[ ᭓᭐ 30B]
᭓᭐᭞
ᬭᬲᬕ᭄ᬧᬸᬭᬸᬱ᭞ᬯᬶᬤ᭄ᬬᬯᬵᬭᬕᬲᬶᬭ᭞ᬯ᭄ᬭᬸᬄᬫᬗᬚᬶᬲᬃᬯ᭄ᬯᬰᬵᬲ᭄ᬢ᭄ᬭ᭞ᬫᬾᬥᬯᬶ᭞ᬫᬾᬗᭂᬢ᭄ᬲᬶᬭ᭞ᬰᬸᬪᬫᬢᬶ᭞ᬭᬳᬬᬸᬭᬶᬂᬩᬸᬤ᭄ᬥᬶᬧᬸᬡ᭄ᬬᬢᬲᬶᬭ᭞ᬧᬯᬶᬢ᭄ᬭᬳᬯᬓ᭄ᬦᬶᬭᬢᬦ᭄ᬧᬤ᭄ᬭᬾᬯ᭄ᬯ᭄ᬬᬦ᭄ᬘᬜ᭄ᬘᬮ᭞ᬓ᭄ᬱᬫᬢᬲᬶᬭ᭞ᬳᬸᬧᬲᬫᬵᬫ᭄ᬩᭂᬓ᭄ᬦᬶᬭ᭞ᬥᬿᬃᬬ
ᬯᬦ᭄ᬢᬲᬶᬭ᭞ᬳᬢ᭄ᬬᬦ᭄ᬢᬲᬹᬭ᭞ᬢ᭄ᬬᬕᬶᬢᬲᬶᬭ᭞ᬢᬦ᭄ᬢᬺᬱ᭄ᬡᬾᬂᬤᬺᬯ᭄ᬬᬫᬸᬯᬂᬳᬸᬭᬶᬧ᭄ᬦᬶᬭ᭛ᬪᬕ᭄ᬬᬢᬲᬶᬭᬫᬫᬗ᭄ᬕᬸᬄᬲᬃᬯ᭄ᬯᬭᬳᬬᬸᬭᬶᬂᬭᬵᬢ᭄᭞ᬓᬶᬦᬳᬦᬦᬶᬂᬲᬸᬓ᭞ᬲᬢᭂᬯᭂᬓ᭄ᬦᬶᬂᬤᬤᬶ᭞ᬤᬤᬶᬢᬲᬶᬭ᭞ᬲᬸᬕᬶᬄᬫᬵᬲ᭄ᬧᬶᬭᬵᬓ᭄᭞ᬓᬺᬢᬬᬱ
ᬢᬕᭃᬂᬬᬰᬦᬶᬭ᭞ᬥᬃᬫ᭄ᬫᬢᬲᬶᬭ᭞ᬯ᭄ᬭᬸᬄᬭᬶᬂᬥᬃᬫ᭄ᬫᬭᬳᬬᬸ᭞ᬲᬸᬭᬵᬓ᭄ᬱᬢᬲᬶᬭ᭞ᬭᬸᬫᬵᬓ᭄ᬱᬭᬶᬂᬲᬭᬵᬢ᭄ᬓᬩᬾᬄ᭞ᬲᬓᬄ᭞ᬯ᭄ᬭᬸᬳᬗᬵᬫ᭄ᬩᭂᬓᬶᬫᬶᬢ᭄ᬭ᭞ᬢᬦᬸᬘᬧᭂᬦᬶᬓᬂᬯᬦ᭄ᬤᬸᬯᬵᬕ᭄ᬕ᭛ᬫᬸᬯᬄᬬᬦ᭄ᬳᬦᬫᬦᬸᬱ᭄ᬬᬫᬗ᭄ᬓᬦ᭞ᬲᬵᬧᬓ
ᬦᬶᬂᬚᬦ᭄ᬫ᭞ᬬᬦ᭄ᬫᬢᬶᬫᬸᬮᬶᬄᬫᬭᬶᬂᬭᬸᬤ᭄ᬭᬧᬤ᭞ᬳᬧᬦ᭄ᬲᬶᬭᬳᬸᬫᬸᬮᬳᬓᭂᬦ᭄ᬓᬬᭀᬕᬷᬰ᭄ᬯᬭᬦ᭄᭞ᬓᬮᬷᬗᬦᬶᬓᬲᬵᬓ᭄ᬱᬵᬢ᭄ᬲᬗ᭄ᬳ᭄ᬬᬂᬭᬸᬤ᭄ᬭᬳᬶᬓᬂᬧ᭄ᬯᬂᬫᬗ᭄ᬓᬦ᭞ᬲᬶᬭᬢᬫᬳᬵᬧᬸᬭᬸᬱ᭛ᬳᬶᬢᬶᬯ᭄ᬭᬢᬶᬰᬵᬲᬦ᭞ᬳᬬ᭄ᬯᬢᬦ᭄ᬓᬶ
[ ᭓᭑ 31A]
ᬦᬯ᭄ᬭᬸᬳᬓᭂᬦ᭄ᬤᬾᬦᬶᬭᬲᬂᬯᬶᬓᬸ᭞ᬲᬗᬋᬧ᭄ᬯ᭄ᬭᬸᬳᬭᬶᬂᬧᬜ᭄ᬘᬲᬶᬓ᭄ᬱ᭞ᬤᬰᬰᬷᬮ᭞ᬫᬗ᭄ᬓᬦᬓ᭄ᬭᬫᬲᬂᬪᬸᬚᬗ᭄ᬕ᭞ᬢᬦ᭄ᬧᬢᭂᬲᭂᬫ᭄ᬩᬄᬲᭂᬫ᭄ᬩᬳᬦ᭞ᬢᬦ᭄ᬧᬢᬶᬲᬸᬭᬸᬧ᭄ᬲᬸᬭᬸᬧᬦ᭞ᬢᬦ᭄ᬧᬢᬶᬮᬸᬗ᭄ᬕᬸᬳᬦ᭞ᬳᬬ᭄ᬯᬢᬦ᭄ᬯ᭄ᬭᬸᬄᬯ᭄ᬭᬸᬳᬬᬾᬦ᭄ᬓᬧᬦᬲᬦ᭄᭞ᬬᬾᬦ᭄ᬓᭀ
ᬤᬦᬦ᭄᭞ᬳᬬ᭄ᬯᬢᬦ᭄ᬯ᭄ᬭᬸᬄᬯ᭄ᬭᬸᬳᬬᬦ᭄ᬓᬮᬸᬯᬾᬦ᭄᭞ᬳᬬ᭄ᬯᬢᬦ᭄ᬯ᭄ᬭᬸᬄᬯ᭄ᬭᬸᬳᬬᬦ᭄ᬓᬗᭂᬮᬶᬳᬦ᭄᭞ᬧᬶᬮᬶᬳᬦᬤᬾᬦᬶᬭᬳᬶᬓᬂᬧᬗᬦᭂᬦ᭄᭞ᬧᬶᬮᬶᬳᬦᬤᬾᬦᬶᬭᬳᬶᬓᬗᬶᬦᬸᬫᭂᬦ᭄᭞ᬧᬶᬮᬶᬳᬦᬤᬾᬦᬶᬭᬳᬸᬗ᭄ᬕ᭄ᬯᬦᬶᬂᬧᬃᬭᬵᬬᬦᬦᬶᬭ᭞ᬳᬬ᭄ᬯᬢᬦ᭄
ᬯ᭄ᬭᬸᬄᬭᬶᬂᬓᬵᬮᬤᬾᬰᬯᬾᬓ᭄ᬱᬶ᭛ᬫᬗ᭄ᬓᬦᬓ᭄ᬭᬫᬲᬂᬪᬸᬚᬗ᭄ᬕ᭞ᬭᬶᬯ᭄ᬭᬸᬄᬳᬦᬶᬭᬬᬦ᭄ᬩ᭄ᬭᬵᬳ᭄ᬫᬵᬯᬗ᭄ᬲ᭞ᬳᬦᬓᬸᬫ᭄ᬯᬮᬶᬂᬦᬶᬂᬰᬵᬲ᭄ᬢ᭄ᬭ᭟᭐᭟ᬬᬾᬯ᭄ᬬᬢᬶᬢᬄᬲ᭄ᬯᬓᬵᬃᬫ᭄ᬫᬪ᭄ᬬᬄ᭞ᬧᬭᬓᬃᬫᭀᬧᬚᬷᬯᬦᬄ᭞ᬤ᭄ᬯᬶᬚᬢ᭄ᬯᬫᬵᬯᬚᬦᬦ᭄ᬢᬄ᭞ᬯᬶᬧ᭄ᬭᬄᬰᬸᬤ᭄ᬭᬯᬤᬵᬘ
ᬭᬾᬢ᭄᭟᭐᭟ᬓ᭟ᬳᬶᬓᬂᬯ᭄ᬯᬂᬬᬦ᭄ᬲᬸᬭᬸᬤ᭄ᬲᬗ᭄ᬓᬾᬂᬲ᭄ᬯᬓᬵᬃᬫ᭄ᬫᬦ᭄ᬬ᭞ᬫᬓᭀᬧᬚᬷᬯᬦ᭄ᬬ᭞ᬳᬫᬗᬦ᭄ᬤᬾᬦ᭄ᬬᬤᬸᬫᬸᬮᬳᬓᭂᬦ᭄ᬕᬯᬾᬦᬶᬂᬯ᭄ᬯᬂᬮᬾᬦ᭄᭞ᬓᬤ᭄ᬬᬗ᭄ᬕᬦᬶᬭᬲᬂᬩ᭄ᬭᬵᬳ᭄ᬫᬡ᭛ᬳᬧᬓᬶᬂᬩ᭄ᬭᬵᬳ᭄ᬫᬡ᭞ᬧᬶᬦᬓᬓᬯᬶᬚᬶᬮᬦᬶᬭᬢᬸᬳᬸᬢᬸ
Page:Bali-lontar-wrati-sasana-300ppi.pdf/31
Jump to navigation
Jump to search
This page has been proofread.
