10
Kaloe bersobat bae'an djangan, Misti dengar saja poenja larangan, Pegelin ati tjape-in tangan, Lantaran sobat bakal gadangan.
Bersobat itoe sekalian sanak, Seperti boeroeng jang amat djinak, Kaloe bersobat djangan jang ada anak, Begini begitoe djadi koerang enak.
Bersobat itoe djaili setori, Lantaran mara lah sebab siri, Teroesa djoega lah nona tjari, Nanti dia dateng kendiri.
Djangan goesar saja Ingetin, Perkara bersobat misti tobatin, Djikaloe dia kena lengketin, Roemahnja djaoeh dia deketin.
Bersobat itoe paling tjilaka, Djelek sekali dia poenja tingka, Djadi orang djangan seraka, Dapat sobat si toewa bangka.
11
Paling tijalaka orang bersobat, Kantongnja bresih kena babat, Berdjalan poelang kena di hebat, Banting kaki berdjalan tobat.
Kaloe bersobat matanja djoeling, Dia bawa tingkah lah kaja maling, Oewang abis nona ida goeling, Tinggal nona djalan koeliling.
Nona bersobat lebih bae berenti, Soroeh toboes nona poenja peniti, Sebab nona setengah ati, Boeat di bela mati.
Bersobat itoe lantaran gelang, Soedah di pake djangan dibikin ilang, Djikalaoe bosen lah nona bilang, Nanti saja anterin poelang.
Bersobat itoe lantaran patek konde, Barangnja ilang dia teroes gade, Simpan resia biarlah pande, Djangan sampe kena orang bade
~~----------....-----,~
