[᭕᭘ 58B]
᭕᭘
ᬬᬰᬬᬂᬩᭂᬘᬶᬓᬦ᭄ᬘᭂᬦᬶᬗᬾ᭟ᬫᬢᬸᬃᬳᬮᭀᬦ᭄ᬲᬃᬯ᭄ᬯᬶᬮᬶᬂᬫᬫ᭄ᬕᬢ᭄ᬫᭂᬕᬢ᭄ᬭᬤᬾᬦ᭄ᬫᬦ᭄ᬢ᭄ᬭᬶᬳᬦᭀᬫ᭄᭟ᬳᬶᬗ᭄ᬕᬶᬄᬳᬚᬶ᭠ᬤᬳᬢ᭄ᬍᬯᬶᬄᬳᬦ᭄ᬢᬸᬓ᭄ᬧᬶᬢᬸᬢᬸᬃᬳᬚᬶᬦᬾᬲᬫ᭄ᬧᬸᬦ᭄᭞ᬳᬓᬶᬤᬶᬓ᭄ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬮᬮᬶ᭞ᬫᬳᬯᬶᬦᬦ᭄ᬢᬶᬢ᭄ᬬᬂᬫᬫᬗ᭄ᬕᬸᬄᬲᬓ᭠
ᬤᬶᬫᬗ᭄ᬓᬶᬦ᭄᭞ᬢᬍᬃᬓᬧᬕᭂᬳᬦ᭄ᬬᬰᬦ᭄ᬳᬚᬶᬦᬾᬭᬶᬂᬳᬮᬲᬾ᭟ᬧᬶᬂᬓ᭄ᬝᬶᬢᬶᬢ᭄ᬬᬂᬢᬸᬭᬸᬦ᭄ᬦᬸᬫᬶᬢᬶᬲ᭄ᬤᬸᬭᬸᬂᬢᬍᬃᬫᬢᬳᬸᬃᬳᬶᬘᬦ᭄ᬳᬚᬶᬦᬾᬦᬾᬭᬶᬂᬢᬶᬢ᭄ᬬᬂ᭟ᬗᬦ᭄ᬤᬶᬓᬩᬸᬯᬶᬦ᭄ᬳᬚᬶᬦᬾ᭟ᬤᬸᬄᬤᬾᬯᬩᬧᬦ᭄ᬦᬾᬘᭂᬦᬶᬂ᭞ᬦᬄ᭞ᬩᬸᬓᬳᬶᬤᬾᬯᬳᬦᬓ᭄ᬲᬸᬩᬗᭂᬦ᭄ᬤᬸᬲᬶᬦ᭄᭞ᬫᬲᬶᬄ
ᬩᬧᬩᬸᬓᬩ᭄ᬯᬶᬦ᭄ᬦᬸᬦ᭄ᬤᬸᬦᬶᬦ᭄᭞ᬳᬧᬂᬳᭂᬤᬩᬸᬓᬳᬶᬤᬾᬯᬳᭂᬗ᭄ᬲᬧ᭄ᬢ᭄ᬓᬾᬦ᭄ᬮᬶᬗᬶᬂᬳᬚᬶ᭞ᬳᬶᬗᭂᬢᬂᬧᬶᬢᬸᬢᬸᬃᬩᬧᬦᬾᬦᬾᬲᬸᬩ᭞ᬤᬸᬓᬾᬳᬶᬤᬾᬯᬓᬭᬶᬳᬮᬶᬢ᭄ᬓᬢᬶᬗ᭄ᬕᬮ᭄ᬤᬶᬲᬶᬗ᭄ᬳᬧᬜ᭄ᬚᬭᭀᬦ᭄᭟ᬦᬾᬚᬦᬶᬯᬶᬭᬾᬄᬲᬸᬩᬓᬲᬶᬤ᭄ᬥᬦ᭄ᬳᬫ᭄ᬩᬸᬮ᭄ᬧᬗᬧ᭄ᬢᬶᬦ᭄ᬳᬶᬤᬾᬯ᭠
ᬦᬾ᭞ᬫᬫᬗ᭄ᬕᬸᬄᬲᬸᬓᬯᬶᬃᬬ᭄ᬬ᭞ᬓᬥᬫᬧᬸᬢ᭄ᬭᬩᬳᬦ᭄ᬳᬶᬤᬳᬦᬓᬾᬳᬕᬸᬂ᭞ᬢᬸᬃᬲᬸᬩᬳᬶᬤᬾᬯᬲᬸᬓᬩᬋᬂᬗᬯᭂᬗ᭄ᬓᬸᬦᬕᬭ᭟ᬳᭂᬦ᭄ᬢᭀᬓ᭄ᬭᬦᬳᬦᬓᬾᬩᬸᬓᬩᬧᬫ᭄ᬮᬶᬤ᭄ᬘᭀᬫᬾᬮ᭄ᬫᬶᬢᬸᬢᬸᬭᬶᬦ᭄ᬳᬶᬤᬾᬯ᭞ᬩ᭄ᬯᬢ᭄ᬢᬢᬶᬗ᭄ᬓᬳᬦ᭄ᬳᬦᬓᬾᬜᭂᬦᭂᬂᬳᬕᬸᬂ᭞ᬫ᭄ᬯᬄᬗᬯᭂᬗ᭄ᬓᬸᬕᬸ
[᭕᭙ 59A]
᭕᭙
ᬫᬶ᭟ᬘᭂᬦ᭄ᬤᭂᬢ᭄ᬩᬧᬫᬳᬶᬗᭂᬢ᭄ᬳᬶᬤᬾᬯ᭞ᬯᭂᬦᬂᬳᬶᬤᬾᬯᬗᬶᬲᬶᬳᬕᬫᬵ᭞ᬳᬤᬶᬕᬫᬵ᭞ᬰᬶᬯᬰᬱᬡ᭞ᬤᬳᬵᬰᬱᬡ᭞ᬩ᭄ᬭᬢ᭄ᬢᬶᬰᬱᬡ᭞ᬫ᭄ᬯᬄᬲᬮ᭄ᬯᬶᬭᬶᬂᬢᬸᬢᬸᬭᬾᬳᬦᬾᬍᬯᬶᬄᬍᬯᬶᬄᬲᬓᬡ᭄ᬥᬦ᭄ᬳᬦᬓᬾᬤᬤᬶᬫᬦᬸᬱ᭞ᬳᭂᬤᬧᭂᬲᬦ᭄ᬳᬶᬯᬗᬶᬦ᭞ᬳᬶ᭠
ᬗᭂᬢ᭄ᬚᬢᭂᬓᬾᬦ᭄ᬮᬶᬗᬶᬂᬳᬚᬶ᭞ᬓᬫᬡ᭄ᬥᬓᬫ᭄ᬯᬄᬰ᭄ᬮᭀᬓᬦᬾ᭞ᬳᭂᬦ᭄ᬢᭀᬧᬢᬸᬢ᭄ᬧᭂᬲᬦ᭄ᬳᬶᬤᬾᬯᬗᬍᬯᬶᬳᬂ᭟ᬳᬧᬂᬩᬶᬲᬳᬶᬤᬾᬯᬗᬸᬦᬤᬶᬓᬕᬕᬸᬡᬦ᭄ᬳᬶᬓᬯᬸᬮᬵ᭞ᬩ᭄ᬯᬶᬦ᭄ᬦᬾᬳᭂᬤᬧᭂᬲᬦ᭄ᬳᬶᬤᬾᬯᬫᬫᬸᬭᬸᬕ᭄ᬮᬶᬗᬶᬂᬳᬚᬶᬫ᭄ᬯᬄᬧᬲ᭄ᬯᬭ᭞ᬓᭂᬦᬳᬸᬘᬧᬦ᭄
ᬰᬲ᭄ᬢ᭄ᬭᬦᬾᬳᬗ᭄ᬕᭀᬦ᭄ᬜᬸᬮᬸᬳᬶᬦ᭄ᬧ᭄ᬢᭂᬂᬍᬫᬄ᭞ᬳᬧᬂᬳᭂᬤᬫᬦ᭄ᬫᬸᬳᬸᬘᬧᬦ᭄ᬳᬮᬵ᭟ᬩᬸᬯᬶᬦ᭄ᬩᬧᬫᬧᬳᬶᬗᭂᬢ᭄ᬢ᭄ᬓᬾᬦᬶᬂᬳᬶᬤᬾᬯ᭞ᬳᭂᬤᬩᬸᬓᬳᬶᬤᬾᬯᬧᬶᬮᬶᬄᬓᬲᬶᬄᬢ᭄ᬓᬾᬦᬶᬂᬳᬶᬓᬯᬸᬮ᭞ᬳᬦᬾᬧᬢᬸᬢ᭄ᬲᬮᬳᬂᬲᬮᬳᬂ᭞ᬳᬦᬾᬧᬢᬸ᭠
ᬢ᭄ᬧ᭄ᬮᬶᬄ᭞ᬓᭂᬦᬳᬶᬤᬾᬯᬫ᭄ᬮᬶᬳᬂ᭟ᬳᬧᬂᬳᭂᬤᬓᬤᭀᬂᬜᬶᬘᬶᬂᬲᬶᬗᬮ᭄᭟ᬬᬾᬦ᭄ᬳᭂᬦ᭄ᬢᭀᬧᬓ᭄ᬱᬧᬸᬧᭀᬦᬶᬓᭂᬦᭂᬄᬓᬯᬸᬮᬦᬾ᭞ᬧᭂᬤᬲ᭄ᬩᬯᬸᬃᬮᬓᬃᬚᬕᬢᬾ᭞ᬯᬶᬭᬾᬄᬲᬂᬭᬢᬸᬢ᭄ᬯᬭᬩᬚᭂᬕ᭄ᬫᬶᬯᬄᬧᬕᭂᬄᬗᬩᬭᬯᭀᬲ᭄᭞ᬚᬦᬶᬮᬾᬦ᭄ᬫᬦᬶᬮᬾᬦ᭄᭟
