏙᎸᎢ.
ᎯᏍᎩ ᎢᏯᏂᏛ ᏧᏂᎸᏫᏍᏓᏁᎯ ᎤᏂᏁᎢᏍᏗ ᎨᏎᏍᏗ ᎪᏪᎵ ᏗᏩᎯᏍᏙᏗᏱ ᎠᎴ ᏗᏰᎵᎯᏍᏙᏗᏱ—ᎠᏗᎾ ᎿᏉ ᏓᏂᏰᎵᎯᏍᏗᏍᎨᏍᏗ ᎠᏎ ᎤᎾᎦᏌᏯᏍᏙᏗ ᎨᏎᏍᏗ ᎾᏍᎩ ᏚᎾᏓᏡᏩᏗᏒ ᏂᎦᎥ ᎤᏂᏂᎬᏎᎲᎢ, ᎠᎴ ᏂᎦᎥ ᎠᎾᎫᏱᏍᎬᎢ—ᏂᎦᎥᏃ ᎾᏍᏉ ᎢᎬᏩᎾᏛᏁᏗ ᎨᏒ ᎠᎾᏟᏂᎬᏁᎮᏍᏗ ᎤᏁᏉᎢᏍᏗᏱ ᎯᎠ ᎾᏍᎩ ᎤᎾᏓᏡᎬ ᏄᏍᏛ ᎤᎬᏩᎸᎢ—ᎠᏗᎾ ᎯᎠ ᎾᏍᎩ ᎤᎾᏓᏓᏡᎬ ᎠᏎ ᎤᏂᎪᎵᏰᏗ ᎨᏎᏍᏗ ᏄᏍᏛ ᏕᎤᏂᎸᏫᏍᏓᏁᎸᎢ ᎯᏍᎩ ᎢᏯᏂᏛ ᏧᏂᎸᏫᏍᏓᏁᎯ. ᎯᎠᏃ ᎾᏍᎩ ᎯᏍᎩ ᎢᏯᏂᏛ ᏄᏍᏛ ᏕᎤᏂᎸᏫᏍᏓᏁᎸ ᎤᎳᎪᎭᏍᏗ ᏓᏂᎳᏫᎥᎢ ᎬᏂᎨᏒ ᎢᏳᏅᏁᏗ ᎨᏎᏍᏗ.
ᎠᏯᏙᎸᎢ Ꮾ. ᏧᏓᏘᎿᎢ ᎠᎴ ᎠᎵᏍᏕᎵᏍᎩᏉ ᎠᏘᏅᎥᏍᎩ ᏗᎬᏩᎳᏫᏗᏍᏗ ᎨᏎᏍᏗ, ᎢᏳᏉ, ᎠᎴ ᎾᎿᏉ ᏳᏪᎵᏒ ᎠᏂ ᏣᎳᎩᏱ ᎢᎸᎯᏢᎢ, ᎠᏗᎾ ᎾᏍᎩ ᎯᎠ ᎤᎾᏓᏡᎬ ᎤᏁᏉᎢᏍᏗᏱ ᎤᎬᏩᎵ ᎨᏎᏍᏗ,—ᎯᎠᏃ ᎾᏍᎩ ᏧᏓᏘᎿᎢ ᎠᎴ ᎠᎵᏍᏕᎵᏍᎩᏉ ᎠᏘᏅᎥᏍᎩ ᎬᏪᏟᏐᏗ ᎨᏎᏍᏗ ᎠᏕᎸ ᎠᎴ ᏫᏗᎬᏩᏁᏗ ᎨᏎᏍᏗ ᎠᏕᎸ-ᎠᎦᏘᏯ. ᎯᎠᏃ ᎾᏍᎩ ᎤᎾᏓᏡᎬ ᎢᎸᎯᏢ ᏓᏂᎳᏫᎨᏍᏗ ᏗᎪᏪᎵ-
