Page:Bali-lontar-wrati-sasana-300ppi.pdf/30

From Wikisource
Jump to navigation Jump to search
This page has been proofread.

[ ᭒᭙ 29B]
᭒᭙᭞
ᬚᭂᬦᭂᬓᬶᬂᬲᬗ᭄ᬕᬫ᭞ᬧᬦᬰᬓ᭄ᬢ᭞ᬗ᭟ᬚᭂᬦᭂᬓᬶᬗᬗᬶᬦᬸᬫ᭄‌ᬢ᭄ᬯᬓ᭄᭞ᬤ᭄ᬬᬸᬢᬰᬓ᭄ᬢᬶ᭞ᬗ᭟ᬚᭂᬦᭂᬓᬶᬂᬢᭀᬄᬢᭀᬳᬦ᭄᭞ᬲᬮ᭄ᬯᬶᬭᬶᬂᬚᬸᬥᬶ᭞ᬫᬺᬕᬬ᭞ᬗ᭟ᬚᭂᬦᭂᬓᬶᬗᬩᬸᬭᬸᬩᬸᬭᬸ᭞ᬳᬳ᭄ᬯᬦ᭞ᬗ᭟ᬚᭂᬦᭂᬓᬶᬂᬳᬗᬸᬦ᭄ᬤᬗᬸᬡ᭄ᬤᬂᬲᬮ᭄ᬯᬶᬭᬶᬂᬢᭀᬦ᭄ᬢᭀᬦᬦ᭄᭞
ᬦᬶᬤ᭄ᬭ᭞ᬗ᭟ᬚᭂᬦᭂᬓᬶᬂᬳᬸᬭᬸ᭞ᬕᬶᬭᬶᬰᬓ᭄ᬢ᭞ᬗ᭟ᬚᭂᬦᭂᬓᬶᬂᬮᬗᭃᬦᬶᬂᬕᬸᬦᬸᬂ᭞ᬕᬶᬳᬰᬓ᭄ᬢ᭞ᬚᭂᬦᭂᬓᬶᬂᬭᬵᬫ᭄ᬬᬦᬶᬂᬕᬶᬳᬵ᭞ᬰᬹᬦ᭄ᬬᬰᬓ᭄ᬢ᭞ᬗ᭟ᬚᭂᬦᭂᬓᬶᬂᬓᬮᬗᭃᬦᬶᬗᬲᭂᬧᬶ᭞ᬳᬰᬦ᭞ᬗ᭟ᬚᭂᬦᭂᬓᬶᬂᬳᬫᬗᬦ᭄ᬲᬸᬭᬲ᭞ᬚᬮᬰᬓ᭄ᬢ᭞ᬗ᭟
ᬚᭂᬦᭂᬓᬶᬂᬭᬵᬫ᭄ᬬᬦᬶᬂᬢᭀᬬ᭞ᬓᬤ᭄ᬬᬗ᭄ᬕᬵᬦᬶᬂᬲᭂᬜ᭄ᬚᬂ᭞ᬢᬮᬕ᭞ᬧᬜ᭄ᬘᬸᬭᬦ᭄᭞ᬦᬤᬶ᭞ᬦᬃᬫ᭄ᬫᬤ᭞ᬕᬗ᭄ᬕᬵ᭞ᬲᬭᬬᬸ᭞ᬲᬵᬕᬭ᭞ᬲᬮ᭄ᬯᬶᬭᬶᬂᬮ᭄ᬯᬶᬄᬭᬵᬫ᭄ᬬᬬᬢᬓᬶᬦᬮᬸᬮᬸᬢ᭄ᬫᬦ᭄ᬬ᭞ᬳᬶᬓᬢᬓᬩᬾᬄ᭞ᬲᬶᬦᬗ᭄ᬕᬄᬰᬢ᭄ᬭᬸᬲᬂᬬᭀᬕᬶᬰ᭄ᬯᬭ᭞ᬲᬮ᭄ᬯᬶᬭᬶᬂ
ᬯᬶᬱᬬᬦᬶᬓᬵᬂᬭᬵᬢ᭄᭛ᬬᬢᬫᬢᬗ᭄ᬬᬦ᭄‌ᬳᬬ᭄ᬯᬢᬲᬂᬯᬶᬓᬸᬓᬚᭂᬦᭂᬓᬦᬶᬂᬯᬶᬱᬬ᭞ᬦᬶᬫᬶᬢ᭄ᬢᬦᬶᬭᬵᬦ᭄ᬧᬦᭂᬫᬸᬯᬂᬓᬬᭀᬕᬷᬰ᭄ᬯᬭᬦ᭄᭞ᬮᬵᬯᬦ᭄ᬢᬫᬸᬯᬄᬓᬵᬫ᭄ᬩᬓᬦ᭄ᬢᬯᬶᬓᬸ᭛ᬬᬦᬋᬧᬸᬫᬗ᭄ᬕᬸᬳᬂᬧᬤᬲᬗ᭄ᬳ᭄ᬬᬂᬳᬶᬰ᭞ᬫᬓᬚ᭄ᬜᬵᬦ
[ ᭓᭐ 30A]
ᬦᬶᬱ᭄ᬓᬮᬚ᭄ᬜᬵᬦᬚᬸᬕᬲᬶᬭ᭞ᬩ᭄ᬬᬓ᭄ᬢᬓᬧᬗ᭄ᬕᬸᬳᬦᬶᬓᬂᬰᬶᬯᬯᬤᬤᬾᬦᬶᬭ᭞ᬳᬦ᭄ᬲᬶᬭᬯᬵᬲ᭄ᬧᬤᬭᬶᬂᬦᬶᬱ᭄ᬓᬮᬚ᭄ᬜᬵᬦ᭛ᬓᬸᬦᬂᬬᬦ᭄ᬢᬦ᭄ᬓᬤᬸᬗ᭄ᬓᬧᬶᬓᬂᬧᬤᬰᬹᬦ᭄ᬬᬤᬾᬦᬶᬭ᭞ᬳᬶᬘᭂᬤᭂᬂᬦᬶᬭᬵᬦ᭄‌ᬧ᭄ᬭᬮᬷᬡ᭞ᬳᬶᬭᬶᬓᬢᬲᬶᬭᬦ᭄ᬧᬗ᭄ᬚᬦ᭄ᬫᬭᬶᬂᬫᬵᬦᬸ
ᬱ᭞ᬫᬧᬢᬮ᭄ᬯᬶᬃᬦᬶᬂᬧᬗ᭄ᬚᬦ᭄ᬫᬦᬶᬭᬂᬤᬤᬶᬫᬵᬦᬸᬱ᭟᭐᭟ᬪᬹᬬᬫ᭄ᬧᬸᬗ᭄ᬓᬸᬮᬭᬹᬧᬰᬶᬮᬯᬶᬪᬯ᭞ᬰ᭄ᬭᬷᬫᬦ᭄ᬢᬧᬲ᭄ᬯᬶᬧᬸᬫᬦ᭄᭞ᬯᬶᬤ᭄ᬬᬧᬵᬭᬕᬫ᭄‌ᬳᬾᬣᬧᬫ᭄‌ᬰᬸᬪᬫᬢᬶᬄᬧᬸᬡ᭄ᬬᬓ᭄ᬱᬫᬵᬤᬿᬃᬬ᭄ᬬᬯᭀᬦ᭄᭞ᬢ᭄ᬬᬕᬶᬪᬵᬕ᭄ᬬᬲᬸᬓᬥᬵᬦᬶ᭞ᬓᬺᬢᬬ
ᬰᭀᬥᬃᬫ᭄ᬫᭀᬲᬸᬭᬵᬓ᭄ᬱᬄᬲᬓᬄ᭞ᬬᭀᬕᬶᬦᬶᬱ᭄ᬓᬮᬚᬦ᭄ᬫᬦᬶᬢ᭄ᬭᬶᬲᬫᬬᬢᬶᬰᬮᬬᬯ᭄ᬬᬵᬧ᭄ᬢᬬᬾ᭟᭐᭟ᬓ᭟ᬲᬂᬬᭀᬕᬶᬬᬦ᭄ᬢᬦ᭄ᬓᬢᭂᬫᬸᬤᬾᬦᬶᬭᬳᬶᬓᬂᬰᬶᬯᬧᬤ᭞ᬢᬱᬧᬶᬦ᭄ᬬᬢᬦ᭄ᬤᬤᬶᬚᬸᬕᬢᬦ᭄ᬧᬨᬮᬬᭀᬕᬦᬶᬭ᭞ᬳᭀᬫᬨᬮᬯᬶᬄ᭞ᬫ
ᬗ᭄ᬚᬦ᭄ᬫᬢᬲᬶᬭ᭞ᬫᬓᬦᬶᬫᬶᬢ᭄ᬢᬯ᭄ᬭᬸᬄᬦᬶᬭᬾᬂᬢ᭄ᬭᬶᬲᬫᬬ᭞ᬫᬧᬾᬓᬤᬤᬶᬦᬶᬭᬵᬦ᭄ᬫᬵᬦᬸᬱᬳᬕᭃᬂᬧ᭄ᬭᬪᬵᬧᬦᬶᬭᬭᬶᬂᬭᬵᬢ᭄᭞ᬫᬓᬵᬤᬶᬓᬸᬦᬶᬭ᭞ᬫᬸᬯᬄᬲᬹᬭᬸᬧ᭞ᬲᬸᬰᬷᬮᬓᬶᬦᬳᬦᬦᬶᬂᬰ᭄ᬭᬷ᭞ᬧᬪᬯᬶᬲᬭ᭞ᬳᬧᬦ᭄ᬢᬧᬲ᭄ᬯᬶᬲᬶᬭ᭛ᬫᬗ᭄ᬓᬦᬮ᭄ᬯᬶᬃᬦᬶ