[᭔᭙ 49B]
᭔᭙
ᬫ᭄ᬮᬓᬃᬫᬶᬚᬶᬮ᭄ᬓᬧᬦᬗ᭄ᬓᬶᬮᬦ᭄᭞ᬕ᭄ᬮᬶᬲ᭄ᬳᬶᬤᬜᬮᬸᬓ᭄ᬪᬹᬱᬡᬲᬃᬯ᭄ᬯᬳᬤᬶ᭟ᬪᬹᬱᬡ᭄ᬦᬦ᭄ᬳᬶᬤᬦᬾᬳᬦᬾᬫᬲᬯᬂᬲᬃᬯ᭄ᬯᬧᬸᬢᬶᬄᬓᬸᬦᬶᬂᬫᬓ᭄ᬮᬶᬬᬄᬕᬤᬂ᭞ᬫᬧᬧᭂᬢᭂᬓ᭄ᬕ᭄ᬭᬶᬗ᭄ᬲᬶᬂᬚ᭄ᬦᬃ᭞ᬫᬓᬫ᭄ᬧᬸᬄᬲᬸᬢ᭄ᬭᬯᬶᬮᬶᬲ᭄᭞ᬫᬳᬸᬫ᭄ᬧᬮ᭄ᬮᬸᬗ᭄ᬲᬶᬃᬩᬭᬓ᭄᭞ᬳᭂᬦ᭄ᬤᬶᬄᬫᬸᬭᬸᬩ᭄᭠
ᬓ᭄ᬮᬶᬬᬳᬦ᭄ᬪᬹᬱᬡ᭄ᬦᬦ᭄ᬳᬶᬤᬦᬾ᭟ᬤᬶᬫᬭᬜᬸᬂᬓ᭄ᬮᬶᬢᬾᬳᬗ᭄ᬕᭀᬦᬧᬦ᭄ᬢᭂᬲ᭄᭞ᬓ᭄ᬭᬶᬲ᭄ᬳᬶᬤᬦᬾᬫᬳᬸᬭᬗ᭄ᬓᬵᬧᬾᬮᬾᬢ᭄ᬭᬶᬫ᭄ᬭᬶᬫᬦ᭄᭞ᬫᬮᬦ᭄ᬤᬾᬬᬦ᭄ᬢᭀᬕᭀᬕ᭄ᬫᬲᬲᭀᬘᬦ᭄ᬫᬶᬭᬄᬳᬶᬦ᭄ᬢᭂᬦ᭄ᬳᬦᬾᬧᬓᬜᭀᬃᬜᭀᬃᬲᬹᬃᬬ᭄ᬬᬦ᭄ᬜᬦᬾ᭞ᬭᬲᬩᬸᬓᬲᬸᬮᬸᬳᬶᬦ᭄ᬩᬳ
ᬦ᭄ᬓᬓ᭄ᬭᭀᬜᭀᬳᬦ᭄ᬪᬹᬱᬡᬦ᭄ᬳᬶᬤᬦᬾᬫ᭄ᬯᬄᬲᬲᬸᬂᬓ᭄ᬮᬶᬢᬦ᭄ᬦᬾ᭞ᬳᬲᬶᬂᬗᬢᭀᬦᬂᬫᬓᭂᬚᬂᬳᬸᬮᬧ᭄᭟ᬩ᭄ᬯᬶᬦ᭄ᬳᬶᬤᬫᬲᬸᬫ᭄ᬧᬂᬩᬸᬗ᭄ᬳᬳᬗ᭄ᬕ᭄ᬭᬾᬓ᭄ᬩᬸᬮᬦ᭄ᬢᭂᬓᬾᬦ᭄ᬳᬗ᭄ᬕ᭄ᬭᬾᬓ᭄ᬕ᭄ᬭᬶᬗ᭄ᬲᬶᬂ᭟ᬫᬭᬫᬓᬶᬭᬾᬫ᭄ᬥᬮ᭄᭞ᬓᬳᬶᬭᬶᬂᬧᬋᬓᬦ᭄ᬳᬦᬾᬘ᭄ᬭᬶᬓ᭄ᬘ᭄ᬭᬶᬓ᭄ᬢᬸᬃᬕᭀᬩᬦᬾᬩᬕᬸᬲ᭄ᬩ
ᬕᬸᬲ᭄ᬗᬗ᭄ᬕᭀᬫᬓᭂᬚᬂᬧᬧᬢᬸᬳᬦ᭄᭟ᬳᭂᬦ᭄ᬢᭀᬧᬗᬶᬭᬶᬗᬾᬫᬓᭂᬚᬂ᭞ᬳᬤᬳᬦᬾᬗᬩᬮᬮᬜ᭄ᬘᬂᬫᬵᬲ᭄᭞ᬢᬸᬃ᭠ᬫᬲᬲᭀᬘᬦ᭄ᬲᬃᬯ᭄ᬯᬫᬶᬭᬄᬯᬶᬦ᭄ᬥᬸᬲᬭ᭞ᬳᬦᬾᬍᬯᬶᬄᬍᬯᬶᬄ᭟ᬩᬸᬯᬶᬦ᭄ᬫᬳᬶᬲᬶᬲᬃᬯ᭄ᬯᬳᬶᬦ᭄ᬢᭂᬦᬾᬳᬦᬾᬧᬓᬜᭀᬃᬜᭀᬃᬩᬸᬓ
[᭕᭐ 50A]
᭕᭐
ᬓᬸᬦᬂᬓᬸᬦᬗᬾᬧᭂᬢᭂᬗᬦ᭄᭟ᬤᬶᬢᬸᬮᬦ᭄ᬢᬲ᭄ᬳᬶᬤᬫᬮᬶᬗ᭄ᬕᬶᬄᬤᬶᬩᬮᬾᬧᬧ᭄ᬮᬶᬓᬾ᭞ᬓᬳᬶᬭᬶᬂᬳᬦ᭄ᬢᬸᬓ᭄ᬩᬯᬸᬤᬡ᭄ᬥᬦᬾᬫ᭄ᬯᬄᬢᬡ᭄ᬥᬫᬦ᭄ᬢ᭄ᬭᬶᬦᬾᬫᬓᭂᬚᬂ᭞ᬢᬸᬃᬓᬳᬧᬶᬢ᭄ᬮᬶᬗ᭄ᬕᬶᬄᬳᬶᬤᬦᬾᬳᭀᬮᬶᬄᬧᬧᬢᬶᬳᬾ᭞ᬳᬶᬭᬗ᭄ᬕᬵᬢ᭄ᬭᬶᬚᬝ᭞ᬳᬶᬓ᭄ᬩᭀ᭠
ᬫᬢᬶᬲ᭄᭞ᬳᬶᬫᬗ᭄ᬓᬸᬢᬸᬭᬲᬶᬄ᭞ᬫ᭄ᬯᬄᬳᬶᬍᬫ᭄ᬩᬸᬓᬶᬭ᭟ᬓᬯᬸᬮᬦᬾᬳᬦᬾᬦᬗ᭄ᬓᬶᬮᬶᬦ᭄ᬳᬶᬤᬩᭂᬢᬾᬦᬦ᭄᭞ᬲᬸᬩᬢᬸᬲᬶᬂᬲ᭄ᬥᭂᬂᬭᬯᭀᬲᬂᬩᬳᬦ᭄ᬮᬸᬯᬶᬄᬩ᭄ᬯᬶᬦᬾᬮᬶᬬᬸᬧᭂᬲᬦ᭄᭞ᬲᭂᬲᭂᬓ᭄ᬚᭂᬚᭂᬮ᭄ᬧᭂᬦᬸᬄᬧᬸᬦᬂᬧᬦᬗ᭄ᬓᬶᬮᬦ᭄᭞ᬓᬯᬸᬮᬦᬾᬗᬢᭀᬦᬂᬳᬶ
ᬤᬫᬩᬯᭀᬲᬦ᭄ᬲᬃᬯ᭄ᬯᬫᬫᬦᬶᬲ᭄ᬢᬸᬃᬗ᭄ᬭᬯᭀᬲᬂᬓᬍᬯᬶᬳᬦ᭄ᬧᬸᬭᬶᬦᬾᬫ᭄ᬯᬄᬳᬸᬧᬵᬋᬗ᭄ᬕᬦ᭄ᬜᬦᬾ᭞ᬦᬾᬲᬃᬯ᭄ᬯᬍᬯᬶᬄᬍᬯᬶᬄ᭞ᬧᬓ᭄ᬭᬶᬫᬶᬓ᭄ᬓᬯᬸᬮᬦᬾᬤᬶᬢᬸ᭟ᬩᬾᬄ᭞ᬓᬾᬢᭀᬩᬕᬸᬲ᭄ᬳᬦᭀᬫ᭄ᬯᬃᬡ᭄ᬦᬦ᭄ᬳᬶᬤᬦᬾᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬲᬶᬂᬩᬯᭀᬲᬗᬢᭂᬓ
ᬫᬦᬶᬲ᭄ᬜᬸᬜᬸᬃ᭞ᬳᬗ᭄ᬕᭀᬦᬕᬕᬯᭀᬓᬦ᭄ᬢᭂᬓᬾᬦ᭄ᬓᬯᬸᬮᬦᬾᬫᬓᭂᬚᬂ᭟ᬓᬮᬶᬂᬓᬾᬳᬦᬓᬾᬢᬺᬩᬸᬤᬸᬄ᭞ᬲᬃᬯ᭄ᬯᬩᬚᬂ᭠ᬫ᭄ᬯᬄᬮᬸᬮᬸᬄᬳᬾᬧᬤᬳᬸᬮᬗᬸᬦ᭄᭞ᬳᬦᬓᬾᬫ᭄ᬯᬦᬶᬳᬲᬶᬂᬗᬢᭀᬦᬂᬗᬸᬮᬗᬸᬦᬶᬦ᭄ᬧᭂᬲᬦ᭄᭞ᬭᬲᬩᬸᬓᬦᭂᬧᬸᬓᬶᬦ᭄ᬳᬦᬓ᭄ᬮᬸᬄᬚᭂᬕᬾᬕ᭄ᬫ᭠
