58
Tjoba 'koe taoe poentjakoe ini,
Karang papan boenga melati,
Tjoba 'koe taoe bakal begini,
Larang di mata tahan di ati,
Saja kira toewan Pengeran,
Tida taoe toewan dipati,
Dikira bakal permaenan,
Tida taoe ratjoen di ati.
Dari Bangkaoeloe troes Semarang,
Singgah menginep di dalem roema,
Dari doeloe sampe sekarang,
Perdjandjiau toewan tida diloepa.
Koewe bapaoe diboengkoes kaen,
Pasang boeboe di atas karang,
Tida 'koe maoe pada jang laen,
Toenggoeken toewan sampe sekarang.
Anak monjet di atas karang,
Kasi bermakan boewa siantoe,
Dari doeloe sampe sekarang,
Belon dapet kabar jang tentoe.
59
Djikaloe saja sakit begini,
Melarat rasanja sekali ini,
Rindoe dendam saja tahani,
Maoe ketemoe belon berani.
Djikaloe soerat nona terima,
Biar dibatja di dalem roema,
Saja pesen lah poma poma,
Minta baleaan lah djangan lama.
Harep sekali soerat balesan,
Mana oentoeng dengen toelisan,
Sembarang orang lah saja pesan,
Doedoek menoenggoe boeat tangisan.
Beli setangan dari Kroekoet,
Kasoet songket dalem pedati,
Rasa kangen boekannja patoet,
Rasa melengket di dalem ati.
Djiga ada si oeler belang,
Sedljengkal koerang tiga djari,
Djikaloe tida goenoeng melintang,
Pandang si nona lab saban bari.
