BIAG TI MAYSA A LAKAY
WENNO
Nakaam-ames a bales.
Nakal-tang ti rabi-y...... ti im-nas ni talna nagsalaknap iti isu amin soksok; daguiti narnuay á parsuat' ditoy lubong naidalitḍa met amin ti nalamuyot á sidong ni turog; awan á pulos uray apagkanitó man nga anabaab a mangriribuk wenno mangdadael ti ulimek á sapasap, ket ti nalami-is á kasaor nagtalna ti pul-oyna, ket nasam-it nga ira-irna diman mang-ñge-gan kaḍaguiti nalang-payak á sang-sañga daguiti agkakatayag á kay-kayo; ngem nupay no kasta ti bulan, sa-an á maogutan nga ub-bog ti nailangitan á pampanunot, natiri nga asawa ti ari daguiti bit-bitweň á kas saritaen daguiti Griego, sumingising idiay nagtatarip-noñgan daguiti napudaw ken nasin-áw ñga ululep ti tangatang, ket ti nasilnag á lawagna in-na iburay idiay ili á managan X. Nupay nangitingit daydy á rabi-y, dalong-dong ni ulimek bino-ñgon-na iti isu amin á lubong: adda man dua á lal-laki, lakay ken agtutubo á magmag-nada nga agturong idiay dalan á sumalbag ti nalawa a lansangan ti paguilian.
Apaman á nakadanonda idiay nasaó á lansangan, inda tim-mugaw á nagabay ti rabaw ti bató á nadalum-pinas nga adda á naipinipin ti linong ti maysa á narukbos á lugó. Daydi lakay kas ipaduyakyak ti rupana á malawagan ti bulan
