Page:Bie ning Principe Paris - at ing Pastorang y Enone ampon ing Pañgasira ning Troya (IA auj9320.0001.001.umich.edu).pdf/45

— 39 —

 Nung iniapu ngeni ing pangaḥilian
talagana ata ning dios á nuan,
ulina ning sintang alang samut ditman
picayarimipu ing iqueng pacasal.

 Ngenipu ing yauad qñg suguing camalmu
mallaring mulica quilub ning reino,
carinca manaya queting paniatangeu
nung manibat nacu qñg imperio Turco.

 Queting daralacung victoriang acamtan
á pagɓiestanapin niting cayarian,
macaagnan naman iting pangacasal
acut y Dalida á sintacung irang.

 Inia naman ngeni ining quecang anác
mignasayang tuqui queting pamangubat,
caretinang turco baping mibulalag
ing queang tepangan sicananang ganap.

 Y Dalida naman minteya quetinan
ó igpacung guinu quecasang tulutan,
mallaring tuquicu qug pamaquilaban
qug reino Turquía mibalita naman.

 Uling alicupu tune apibata
ing tiu qñg panganib ing canacung sinta,
nun uarit mateya mapilitpin ita
ining inauacu idamecu caya.

 Bintonang Leandro Dalidang anacu.
ampat magpilitca ing tuquica ngamu,
aguiamang mapait qug pusu at lubcu
tutulutancuna nun ya ing burimu.