Page:Bali-lontar-satwa-i-durma-250ppi.pdf/52

From Wikisource
Jump to navigation Jump to search
This page has been proofread.

[᭕᭑ 51B]
᭕᭑
ᬓᬤᬾᬯᬾᬓ᭄ᬢ᭄ᬬᬗᬾ᭞ᬲᬗ᭄ᬓᬦ᭄ᬳᬤᬩᬸᬓᬚᬦᬶᬢ᭄ᬬᬂᬜ᭄ᬦᭂᬂᬭᬢᬸᬤᬶᬯᬦᭀᬓ᭄ᬮᬶᬂ᭟ᬦᬄᬢ᭄ᬬᬂᬦᬾᬚᬦᬶᬮᬓᬃᬫᬚᬮᬦ᭄ᬫᬲᬸᬲᬸᬧᬦ᭄ᬓᬳᬮᬲᬾᬯᬬᬄ᭞ᬗᬮᬶᬄᬢ᭄ᬬᬂᬫᬤ᭄ᬭᬸᬯᬾᬳᬶᬩᬧᬫᬢᬧ᭟ᬲᬓᬾᬯᬮᬢ᭄ᬬᬂᬦᬶᬗ᭄ᬕᬮ᭄ᬤᬶᬦᬶᬧᬤᬫᬓᭂᬚᬂ᭞ᬳᬧᬂ
ᬭᬳᬬᬸ᭞ᬢ᭄ᬬᬂᬢᬍᬃᬳᬲ᭄ᬢᬧᬬᬂᬫᬗ᭄ᬤᬵᬭᬳᬬᬸᬧᬫᬃᬕ᭄ᬕᬶᬦ᭄ᬢ᭄ᬬᬗᬾᬗᬮᬲ᭄᭟ᬫᬢᬸᬃᬳᬶᬭᬗ᭄ᬕᬵᬢ᭄ᬭᬶᬚᬝ᭞ᬳᬶᬗ᭄ᬕᬶᬄᬭᬢᬸᬳᬦᬓ᭄ᬳᬕᬸᬂᬳᬦᭀᬫ᭄᭞ᬤᬶᬚᬵᬚᬕᬶᬧᬘᬂᬋᬋᬄᬳᬚᬶᬦ᭄ᬘᭀᬓᭀᬃᬳᬶᬤᬾᬯ᭞ᬳᬦ᭄ᬢᬸᬓ᭄ᬳᬮᬲᬾᬧᬸᬦᬶᬓᬓᬮᬶᬦ᭄ᬢᬂᬚᬫ᭄ᬩᬢ᭄ᬫᬮᬶᬄᬫᬤᬹᬃᬕ᭄ᬕ᭠
ᬫᬧᬶᬲᬦ᭄᭞ᬳᬓ᭄ᬯᬾᬄᬩᬸᬭᭀᬦᬾᬲᬦᬾᬕᬮᬓ᭄ᬕᬮᬓ᭄᭞ᬓᬮᬶᬄᬳᬸᬮᬵᬦᬾᬩᬗᭂᬢ᭄ᬫ᭄ᬭᬦᬾᬦ᭄ᬧᬶᬲᬦ᭄᭟ᬬᬦ᭄ᬩᬶᬮᬶᬄᬧᬢᬸᬢ᭄ᬳᬢᬸᬃᬢᬶᬢ᭄ᬬᬗᬾ᭞ᬩᭂᬘᬶᬓ᭄ᬳᬶᬫᬗ᭄ᬓᬸᬥᬃᬫ᭄ᬫᬧ᭄ᬬᬦᬓ᭄ᬳᬶᬢᬸᬭᬲᬶᬳᬾᬦ᭄ᬤᬶᬓᬬᬂᬫᬗᬃᬘ᭄ᬘᬡᬫ᭄ᬭᬶᬓᬓᬢ᭄ᬗᬄᬳᬮᬲᬾ᭞ᬫᬗᬺᬤ᭄ᬥᬦᬫ
ᬧᬶᬦᬸᬦᬲᬦ᭄‌‌ᬭᬶᬂᬳᬶᬤᬲᬗ᭄ᬳ᭄ᬬᬂᬯᬶᬥᬶᬯᬰ᭞ᬩᬶᬮᬶᬄᬯᬾᬦ᭄ᬢᭂᬦ᭄‌‌ᬬᬾᬦᬶᬂᬲ᭄ᬯᬾᬘ᭄ᬘᬦ᭄ᬓᬯᬶ᭞ᬚᬦ᭄ᬢᭂᬦ᭄ᬫᬺᬲᬶᬤ᭄ᬥᬬᬂᬳᬶᬧᬸᬦ᭄‌‌ᬗ᭄ᬭᬸᬭᬸᬳᬂᬳᬚᬶᬦ᭄ᬘᭀᬓᭀᬃᬳᬶᬤᬾᬯᬭᬶᬂᬳᬮᬲᬾ᭟ᬓᬯᬶᬚᬕᬶᬫᬢᬸᬚᬸᬳᬶᬦ᭄ᬮᬶᬗ᭄ᬕᬶᬄᬳᬚᬶᬦ᭄ᬳᬶᬤᬾᬯᬦᬾ᭟ᬲᬳᬸᬃᬫᬦᬸᬓ᭄ᬲᬂᬦᬗ᭄ᬓᬶᬮ᭄᭞

[᭕᭒ 52A]
᭕᭒
ᬧᬢᬸᬢ᭄ᬧᬶᬲᬦ᭄ᬳᬢᬸᬃᬳᬶᬧᬸᬦᬾᬳᬶᬭᬗ᭄ᬕᬵᬢ᭄ᬭᬶᬚᬝᬳᬲᬧᬸᬦᬶᬓᬭᬶᬂᬧᬮᬸᬗ᭄ᬕᬸᬄᬘᭀᬓᭀᬃᬳᬶᬤᬾᬯ᭟ᬗᬦ᭄ᬤᬶᬓᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭟ᬦᬄ᭞ᬮᬫᬸᬦ᭄ᬓᬾᬢᭀ᭞ᬫᭂᬮᬄᬲᬸᬩᬳᬶᬫᬗ᭄ᬓᬸᬥᬃᬫ᭄ᬫᬳᬮᬶᬄᬢᬸᬦ᭄ᬤᬾᬦ᭄ᬫᬳᬶ᭞ᬳᬧᬂᬳᬶᬬᬗᬶᬭᬶᬂ
ᬓᬳᬮᬲᬾᬗᬲ᭄ᬢᬵᬯᬳᬶᬩᬧᬳᬧᬂᬳᬾᬗ᭄ᬕᬮ᭄ᬓᬢᭂᬧᬸᬓ᭄᭟᭜᭟ᬓᭀᬘᬧᬦ᭄ᬳᬦᬾᬓᬧᬗᬦ᭄ᬤᬶᬓᬳᬶᬦ᭄ᬭᬳᬸᬄᬢᬗ᭄ᬓᬶᬮ᭄ᬭᬶᬂᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬢᬸᬃᬦ᭄ᬦᬾ᭟ᬳᬶᬗ᭄ᬕᬶᬄᬭᬢᬸᬭᬤᬾᬦ᭄ᬫᬦ᭄ᬢ᭄ᬭᬶ᭞ᬧᬸᬦᬧᬶᬯᬾᬦ᭄ᬢᭂᬦ᭄‌‌ᬩ᭄ᬯᬢ᭄ᬤᬤᬯᬸᬳᬦ᭄ᬭ
ᬯᬸᬄᬭᬶᬂᬢᬶᬢ᭄ᬬᬂᬕᬕ᭄ᬮᬶᬲᬦ᭄᭟ᬗᬦ᭄ᬤᬶᬓᬳᬶᬤᬳᬦᬓ᭄ᬳᬕᬸᬂᬳᬦᭀᬫ᭄᭟ᬳᭀ᭞ᬓ᭄ᬭᬡᬳᬶᬘᬂᬦᬸᬦ᭄ᬤᬾᬦ᭄ᬫᬳᬶ᭞ᬳᬶᬘᬂᬗᬶᬤᬶᬄᬢᬸᬮᬸᬂᬧᬚᬮᬦ᭄‌‌ᬩ᭄ᬯᬢ᭄ᬧᭂᬲᬦ᭄᭞ᬓᭂᬫᬫᬗ᭄ᬓᬸᬮᬸᬯᬲ᭄ᬓᬳᬮᬲᬾᬳᬚᬓ᭄ᬳᬶᬢᬸᬭᬲᬶᬄ᭞ᬓᭂᬦᬤᬶᬢᬸᬗᬲ᭄ᬢᬯᬯᬶᬥᬶ
᭞ᬳᬮᬶᬳᬂᬩᬧᬦ᭄ᬳᬶᬘᬗᬾᬫᬢᬧᬤᬶᬳᬮᬲᬾ᭞ᬬᬾᬦ᭄ᬲᬸᬩᬢᭂᬧᬸᬓ᭄ᬤᬶᬢᬸ᭞ᬳᬢᬸᬭᬶᬦ᭄ᬳᬶᬭᬶᬂᬫᬦ᭄ᬢᬸᬓ᭄᭞ᬢ᭄ᬬᬂᬳᬢᬸᬭᬂᬲᬸᬩᬓᬚ᭄ᬦᭂᬂᬗᬂᬭᬢᬸᬤᬶᬯᬦᭀᬓ᭄ᬮᬶᬂ᭞ᬢᬸᬃᬩᬧᬲᬸᬩᬗᬢᬸᬭᬂᬳᬶᬦ᭄ᬤᬶᬓ᭄ᬢ᭄ᬬᬗᬾᬚᬦᬶᬤᬶᬢᬸ᭟ᬦᬄ᭞ᬬᬦ᭄ᬫᬗ᭄ᬓᬸᬫ᭄ᬯᬄᬩᬧᬢᬓᬸᬢ᭄ᬓᭂᬫ