2
Anak kepiting mendjepit kerang, Gantoeng antjak ntns kelnmboe, Pasaug koeping biarnja terang, Saja merentjak si oedjan aboe.
gantoeng antjak atas kelamboe, Petik delima koe dengen arak, Saja merantjak lah oedjan aboe, Koeliling roemah pada begarak.
Petik delima koe dengen arak, Beli peronggoe di roema bola, Koeliling roemah pada begerak, Ari lIinggoe lab moela-moela.
Beli peroenggoe di roemah bola, Dan toko pegi di Kongkoan, Ari minggoe lah moela-moela, Tempo ada tjoko di Patekoan.
Dari toko pegi di Kongkoan, Kembang tjoelan boengah ketoepat, Tempo ada tjoko di patekoan, Boelan tanggal doewa poeloeh ampat.
3
Kembang tjoelan boengah ketoepat, Petik laboe di Pasar Senen, Boelan tanggal doewa poeloeh ampat, Oedjan aboe toreoen ari Senen.
Petik laboe di pasar Senen, Kilap ada setengah djalan, Oedjan aboe toeroen ari Senen, Moelain gelap poekoel sembilan.
Kilap ada setengah djalan, Pentang tali djangan ditjaboet, Moelain gelap poekoel sembilan, Orang lari lah kalang kaboet.
Pentang tali djangan ditjaboet, Mangga kaer petik jang mateng, Orang lari lah kalang kaboet, Trada lama aernja dateng.
Mangga kaer petik jang mateng, Toekang lankan mendjoeal garem, Trada lama aernja dateng, Di Pasar Ikan kabarnja karem.
