Page:Bie ning Principe Paris - at ing Pastorang y Enone ampon ing Pañgasira ning Troya (IA auj9320.0001.001.umich.edu).pdf/65

— 59 —

 Minutus yang ari motung nemang dama
ing pepalubana á miganiung reina,
sacane ausang anting esposo na
balaping misulu canitang lamesa.

 Linubya ing dama ngana ó esposo
nanu't ecalual magamusaltamu,
lalung migmulala iting y Bartolo
ari cumo uari canining bilicu.

 Timanmana naman ing lupa ning dama
iti ngana uari ing cacung esposa,
nuraquepin quesal nuque miasaus
biglangbiglanaping asaua queng reina.

 Iti uari tutu á anting taguimpan
nanu ing mallari qng biecu ngeninan,
nabengingnabengi lasing qng lansangan
alacuping male metudtudeu misan.

 Ing maulang ari tulana sabianpa
caniting Bartolo at palingpalingya,
antiyang meninap canitang bilina
queta ning millari á merapat quea.

 Ngara ding consejos & ariming guinu
lualnaco sapu matasne ing aldo,
tinicdoneng agad tinuqui y Bartolo
dapot manginlagya caretang consejo.

 Lingaplingapnepin, manlalauenaman
gayac ning palacio queang pagumasdan,
ing lubna at pusu pibalicbalican
mistulang mamulang ing queang carlayan.