62
Kapal samboek saja lajarin,
Sembilang di atas batoe,
Djembatan ramboet saja djalanin,
Biarnja ilang lah djiwa satoe.
Pisang lampeneng tana Selipi,
Pisang soesoe dimakan badjing,
Malem Senen dapet meugimpi,
Dapet kepengen memboewang pantjing,
Orang menjatjing saja mengepang,
Toekang pangsit si orang Tjina,
Toewan memantjing ikan pengempang,
Ikannja gesit soesa dikena.
Poekoel gambang lagoe tiangi,
Bae di poekoel lah rata rata,
Laksana kembang teraloe tinggi,
Maoe dipetik galanja pata.
Djiga ada si boeroeng serak,
Terbangnja tinggi bersoerak soerak
Biar dikasi si goenoeng perak,
Ati di dalem tida bergerak.
63
Wajang sepanggoeng ada selaksa,
Ikan kelengor dalem kereta,
Kaloe maoe tanggoeug saja poenja dosa,
Misti denger saja poenja prenta.
Makan obat makan djedjamoe,
Boeroeng beta di Kali Deres,
Sebab lah sobat baroe ketemoe,
Aer mata rasa diperes.
Rempa rempa bereopa roepa,
Seroepa lagi boewat menjemboer,
Siang malem tida diloepa,
Loepe sekedjap sewaktoe tidoer.
Orang memantjing di moeara Toegoe,
Dapet saekor ikan seroewang,
Saja dibikin seperti teboe,
Aer dimakan ampas diboewang.
Ketok papan dari Tjelintjing,
Batja koeran di Pinangsia,
Ilang oempan lah tinggal pantjing,
Tinggal djoran di tangan saja.
