34
Orang menoesoek 'bari berkoewi, Beli golok kampoeng Tongkangan, Disoeroch masoek di dalem boei, Kaki dibelok srenta tangan.
Beli golok kampoeng Tongkangan, Engget kwini sedang tengari, Kaki dibelok srenta tangan, Kompeni takoet nanti' dia lari.
Engget kwini sodang tengari, Ketok pakoe ari Selasa, Kompeni tak'et nanti dia lari, Hari Saptoe maoe dipreksa.
Ketok pakoe ari Selasa, Daon kwini boeat memepès, Hari Saptoc maoe dipreksa, Dia poenja bini lagi dikompes.
Daon kwini boeat memêpès, Ambillah korma di atas bangkoe, Dia poenja bini lagi dikompes, Lama lama bininja 'ngakoe
35
Ambillah korma di atas bangkoe, Toekang laksa mendjoewal djantoeng, Lama lama bininja 'ngakoe, Kisan dipreksa poetoesan gantoeng.
Toekang laksa mendjoewal djantoeng, Pegi di Poris nack di tangga, Kisan dipreksa poetoesan gantoeng, Banjaklah baris jang dateng djaga.
Pegi di Poris naek di tangga, Sajoer djantoeng berkoewa laksa, Banjaklah baris jang dateng djaga, Tempo digantoeng hari Selasa.
Sajoer djantoeng berkoewa laksa, Toekang kerang mendjoewal korma, Tempo digantoeng hari Selasa, Banjak orang pada kesima.
Toekang kerang mendjoewal korma, Bikin koekoesan dalem pedati, Banjak orang pada kesima, Lihat Kisan soedahlah mati.
