Page:Bali-lontar-satwa-i-durma-250ppi.pdf/40

From Wikisource
Jump to navigation Jump to search
This page has been proofread.

[᭓᭙ 39B]
᭓᭙
ᬤ᭞ᬓᬯᬸᬮᬦᬾᬳᬤᬦᬫ᭄ᬧ᭞ᬳᬤᬜᬸᬳᬸᬦ᭄‌‌ᬳᬤᬦᭂᬕᭂᬦ᭄᭞ᬳᬤᬦᬾᬂᬢᬾᬂ᭞ᬩ᭄ᬯᬢ᭄ᬓᬲᬸᬕ᭄ᬬᬦ᭄ᬳᬶ᭠ᬭᬵᬓ᭄ᬱᬲᬦᬾᬳᭂᬦ᭄ᬢᭀᬓᬧᬸᬮᬂᬤᬶᬧᬸᬭᬶᬦ᭄ᬳᬶᬤᬳᬦᬓᬾᬳᬕᬸᬂ᭟ᬲᬸᬩᬢᭂᬮᬄᬓᬲᬸᬕ᭄ᬬᬦᬾᬓᬧᭀᬦ᭄ᬤᭀᬂᬳᭀᬮᬶᬄᬓ᭠
ᬯᬸᬮᬦᬾᬫᬓᭂᬚᬂ᭞ᬫᭂᬤᬮ᭄ᬳᬶᬤᬓᬳᬶᬭᬶᬂᬳᬦ᭄ᬢᬸᬓ᭄ᬢᬡ᭄ᬥᬫᬦ᭄ᬢ᭄ᬭᬶᬩᬯᬸᬤᬡ᭄ᬥᬫ᭄ᬯᬄᬧᬧᬢᬶᬄᬳᬶᬤᬦᬾ᭞ᬮ᭄ᬬᬦ᭄ᬫᬮᬶᬄ᭠ᬓᬯᬸᬮᬦ᭄ᬳᬶᬤᬦᬾᬫᬓᭂᬚᬂ᭞ᬢᬸᬃᬫᬮᬶᬗ᭄ᬕᬶᬄᬤᬶᬧᬫᭂᬲᬸᬦ᭄ᬭᬵᬓ᭄ᬱᬲᬦᬾᬤᬶᬧᬗᭂᬢᬶᬲᬦ᭄ᬦᬾ᭞ᬓᬳᬶᬭᬶᬂᬳᬦ᭄ᬢᬸᬓ᭄ᬳᬶᬓᬯᬸᬮ᭟ᬮ᭄ᬯᬶᬭᬾ᭞᭠
ᬧᬧᬢᬶᬄ᭞ᬢᬸᬫᭂᬗ᭄ᬕᬸᬂ᭞ᬤ᭄ᬫᬂ᭞ᬧᬸᬗ᭄ᬕᬯ᭞ᬫᬦ᭄ᬢ᭄ᬭᬶᬫ᭄ᬯᬄᬲᬳᬯᬤ᭄ᬯᬦ᭄ᬳᬶᬤᬦᬾᬫᬓᭂᬚᬂ᭞ᬧᭂᬧᭂᬓ᭄ᬧᬤᬫᬦᬗ᭄ᬓᬶᬮ᭄᭞ᬢᬸᬃᬳᬶᬤᬸᬃᬫᬤᬶᬧᬸᬗ᭄ᬓᬸᬭᬶᬂᬳᬶᬤᬳᬦᬓᬾᬳᬕᬸᬂᬫᬮᬶᬗ᭄ᬕᬶᬄ᭟ᬲᬸᬩᬧᬤᬫᭂᬮᬄᬢᭂᬕᬓ᭄ᬦᬾᬫ᭄ᬯᬄᬮᬶᬗ᭄ᬕᬶᬄᬦᬾᬦᬗ᭄ᬓᬶᬮ᭄᭞ᬮᬯᬸᬢ᭄ᬫᬯᬘᬦ
ᬳᬶᬤᬳᬦᬓᬾᬳᬕᬸᬂ᭟ᬧᬗᬦ᭄ᬤᬶᬓᬦᬾ᭟ᬳᬶᬄᬩᬧᬧᬢᬶᬄ᭞ᬢᬸᬫᭂᬗ᭄ᬕᬸᬂᬕᬕᬓ᭄ᬩᬦᬶᬂ᭞ᬤ᭄ᬫᬂᬳᬫ᭄ᬧᬸᬳᬦ᭄᭞ᬩ᭠ᬯᬸᬤᬡ᭄ᬥᬢᬡ᭄ᬥᬫᬦ᭄ᬢ᭄ᬭᬶ᭞ᬧᬸᬗ᭄ᬕᬯ᭞ᬫᬦ᭄ᬢ᭄ᬭᬶ᭞ᬚᬓ᭄ᬱ᭞ᬓᬜ᭄ᬘᬫ᭄ᬯᬄᬲᬓᬓᬯᬸᬮᬦᬶᬭᬦᬾᬫᬓᭂᬚᬂ᭞ᬧᬤᬶᬗᭂᬳᬂᬧᭂᬲᬦ᭄ᬫᬸᬜᬶᬦ᭄ᬦᬶᬭᬦᬾ

[᭔᭐ 40A]
᭔᭐
ᬦᬾᬚᬦᬶ᭞ᬳᬧᬂᬳᭂᬤᬧᬤᬫᬓᭂᬚᬂᬧᬢᬶᬢᬓᭀᬦ᭄᭟ᬳᬶᬤᭂᬧ᭄ᬦᬶᬭᬦᬾᬮᬓᬃᬦᬯᬸᬃᬰᬩ᭄ᬤᬧ᭄ᬭᬢᬶᬚ᭄ᬜᬵ᭞ᬢᭂᬓᬾᬦ᭄ᬳᬦᬾᬗᭂᬫᬤ᭄ᬫᬂᬳᬶᬭᬵᬓ᭄ᬱᬲᬢᭂᬮᬸᬂᬲᬦᬓ᭄ᬳᭂᬦ᭄ᬢᭀ᭞ᬩ᭄ᬯᬢ᭄ᬧᬸᬦᬕᬶᬦ᭄ᬦᬶᬭᬦᬾᬳᬶᬧᬶᬤᬦ᭄᭞ᬜᬗ᭄ᬕᬸᬧᬂᬗᬗ᭄ᬕᭀᬦ᭄ᬧ᭄ᬬᬦ᭠
ᬓ᭄ᬩᬸᬯᬄᬩᬲᬂ᭞ᬳᬲᬶᬂᬜᬶᬤ᭄ᬥᬬᬂᬗᬫᬢ᭄ᬬᬂᬳᬶᬭᬵᬓ᭄ᬱᬲᬳᭂᬦ᭄ᬢᭀ᭞ᬳᬶᬬᬮᬓᬃᬲᬸᬫᭂᬦ᭄ᬤᬶᬚᬸᬫᭂᬦᭂᬂᬳᬕᬸᬂ᭞ᬫᬫᬸᬓ᭄ᬢᬶᬤᬶᬯᬦᭀᬓ᭄ᬮᬶᬂ᭞ᬗᬦ᭄ᬢᬶᬦᬶᬦ᭄ᬩᬸᬓᬫᬦᬶᬭ᭞ᬢᬸᬃᬧᬕᭂᬮᬄᬕᭂᬮᬄᬦᬶᬭᬦᬾᬳᬶᬬᬮᬓᬃᬫᬓᬢᬂ᭟ᬳᬓᬾᬢᭀᬧᭂᬲᬦ᭄ᬧ᭄ᬭᬃᬣ
ᬦᬦ᭄ᬦᬶᬭᬦᬾᬢᭂᬓᬾᬦᬶᬂᬤᬶᬢᬸᬧᬤᬫᬓᭂᬚᬂ᭟ᬫᭂᬦ᭄᭞ᬚᬦᬶ᭞ᬯᬶᬭᬾᬄᬦᬾᬳᬶᬤᬸᬃᬫᬜᭂᬗᬳᬂᬩᬸᬓᬦᬶᬭᬯ᭄ᬬᬤᬶᬦ᭄ᬧᬤᬫᬓᭂᬚᬂᬕᬸᬫᬶᬦᬾᬤᬶᬦᬶ᭞ᬜᬶᬤᬬᬂᬗᬫᬢ᭄ᬬᬂᬳᬶᬭᬵᬓ᭄ᬱᬲᬢᬶᬕᬳᭂᬦ᭄ᬢᭀ᭞ᬓᬾᬦ᭄ᬓᬾᬦ᭄ᬧᬤᬳᬶᬤᭂᬧ᭄ᬩᬧᬦᬾᬫᬓᭂᬚᬂ᭞᭠
ᬗᬶᬭᬶᬂᬳᬧᬢᬸᬲᬶᬂ᭞ᬳᬶᬤᬸᬃᬫᬮᬓᬃᬚᭂᬦᭂᬗ᭄ᬗᬂᬦᬶᬭᬭᬢᬸᬤᬶᬦᬶ᭟ᬢᬺᬱ᭄ᬡᬳᬧᬢᬸᬲᬶᬂᬫᬕᬸᬲ᭄ᬢᬶᬢᭂᬓᬾᬦᬶᬂᬳᬶᬬ᭞᭠ᬳᬧᬂᬳᭂᬤᬗᬶᬭᬶᬗᬾᬳᬚᬶᬳᬗ᭄ᬲᭀᬓ᭄ᬳᬗ᭄ᬲᭀᬓᬦ᭄᭞ᬫ᭄ᬯᬄᬲᬗ᭄ᬓᬦᬶᬂᬢᬓᬸᬢ᭄ᬢᭂᬓᬾᬦ᭄ᬦᬶᬭ᭟ᬩ᭄ᬯᬶᬦᬾᬳᬧᬂᬲᬸᬩᬦᬦ᭄ᬩᬸᬓᬦᬳᬃ᭠