42
Engget mengkoedoe naek di tangga,
Pisang kopok dalem lemari,
Panggil soldedoe disoeroeh djaga,
Takoet sampe lah rampok lari.
Pisang kepok dalem lemari,
Engget koewini di pinggir kali,
Takoet sampe lah rampok lari ,
Takoet kompeni lah soesah tjari.
Engget koewini di pinggir kali,
Ketok pakoe hari Selasa,
Takoet kompeni lah soesah tjari,
Hari Saptoe maoe dipreksa.
Ketok pakoe hari Selasa,
Pakoe ada di atas pintoe,
Hari Saptoe maoo dipreksa,
Soeroeh mengakoe salah satoe,
Pakoe ada di atas pintoe,
Petik pala di dalem bakoel,
Soeroeh mengakoe salah satoe,
Jang mana salah jang mana betoel.
43
Petik pala di dalem bakoel,
Pala ada koe dengan djantoeng,
Jang mana salah jang mana botoel,
Jang salah lagi hoekoeman gantoeng.
Pala ada koe dengan djantnoeng,
Bakoel ada teroewang-roewang,
Jang salah lagi hoekoeman gantoeng;
Jang mana betoel hoekoeman boewang.
TJAP NAMA,
ROEPA-ROEPA, DARI KARET,
ditanggoeng boleh pakei sampei berapa tahon lamanja, boleh soeroeh bikin pada toewan
G. F R A N C I S
di Kebon Djeroek, sebrang roemah miskin
Roemah No. 10/63.
