44
Pantoen Orang Moeda.
Djiga ada boenga audjelir,
Baoenja haroem moedik milir,
Pantoen memang djalan menjindir,
Itoe djoega boleh dipikir.
Banjak Banten mendjadi njai,
Satoe tiada kebagian,
Djangan denger orang menjanji,
Ati di dalem tiada keroewan.
Ambil boejoeng menjirem kembang,
Bue di sirem kembang melati,
Djiga boeroeng saja terebang,
Bakal meliat si djantoeng ati.
Renang rening aer di tahang,
Ambil daon menjoet piring,
Demem dingin boleh di tahan,
Ati kangen di mana kirim.
45
Sapoe tangan pinggir dikelim,
Soeda dikelim di gigibalang,
Ati kangen dimana kirim,
Maoe dikirim boekannja barang.
Sapoe tangan dikata lingsoe,
Djeroek manis di para para,
Ati kangen dikata losoe,
Maoe menangis takoet kentara
Djeroek manis di para para,
Batang temoe di dalem korang.
Maoe menangis takoet kentara,
Dapet ketemoe di moeka orang.
Batang tomoe di dalem korang,
Ambil asem lah dari rawa,
Dapet ketemoe di moeka orang,
Poekoel mesem dengen tetawa.
Saja mendjait si sapoe tangan,
Lipet setangan lah poetjook paon,
Lempar batoe semhoeni tangan,
Soepaja djangan lah orang taoe,
