66
Melati soesoen baroe berkembang,
Boeat sesoenting si radja mambang,
Ibarat saja seperti koembang,
Saja menjoesoel toean terbang.
Kembang kemoening si kembang siri,
Kembang tjempaka boenga melati,
Poeti koening mas dateng komari,
Rasanja soekn di dalem ati.
Kaloe ada boenga tjempaka,
Bae dipetik di kempoeng Melaka,
Saja pandang toewan tjahja terboeka,
Ati di dalem rasanja soeka.
Kembang roos si aer mawar,
Tanem di dalem toemboe di loear,
Ibarat nona aer penawar,
Mahal dibeli djangan ditawar.
Djikaloe ada boenga siantan,
Toemboe sepoehoen di sebla wetan,
Djikaloe nona boewat seboetan,
Siang malem boeat ingetan.
67
Kaloe ada boenga kemoening,
Pake di konde sorotnja koening,
Kabarnja nona lah sakit pening,
Tjari penawar aer jang bening.
Djikalne ada si kembang waroe,
Djato di natar sorotnja biroe,
Djikaloe saja di bikin keliroe,
Kenain kemat kongtauw jang seroe.
Kaloe ada si kembang gojang,
Pake di konde torlajang-lajang,
Sampe djoega jang saja sajang,
Rasa terpandang terbajang-bajang.
Toekang lektau nama si Minggoe,
Koewo pepe tepoeng digiling,
Tjari koegtau biar jang tanggoe,
Djangan sampe nona digoeling.
Siauwsit boemeng slauwsit,
Koewe aboek matengnja malem,
Kaloe dilihat roepanja pauwsit,
Ibarat samboek makan di dalem.
