[᭔᭕ 45B]
᭔᭕
ᬓᬮᬶᬄᬓᬳᬶᬭᬶᬂᬳᬦ᭄ᬢᬸᬓ᭄ᬓᬯᬸᬮᬦᬾᬫᬓᭂᬚᬂ᭞ᬧᭂᬧᬢᬶᬄ᭞ᬩᬯᬸᬤᬡ᭄ᬥ᭞ᬫ᭄ᬯᬄᬲᬦᬾᬮ᭄ᬬᬦ᭄ᬮ᭄ᬬᬦᬦ᭄᭟ᬕ᭄ᬮᬶᬲᬶᬂᬘ᭄ᬭᬶᬢᬯᬯᬸᬤᬯᬸᬄᬢᬶᬕ᭞ᬦᬧᬓ᭄ᬳᬶᬤᬧᬤᬤᬶᬲᬶᬗ᭄ᬳᬧᬜ᭄ᬚᬭᭀᬦ᭄᭞ᬫ᭄ᬯᬄᬓᬯᬸᬮᬓᬯᬸᬮᬦ᭄ᬳᬶᬤᬦᬾᬳᬤᬳ᭄ᬦᬸᬤᬶᬳᬸᬭᬶ᭞ᬯᬶᬭᬾᬄᬍᬲᬸᬩᬳ
ᬦ᭄ᬚᭀᬄᬦᬾ᭟ᬳᬶᬤᬲᬂᬧ᭄ᬭᬪᬸᬗ᭄ᬭᬭᬶᬲ᭄ᬗ᭄ᬭᬜ᭄ᬚᬶᬂᬓᬧᬸᬭᬶᬬᬦ᭄ᬲᬳᬧᬧᬢᬶᬄᬳᬶᬤᬦᬾ᭚᭜᭚ᬓᬘ᭄ᬭᬶᬢᬲᬂᬧ᭄ᬭ᭠ᬪᬸᬫ᭄ᬯᬄᬓᬯᬸᬮᬓᬯᬸᬮᬦ᭄ᬳᬶᬤᬦᬾᬫᬓᭂᬚᬂ᭞ᬲᬸᬩᬧᬤᬭᬯᬸᬄ᭞ᬧ᭄ᬭᬫᬾᬰ᭄ᬯᬭᬶᬦ᭄ᬳᬶᬤᬦᬾᬕᬸᬧᬸᬄᬜᬕ᭄ᬚᬕᬶᬦ᭄ᬢᬸᬃᬫᬜᬧᬳᬶᬤᬲᬂᬧ᭄ᬭᬪᬸ᭞᭠
ᬳᬢᬸᬃᬳᬶᬤ᭟ᬭᬢᬸᬳᬦᬓ᭄ᬳᬕᬸᬂᬘᭀᬓᭀᬃᬳᬶᬤᬾᬯᬩᬯᬸᬭᬯᬸᬄ᭞ᬲᬧᬲᬶᬭᬗᬶᬭᬶᬂᬘᭀᬓᭀᬃᬳᬶᬤᬾᬯᬫᬦ᭄ᬢᬸᬓ᭄ᬤᬤᭀᬲ᭄ᬲᭂᬧᬶᬧᬧᬢᬶᬄᬳᬶᬤᬾᬯᬦᬾᬓᬾᬯᬦ᭄ᬢᭂᬦ᭄ᬗᬶᬭᬶᬂ᭟ᬲ᭄ᬥᬶᬄᬗᬸᬦ᭄ᬗᬸᬦ᭄ᬫᬦᬄᬢᬶᬢ᭄ᬬᬗᬾ᭞ᬳᬦ᭄ᬢᬸᬓ᭄ᬘᭀᬓᭀᬃᬳᬶᬤᬾᬯᬲᬸᬯᬾᬧᬶᬲ᭠
ᬦ᭄ᬮᬸᬗ᭄ᬳᬓᬳᬮᬲᬾ᭞ᬧᬸᬦᬧᬶᬘᭀᬓᭀᬃᬳᬶᬤᬾᬯᬧᭀᬮᬶᬄ᭟ᬮᬳᬸᬢ᭄ᬳᬶᬤᬗᬦ᭄ᬤᬶᬓ᭞ᬢᬸᬃᬗᬦ᭄ᬤᬶᬓᬬᬂᬧᬳᬶᬦ᭄ᬤᬶ᭠ᬓᬦ᭄ᬤᬶᬳᬮᬲᬾᬓᬳᬶᬭᬶᬂᬩᬳᬦ᭄ᬓᬯᬸᬮᬦ᭄ᬳᬶᬤᬦᬾᬲᬫᬶ᭟ᬧ᭄ᬭᬫᬶᬰ᭄ᬯᬭᬶᬦ᭄ᬳᬶᬤᬫᬓᭂᬚᬂᬗᭂᬫ᭄ᬩᭂᬂᬗᭂᬫ᭄ᬩᭂᬂᬬᬾᬄᬧᬦᭀᬦ᭄᭞ᬳᬤᬳᬦᬾᬮ
[᭔᭖ 46A]
᭔᭖
ᬦ᭄ᬢᬲ᭄ᬫᬢᬢᬗᬶᬲᬦ᭄ᬳᬤᬫᬲᬶᬄᬳᬦᬾᬲᬶᬕ᭄ᬲᬶᬕᬦ᭄ᬫᬶᬋᬗᬂᬯᬘᬦᬦ᭄ᬳᬶᬤᬲᬶᬧ᭄ᬭᬪᬸ᭞ᬓᬗᭂᬦ᭄ᬓᬬᬸᬦ᭄ᬦᬾᬢᬸᬢᬸᬭᬶ᭠ᬦᬳᬓᬾᬢᭀ᭚᭜᭚ᬤᬾᬦᬶᬂᬳᬶᬤᬳᬦᬓᬾᬳᬕᬸᬂᬲᬸᬩᬭᬯᬸᬄ᭞ᬲ᭄ᬭᬩ᭄ᬧᬤᬧᭂᬲᬸᬓᬭᬸᬭᬸᬗᬾ᭞ᬓᬸᬋᬦ᭄ᬓᬸᬋᬦᬦ᭄ᬧᬗᬶᬭᬶ᭠
ᬗᬾᬦᬓᭀᬦᬂᬫ᭄ᬯᬦᬶᬦ᭄ᬜᬦᬾ᭞ᬢᬸᬃᬗᬾᬦ᭄ᬤᬄᬧᬾᬮᬕ᭄ᬢᬶᬗ᭄ᬓᬄᬦᬾᬫᬢᬓᭀᬦ᭄᭞ᬳᬤᬗᭂᬜᬂᬧ᭄ᬬᬦᬓ᭄ᬳᬤᬗᬦ᭄ᬤᭀᬂ᭠ᬳᬤᬦᬫ᭄ᬧ᭞ᬳᬤᬳᭂᬦᬸᬘ᭄ᬭᬶᬓ᭄ᬳᬚᬓᬧᭂᬲᬸ᭞ᬳᬤᬳᭂᬦᬸᬫᬜᭀᬜᭀᬢᬦ᭄ᬧᬲᬩᬸᬓ᭄ᬳᬚᬓᬓᬭᬸᬭᬸᬗᬾ᭞ᬫ᭄ᬯᬄᬳᬤᬜᬓᬶᬢᬂᬩ
ᬲᬂᬫᬓᬶᬓᬾᬦ᭄ᬗ᭄ᬮᭂᬓᬤᬂᬧ᭄ᬬᬦᬓ᭄᭞ᬧ᭄ᬭᬚᬦᬶᬳᬶᬮᬂᬲᬓᬶᬢ᭄ᬦᬾ᭞ᬦ᭄ᬭᬾᬕᬾᬂᬧᭂᬲᬸᬦᬓᭀᬦᬂᬲᭀᬫᬄᬦᬾᬢᭂᬓ᭟ᬩᬸᬯᬶᬦ᭄ᬳᬤᬜᬶᬗᬮ᭄ᬧ᭄ᬬᬦᬓ᭄ᬫᬗᭂᬮᬶᬂᬢᬸᬢᬸᬕᬩᬳᬦ᭄ᬧ᭄ᬬᬦᬓ᭄ᬧ᭄ᬬᬦᬓ᭄ᬦᬾᬫᬩᬺᬲ᭄ᬫᬓᭂᬚᬂᬧᬲ᭄ᬮᭂᬕᬸᬢ᭄ᬫᬗ᭄ᬮᬶᬂ᭞ᬢᬸᬃᬓᬓᬲᭀᬳᬶᬦ᭄᭞ᬓᬾᬦᬾᬫᬸ᭠
ᬜᬶᬦ᭄ᬦᬾ᭟ᬳᬶᬄᬘᭂᬦᬶᬂ᭞ᬲᬸᬳᬸᬤ᭄ᬗᭂᬮᬶᬂ᭞ᬚᬮᬦ᭄ᬫᬮᬸᬫᬸᬮᬶᬄ᭞ᬚᬸᬫᬄᬫᬢᬸᬢᬸᬃᬢᬸᬢᬸᬃ᭟ᬧᭂᬲᬸᬬᬾᬄᬫᬢᬦ᭄ᬳᬶᬘᬗᬾᬧᬘ᭄ᬭᭀᬤᭀᬓ᭄᭞ᬳᬶᬲᭂᬂᬩᬳᬦ᭄ᬫᬓᭂᬮᭀᬢᬸᬲᬶᬂᬢᭂᬧᬸᬓ᭄᭟ᬦᬄᬩᬧᬢᭂᬓᬳᬸᬮᬶᬳᬮᬲᬾ᭞ᬢ᭄ᬯᬄᬗᬧ᭄ᬕᬧᬶᬦ᭄ᬩᬸᬓᬘᭂᬦᬶᬂᬓᬶᬤᬂᬤᬤ᭄ᬯᬳᭂᬦᬸᬳᬶᬤᬸᬧ᭄᭞
