(center)14(/center)
'Orang boedjang ma'koewalon, Pake badjoe tjahjanja boenglon, Soeka dia djalan ngetan ka koelon, Itoe dia namanja "balon".
Orang boedjang lah koerang lakoe, Harganja moerah lah pantek pakoe, Diboedjoek lemes lah sampe kakoe, Tida sekali lah dia mengakoe.
'Orang boedjang matanja rèbèk, Bangoen tidoer mengangon bèbèk, Kondènja koesoet badjoenja robèk, Awaknja montok tetapi lembèk,
Sair dan Rantjak Ikan.
Anak kepiting mendjepit kerang, Pasang pelita di atas lankan, Pasang koeping lah terang-terang, Denger tjerita segala ikan.
Pasang pelita di atas lankan, Bikin loempang si kajoe asem, Dengar tjerita segala ikan, Ikan tjoepaug lah pada mësem.
Bikin loempang si kajoe asem, Beli seré di Pesebrangan, Ikan tioepang lah pada mèsem, Ikan tjetjérè kagirangan.
Beli serè di Pesebrangan, Koewé mangkok di dalem tenong, Ikan tjetjérè kagirangan, Ikan betok lah djadi bengong.
