Djati ada dipoekoel ombak, Ombak memetjah langgar geloembang, Mati lagi kena ditembak, Sampe ditembaklah toedjoe lobang.
Ombak memetjah langgar geloembang, Piso raoet di dalem tong, Sampe ditembaklah toedjoe lobang, Toean sekaoet mati dipotong.
Piso racet di dalem tong, Daon ketepeng berboengkoes katjang, Toean sekaoet mati dipotong, Serean Gepeng mati ditjingtjang.
Daon ketepeng berboengkoes katjang, Katjang ada di bawah akar, Serean Gepeng mati ditjingtjang, Ditjingtjang lagi lantas dibakar.
Katjang ada di bawah akar, 'l'oekang laksa mendjoeal tahang, Ditjingtjang lagl lantas dibakar, Djaksa Iiat tiada boleh tahan.
Toekang laksa mendjoewal tahang, Petik kenari dari Tjekini, Djaksa liat tiada boleh tahan, Djaksa lari pegi semboeni.
Petik kenari dari Tjekini, Petik koewini dipatok ajam, Djaksa lari pegi semboeni, Semboeni lagi di poehpen bajam.
Petik koewini dipatok ajam, Pisang kepok dalem perahuoe, Semboeni lagi di poehoen bajam, Lihat rampok lah soedah djaoe.
Pisang kepok dalem perahoe, Kain bang boeatan pangsi, Liat rampok lah soedah djaoe, Soedah menjebrang kali Bekasi.
Kain bang boewatan pangsi, Engget kenari koe dengen mantjoeng, soedahh menjebrang kali Bekasi, Rampoknja lari ka Teloek Poejoeng.
