Page:Bali-lontar-satwa-i-durma-250ppi.pdf/39

From Wikisource
Jump to navigation Jump to search
This page has been proofread.

[᭓᭘ 38B]
᭓᭘
ᬕᬂᬲᬦᬓ᭄ᬧᬸᬦᬶᬓ᭞ᬤᬶᬩᬶᬲᬦ᭄ᬤᬾᬫᬓᬢᬶᬕᬢᬸᬯᭂᬓ᭄ᬢᬶᬢ᭄ᬬᬂᬳᬦ᭄ᬢᬸᬓ᭄ᬓ᭄ᬭᬶᬲ᭄᭟ᬳᬶᬗ᭄ᬕᬶᬄᬲᬓᬤᬶᬫᬗ᭄ᬓᬶᬦ᭄‌‌ᬬᬦ᭄ᬘᭀᬓᭀᬃᬳᬶᬤᬾᬯᬢᬦ᭄ᬯᬾᬦ᭄ᬢᭂᬦ᭄ᬗᭂᬕᬳᬢᬸᬃᬢᬶᬢ᭄ᬬᬗᬾᬲᬧᬸᬦᬶᬓ᭞ᬩᭂᬘᬶᬓ᭄ᬓᬯᬸᬮᬤ᭄ᬭᬸᬯᬾᬦᬾᬦᬶᬓᬬᬂᬦᭀᬥ᭄ᬬᬭᬯᬸᬄᬫ᭄ᬭᬶᬓ᭞ᬫᬗ᭄ᬤᬵᬲᬫ᭄ᬧᬸᬦ᭄ᬢᬶ᭠
ᬢ᭄ᬬᬂᬓᬩᬯᭀᬲ᭄ᬗᬯᬾᬳᬯᬾ᭞ᬢᬦᬶᬳᬤᬳᬤᬬᬂᬢᬶᬢ᭄ᬬᬂ᭟ᬬᬦ᭄ᬲᬫ᭄ᬧᬸᬦ᭄ᬢᬦᬶᬳᬤᬳᬤᬬᬂᬢᬶᬢ᭄ᬬᬂ᭞ᬫᬗ᭄ᬤᬵᬕ᭄ᬮᬶᬲ᭄ᬢᬶᬢ᭄ᬬᬂᬓᬲᬸᬧᬢ᭄‌‌ᬢᬦ᭄ᬤᬤᭀᬲ᭄ᬚᬦ᭄ᬫᬵᬫ᭄ᬯᬄ᭞ᬜᬄᬕ᭄ᬬᬫᭂᬜᬄᬫᬗ᭄ᬤᬵᬢᬦ᭄ᬳᬦ᭄ᬫᬸᬦ᭄ᬫᬸᬭᬳᬬᬸ᭞ᬳᬲᬧᬸᬦᬶᬓᬧᬶᬲᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬗᬾᬭᬶᬂᬘᭀᬓᭀᬃ
ᬳᬶᬤᬾᬯ᭟ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬫ᭄ᬯᬢᬂᬧᬶᬲᬦ᭄ᬧᬓᬬᬸᬦᬦ᭄᭞ᬓᬮᬶᬄᬳᬫᬗ᭄ᬕᬸᬄᬓᬯᬶᬃᬬ᭄ᬬᬦ᭄᭟ᬗᬦ᭄ᬤᬶᬓᬳᬶᬤᬳᬦᬓᬾᬳᬕᬸᬂ᭞ᬲᬃᬯ᭄ᬯᬶᬳᬶᬘᬵ᭟ᬳᬶᬄᬤᬸᬃᬫ᭞ᬩ᭄ᬯᬢ᭄ᬳᭂᬦ᭄ᬢᭀᬦᬶᬭᬗᬸᬕᬸᬧᭂᬲᬦ᭄᭞ᬢᬸᬲᬶᬂᬲᭂᬤᭂᬂᬭᬯᭀᬲᬂᬧᬜ᭄ᬚᬂᬢᭂᬓᬾᬦ᭄ᬦᬶᬭ᭟ᬚᬮᬦ᭄ᬦᬶᬭᬳᬢᭂᬳᬂᬓᭂᬫ
ᬓᬢᭀᬗᭀᬲ᭄ᬦᬾ᭞ᬳᬧᬂᬦᬶᬭᬢᬳᬸᬢ᭄ᬓᬾᬦ᭄ᬳᬸᬫᬄᬳᬶᬭᬵᬓ᭄ᬱᬲᬳᬦᬾᬫᬢᬶᬢᭀᬢᭀᬦᬦ᭄᭟ᬫᬢᬸᬃᬩᬸᬯᬶᬦ᭄ᬳᬶᬤᬸᬃᬫ᭞ᬳᬶᬗ᭄ᬕᬶᬄᬳᬦ᭄ᬢᬸᬓ᭄ᬧᬓᬬᬸᬦᬦᬾᬳᬲᬧᬸᬦᬶᬓ᭞ᬢᬶᬢ᭄ᬬᬂᬯᬦ᭄ᬢᬄᬲᬳᬶᬭᬶᬂᬓᬾᬯᬦ᭄ᬢᭂᬦ᭄᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬢᭂᬫ᭄ᬧᬮ᭄᭟ᬲᬸᬳᬸ

[᭓᭙ 39A]
᭓᭙
ᬤ᭄ᬗᬦ᭄ᬤᬶᬓᬓᬾᬢᭀ᭞ᬮᬳᬸᬢ᭄ᬳᬶᬤᬫᬫᬃᬕ᭄ᬕᬶᬓᬳᬶᬭᬶᬂᬳᬦ᭄ᬢᬸᬓ᭄ᬳᬶᬤᬸᬃᬫ᭞ᬲᬫᬮᬶᬄᬲᬳᬓᬯᬸᬮᬦ᭄ᬳᬶᬤᬦᬾᬫ᭠ᬓᭂᬚᬂᬧᬤᬗᬶᬭᬶᬗᬂᬢᬸᬃᬲᬫᬶᬧᬤᬬᬢ᭄ᬦᬕᭂᬕᬯᬦ᭄ᬜᬦᬾ᭟ᬢᬦ᭄ᬓᭀᬘᬧᬦ᭄ᬲᬸᬩᬦᭂᬓᭂᬤ᭄ᬤᬶᬢᬸ᭞ᬓᬘᬶᬗᬓ᭄ᬕᭀᬯᬦ᭄ᬭᬵᬓ᭄ᬱ
ᬲᬦᬾᬮᬶᬗ᭄ᬕᬄᬩᬸᬯᬶᬦ᭄ᬫᬕᬺᬫ᭄᭞ᬗᬋᬲ᭄ᬋᬲᬶᬦ᭄ᬧᭂᬲᬦ᭄ᬤᬶᬳᬢᬶ᭟ᬳᬶᬤᬳᬦᬓᬾᬳᬕᬸᬂᬳᭂᬦᬸᬫᬓᬶᬍᬲᬦ᭄ᬢᬸᬲᬶᬂᬧᬸᬭᬸᬦ᭄ᬳᬶᬤᬗ᭄ᬭᬜ᭄ᬚᬶᬂᬓᬕᭀᬯᬦᬾ᭞ᬮᬳᬸᬢ᭄ᬳᬶᬤᬸᬃᬫᬜᬸᬘᬸᬓ᭄ᬫᬘ᭄ᬮᭂᬧ᭄᭞ᬓᬢᬸᬢᬸᬢᬶᬦ᭄ᬩᬳᬦ᭄ᬯᬤ᭄ᬯᬦ᭄ᬳᬶᬤᬦᬾᬫᬓᭂᬚᬂ᭞ᬫ᭄ᬯᬄᬳᬶᬤ
ᬳᬦᬓᬾᬳᬕᬸᬂᬫᬸᬗ᭄ᬓᬸᬭᬶᬦ᭄ᬳᬶᬤᬸᬃᬫᬲᬃᬯ᭄ᬯᬶᬫᬤᬦ᭄ᬤᬦ᭄ᬢᬗᬦ᭄᭞ᬧᭂᬢᭂᬗᬾᬓᬮᬶᬯᬢ᭄ᬮᬶᬯᬢ᭄᭟ᬫᬭᬗ᭄ᬮᬶᬯᬢ᭄ᬢᭂᬓᬾᬦ᭄ᬧᭂᬢᭂᬗᬾ᭞ᬕᬮᬗᬾᬩᬸᬓᬲᬹᬃᬬ᭄ᬬᬦᬶᬦ᭄᭞ᬤᬧᭂᬢᬗᬩᬗ᭄ᬓᬾᬦ᭄ᬳᬶᬭᬵᬓ᭄ᬱᬲᬦᬾᬜᭂᬗ᭄ᬓᬸᬩᬸᬓᬕᬸᬦᬸᬗᬾᬭᬸᬩᬸᬄ᭟ᬓ᭄ᬭᬦ
ᬕᬮᬂᬩᬸᬓᬲᬹᬃᬬ᭄ᬬᬦᬶᬦ᭄᭞ᬩᬳᬦ᭄ᬫᬵᬲ᭄ᬳᬶᬦ᭄ᬢᭂᬦᬾᬳᬦᬾᬲᬃᬯ᭄ᬯᬤᬸᬫᬶᬮᬄᬫ᭄ᬯᬄᬍᬯᬶᬄᬍᬯᬶᬄᬢᬸᬃᬧᬓᬜᭀᬃ᭠ᬜᭀᬃ᭞ᬳᭂᬦ᭄ᬢᭀᬫᬶᬦᬓᬤᬶᬲᬸᬃᬬ᭄ᬬᬦᬾᬜᬸᬮᬸᬳᬶᬦ᭄ᬤᬶᬢᭂᬗᬄᬕᭀᬯᬦᬾ᭟ᬓᬲᬸᬕᬶᬳᬦᬾᬳᬶᬭᬵᬓ᭄ᬱᬲᬫᬓᭂᬚᬂᬳᬫ᭄ᬩᬶᬮ᭄ᬳᬶ᭠