[ ᭑᭖ 16B]
᭑᭖᭞
ᬭ᭞ᬢᬦ᭄ᬯ᭄ᬭᬸᬄᬲᬶᬭᬭᬶᬓᬍᬧᬲᬦ᭄ᬬ᭞ᬫᬗ᭄ᬤᬶᬓ᭄ᬱᬦᬶᬢᬲᬶᬭ᭞ᬫᬓᬦᬶᬫᬶᬢ᭄ᬢᬳ᭄ᬬᬸᬦᬶᬭᬵᬦ᭄ᬲᭂᬗ᭄ᬕᬸᬦᭂᬦ᭄ᬯᬶᬰᬾᬱ᭞ᬫᬸᬯᬂᬳ᭄ᬬᬸᬦᬶᬭᬲ᭄ᬢᬸᬢᬶᬦ᭄ᬤᬾᬦᬶᬂᬮᬾᬦ᭄᭛ᬳᬶᬓᬢᬲᬂᬫᬗ᭄ᬓᬦ᭟ᬯᬶᬧᬢᬷᬢᬳᬦᬸᬫᬗ᭄ᬕᬸᬳᬓᭂᬦᬂᬯᬶᬰᬾᬱ᭞ᬫᬸᬯᬂᬲ᭄ᬢᬸᬢᬶᬦ᭄ᬤᬾᬦᬶᬂᬧᬭ᭞
ᬳᬬ᭄ᬯᬢᬲᬂᬯᬶᬓᬸᬫᬗ᭄ᬓᬦ᭞ᬫᬭᬦ᭄ᬢᬦ᭄ᬦᬶᬦᬶᬦ᭄ᬤᬩᬮᬶᬓ᭄ᬦ᭄ᬬ᭛ᬳᬢᭂᬳᭂᬭᬫᬗ᭄ᬕᬶᬄᬫᬳᬵᬧᬵᬢᬓ᭞ᬳᬧᬦ᭄ᬫᬦᬲᬃᬲᬗ᭄ᬓᬾᬂᬦ᭄ᬬᬵᬲᬧ᭄ᬭᬯᬺᬢ᭄ᬢᬶ᭛ᬓᬸᬦᬂᬤᬾᬬᬲᬂᬬᭀᬕ᭄ᬬᬫᬗ᭄ᬤᬶᬓ᭄ᬱᬦᬦ᭞ᬲᬂᬢᬸᬳᬸᬢᬸᬳᬸᬯ᭄ᬭᬸᬳᬶᬲᬂᬳ᭄ᬬᬂᬤᬶᬓ᭄ᬱᬯᬶᬥᬶ᭞ᬓᬓᬯᬵᬰᬤᬾ
ᬦᬶᬭᬓᬍᬧᬲᬦᬶᬂᬳᬶᬦ᭄ᬤᬶᬓᬲᬂᬳ᭄ᬬᬂᬳᬦ᭄ᬢ᭄ᬬᬤ᭄ᬯᬵ᭞ᬫᬸᬯᬗᬓ᭄ᬯᬾᬄᬓᬯ᭄ᬭᬸᬄᬦᬶᬭᬲᬂᬳ᭄ᬬᬂᬳᬸᬧᬤᬾᬰ᭞ᬲᬢᬢᬫᬪ᭄ᬬᬵᬱᬭᬶᬓᬕᭂᬮᬭᬦᬶᬂᬪ᭄ᬬᬵᬱ᭞ᬢᬸᬯᬶᬰᬓ᭄ᬢᬭᬶᬂᬧᬹᬚᬵ᭞ᬚᬧ᭞ᬳᭀᬫ᭞ᬬᭀᬕ᭞ᬲᬫᬵᬥᬶ᭞ᬢᬦ᭄ᬓᬮᬸᬩᬦᬲᬹᬃᬬᬰᬾᬯᬦ᭞ᬮᭀᬢᬂᬕᭂᬮ
ᬭᬦᬸᬱ᭄ᬝᬵᬦ᭞ᬯ᭄ᬭᬸᬄᬭᬶᬂᬬᬫᬦᬶᬬᬫᬩ᭄ᬭᬢ᭞ᬫᬧᬶᬢᭂᬗᭂᬢ᭄ᬢᬲᬶᬭᬾᬂᬰᬶᬱ᭄ᬬ᭞ᬢᬦ᭄ᬓᬸᬭᬂᬯᬭᬄᬯᬭᬄᬦᬶᬭ᭞ᬢᬦ᭄ᬮᬵᬫ᭄ᬮᬵᬫᬓ᭄ᬦᬂᬰᬶᬱ᭄ᬬ᭞ᬳᬧᬦ᭄ᬬᬦ᭄ᬮᬵᬮᬦᬓ᭄ᬦᬂᬰᬶᬱ᭄ᬬ᭞ᬦᬶᬬᬢᬵᬦ᭄ᬧᬓᬲᬭᬂᬰᬶᬱ᭄ᬬ᭞ᬲᬗ᭄ᬓᬾᬂᬫᬃᬬᬤᬬᬸᬓ᭄ᬢᬶ᭛ᬳᬦᬯᬵᬓ᭄ᬬᬓᬸᬫ᭄ᬯᬯᬶᬄ᭟
[ ᭑᭗ 17A]
᭟᭐ᬮᬵᬮᬦᬵᬤ᭄ᬪᬳᬯᭀᬤᭀᬱᬄ᭞ᬢᬵᬥᬦᬵᬤ᭄ᬪᬳᬯᭀᬕᬸᬡᬄ᭞ᬳᬲ᭄ᬫᬢ᭄ᬧᬸᬢ᭄ᬭᬱᬸᬰᬶᬱ᭄ᬬᬱᬸ᭞ᬢᬵᬥᬦᬂᬓᬸᬭᬸᬢᬾᬯᬸᬥᬄ᭟᭐᭟ᬓ᭟ᬳᬓ᭄ᬯᬾᬳᬶᬓᬂᬤᭀᬱ᭞ᬬᬦ᭄ᬮᬮᬦᬓᭂᬦᬂᬩᬸᬤ᭄ᬥᬶ᭞ᬮᬵᬮᬦ᭞ᬗ᭟ᬳᬶᬓᬂᬢᬸᬫᬹᬢᬓᭂᬦ᭄
ᬲ᭄ᬯᬾᬘ᭄ᬙᬵᬦᬶᬂᬫᬦᬄᬦ᭄ᬬ᭛ᬓᬸᬦᬂᬬᬦ᭄ᬫᬓᬦᬶᬫᬶᬢ᭄ᬢᬂᬢᬵᬥᬦ᭞ᬦᬶᬬᬢᬫᬓ᭄ᬯᬾᬄᬢᬶᬓᬂᬕᬸᬡᬳᬶᬭᬶᬓᬵ᭞ᬬᬢᬫᬢᬳᬗ᭄ᬬᬦ᭄ᬕᬯᬬᬓᭂᬦᬚᬸᬕᬓᬧᬶᬗᬶᬢᬦᬶᬂᬧᬸᬢ᭄ᬭ᭞ᬫᬸᬯᬂᬰᬶᬱ᭄ᬬ᭞ᬤᬾᬦᬶᬭᬲᬂᬧᬡ᭄ᬥᬶᬢ᭞ᬫᬭᬦᬕᭃᬂᬕᬸᬡ
ᬦᬶᬂᬧᬸᬢ᭄ᬭᬮᬵᬯᬦ᭄ᬰᬶᬱ᭄ᬬ᭛ᬦ᭄ᬤᬦ᭄ᬳᬬ᭄ᬯᬢᬲᬶᬭᬫᬵᬲᬶᬳᬧᬸᬳᬭᬮᬮᬶᬲ᭄᭛ᬫᬵᬲᬶᬳᬧᬸᬳᬭᬮᬮᬶᬲ᭄᭞ᬗ᭟ᬳᬍᬫᭂᬳᬫᬶᬥᬦᬵᬫᬓᬦᬶᬫᬶᬢ᭄ᬢᬂᬲᬶᬄ᭞ᬳᬶᬯᭂᬤᬶᬦᬶᬭᬦ᭄ᬓᬮᬸᬧᬸᬢᬦᬶᬭᬩᬸᬤ᭄ᬥᬶᬦᬶᬂᬧᬸᬢ᭄ᬭᬫᬸᬯᬂᬲᬶᬱ᭄ᬬ᭞
ᬫᭀᬦᬳᬸᬭᬶᬧᬚᬸᬕᬮᬶᬂᬦᬶᬭ᭞ᬳᬶᬓᬧ᭄ᬯᬂᬫᬗ᭄ᬓᬦ᭞ᬩ᭄ᬬᬓ᭄ᬢᬵᬦ᭄ᬧᬵᬦᬗ᭄ᬲᬭᬭᬭᬾ᭛᭐᭟ᬢᬳᬶᬓᬾᬘᬶᬲ᭄ᬦᬶᬰᬯᭀᬧ᭄ᬬᬲᬶᬓ᭄ᬱᬢᬄ᭞ᬧᬶᬢᬸᬄᬧ᭄ᬭᬫᬢᬢ᭄ᬢᬢᬣᬵᬯᬢᬶᬲᭀᬳᬺᬤᬵᬢ᭄᭞ᬯᬶᬃᬫᬵᬕ᭄ᬕᬕᬄᬲᬃᬯ᭄ᬯᬚᬦᬾᬃᬯ᭄ᬯᬶ
