Page:Bali-lontar-wrati-sasana-300ppi.pdf/27

From Wikisource
Jump to navigation Jump to search
This page has been proofread.

[ ᭒᭖ 26B]
᭒᭖᭞
ᬢᬦ᭄ᬫᬮᬶᬗᬢᬳ᭄ᬓᬶᬢ᭛ᬫᬮᬶᬂ᭞ᬗ᭟ᬦᬶᬳᬦ᭄‌ᬮ᭄ᬯᬶᬃᬦ᭄ᬬ᭟᭐᭟ᬓᬃᬢ᭄ᬢᬓᬵᬭᬬᬶᬢᬪᭀᬓ᭄ᬢ᭞ᬓᬶᬤᬺᬱ᭄ᬞᬄᬲ᭄ᬣᬦᬤᬲᬓᬄ᭞ᬢ᭄ᬭᬢᬵᬚ᭄ᬜᬵᬢᬘᬕᭀᬧ᭄ᬢᬘ᭞ᬳᬱ᭄ᬝᬘᭀᬭᬯᬶᬥᬵᬲ᭄ᬫᬺᬢᬄ᭟᭐᭟ᬓ᭟ᬯ᭄ᬯᬮᬸᬓ᭄ᬯᬾᬄᬦᬶᬂᬫᬮᬶᬂ᭞ᬗ᭛ᬫᬗᬮᬧ᭄᭞ᬳ
ᬦᬸᬤᬸᬳᬓᭂᬦ᭄᭞ᬫᬦᬶᬗᬶᬤᬓᭂᬦ᭄᭛ᬦᬵᬳᬦ᭄ᬢᬂᬲᬶᬦᬗ᭄ᬕᬸᬳᬱ᭄ᬝᬘᭀᬭ᭞ᬗ᭞᭛ᬬᬢᬾᬓᬢᬦᬸᬮᬳᬓ᭄ᬦᬦ᭄ᬢᬯᬶᬓᬸ᭞ᬬᬢᬲᬶᬦᬗ᭄ᬕᬄᬬᬫᬩ᭄ᬭᬢ᭞ᬗ᭟ᬮᬶᬂᬪᬝᬵᬭᬭᬸᬤ᭄ᬭ᭞ᬓᬾᬗᬶᬢᬓ᭄ᬦᬢᭂᬫᭂᬦ᭄᭛ᬦᬶᬳᬦ᭄ᬯᬭᬄᬪᬝᬵ
ᬭᬰᬶᬯᬓᬬᬢ᭄ᬦᬓᭂᬦᬢᭂᬫᭂᬦ᭄᭟᭐᭟ᬳᬓ᭄ᬭᭀᬥᬕᬸᬭᬸᬲᬸᬰ᭄ᬭᬸᬱᬵ᭞ᬰᭀᬘᬫᬳᬵᬭᬮᬵᬖᬯᬦ᭄᭞ᬳᬧ᭄ᬭᬫᬵᬤᬰ᭄ᬘᬧᬜ᭄ᬘᬾᬢᬾ᭞ᬦᬶᬬᬫᬄᬰᬶᬯᬪᬵᬱᬶᬢᬄ᭟᭐᭟ᬓ᭟ᬳᬓ᭄ᬭᭀᬥᬕᬓᬶᬢ᭞ᬳᬦ᭄ᬧᬦᬸᬯᬸᬓᬦᬕᬮᬓᬶᬂᬭᬚᬄ᭞
ᬳᬬ᭄ᬯᬘᬧᬮᬭᬶᬂᬯᬸᬯᬸᬲ᭄᭞ᬢᬦ᭄ᬘᬧᬮᬭᬶᬗᬲ᭄ᬢ᭛ᬕᬸᬭᬸᬲᬸᬰ᭄ᬭᬸᬱᬵᬢᬄ᭞ᬪᬓ᭄ᬢ᭄ᬬᬵᬕᬸᬭᬸ᭞ᬗ᭞᭛ᬲᬗᬶᬦᬭᬗᬸᬭᬸᬮ᭄ᬯᬶᬃᬦ᭄ᬬ᭟᭐᭟ᬯᬬᭀᬯᬺᬤ᭄ᬥᬄ᭞ᬢᬧᭀᬧᬺᬤ᭄ᬥᬄ᭞ᬚ᭄ᬜᬦᭀᬧᬺᬤ᭄ᬥᬄ᭞ᬭᬶᬢᬶᬲ᭄ᬫᬺᬢᬄ᭟᭐᭟ᬦ᭄ᬤ᭄ᬬᬢ᭟ᬧᬬᭀᬯᬺᬤ᭄ᬥᬄ
[ ᭒᭗ 27A]
ᬗ᭟ᬲᬂᬫᬢᬸᬳᬭᬶᬂᬯᬬᬄ᭞ᬓᬤ᭄ᬬᬗ᭄ᬕᬵᬦᬶᬂᬩᬧᬾᬩᬸ᭞ᬧᬗᬚ᭄ᬬᬦ᭄᭞ᬗᬸᬦᬶᬯᬾᬄᬲᬂᬧᬗᬲ᭄ᬓᬵᬭᬦ᭄᭞ᬫᬸᬯᬂᬳᬸᬧᬤᬾᬰᬦ᭄᭛ᬢᬧᭀᬯᬺᬤ᭄ᬥᬄ᭞ᬗ᭟ᬲᬂᬫᬢᬸᬳᬵᬭᬶᬂᬢᬧᬩ᭄ᬭᬢ᭛ᬚ᭄ᬜᬵᬦᬯᬺᬤ᭄ᬥᬄ᭞ᬗ᭟ᬲᬂᬫᬢᬸᬳᬵᬭᬶᬗᬚᬶ᭛ᬫᬢ᭄ᬯᬗ
ᬚᬸᬕᬭᬶᬲᬂᬲᬶᬦᬗ᭄ᬕᬄᬫᬢᬸᬳᬵ᭞ᬳᬬ᭄ᬯᬯᬸᬯᬸᬲᬕᬗ᭄ᬲᬸᬮ᭄᭞ᬭᬶᬓᬤᬗᬶᬂᬲᬂᬕᬸᬭᬸᬢᬸᬯᬶᬳᬦ᭄ᬯᬫᬢᬸᬳᬵ᭞ᬬᬦ᭄ᬲᬫᬓᬸᬮᬦᬾ᭞ᬳᬤ᭄ᬯᬫ᭄ᬢᬧ᭄ᬯᬓᬶᬢ᭞ᬬᬢᬪᬓ᭄ᬢᬶᬫᬕᬸᬭᬸ᭞ᬗ᭟ᬬᬦ᭄ᬫᬗ᭄ᬓᬦ᭛ᬦᬶᬢ᭄ᬬᬫᬰᬸᬰᬶᬮᬓ᭄ᬱᬡ᭞ᬫᬕᭂᬍᬫᬤ᭄ᬬᬸ
ᬲ᭄᭞ᬦᬶᬢ᭄ᬬᬫᬳ᭄ᬬᬸᬲ᭄᭞ᬳᬕᭂᬍᬫᬲᬹᬃᬬ᭄ᬬᬰᬾᬯᬦ᭞ᬫᬪᬲ᭄ᬫ᭞ᬫᬘᬦ᭄ᬤᬦ᭞ᬲᬳᬯ᭄ᬯᬾᬯᬲᭂᬄᬰᬶᬯᬵᬫ᭄ᬪᬵ᭞ᬫᬦ᭄ᬢ᭄ᬭᬰᭀᬘ᭞ᬒᬁ᭞ᬲ᭞ᬩ᭞ᬢ᭞ᬅ᭞ᬇ᭛ᬳᬳᬭᬮᬵᬖᬯ᭞ᬗ᭟ᬳᬾᬗ᭄ᬕᬮᬫᬗᬦ᭄ᬢᬦ᭄ᬧᬢᬶᬓᭂᬤᭃᬭᬶᬂᬲᬸᬭᬲ᭞ᬳᬬ᭄ᬯ
ᬚᭂᬦᭂᬓᬶᬂᬪᭀᬕᬫᬗ᭄ᬲᬧᬫᬾᬢ᭄ᬤᬕᬶᬗᬶᬂᬲᬃᬯ᭄ᬯᬧ᭄ᬭᬵᬡᬶ᭞ᬓᬾᬯᬮᬲᬦ᭄ᬢᭀᬱᬢᬄᬓᬶᬢ᭞ᬳᬬ᭄ᬯᬓ᭄ᬭᭀᬥᬮᬦ᭄ᬢᬦ᭄ᬲᬸᬭᬲᬓᬂᬲᬃᬯ᭄ᬯᬪᬓ᭄ᬱᬦ᭄᭞ᬳᬬ᭄ᬯᬧ᭄ᬭᬫᬵᬤ᭞ᬭᬶᬂᬲᬃᬯ᭄ᬯᬧᬶᬦᬗᬦ᭄᭛ᬳᬧ᭄ᬭᬫᬵᬤ᭞ᬗ᭟ᬢᬦ᭄ᬧᬍᬄᬧᬍᬳ