Page:Bali-lontar-satwa-i-durma-250ppi.pdf/21

From Wikisource
Jump to navigation Jump to search
This page has been proofread.

[᭒᭐ 20B]
᭒᭐
ᬫᬧᬫᬶᬢ᭄‌‌ᬗᬺᬋᬄᬧᬋᬓᬦᬾᬳᬶᬤᬸᬃᬫ᭟ᬤᬶᬢᬸᬮᬳᬸᬢ᭄ᬳᬸᬢᬸᬲᬦᬾᬳᬕᬾᬫᬫᬃᬕ᭄ᬕᬶ᭞ᬓᬕᭂᬢ᭄ᬦᭂᬧᬸᬓᬶ᭠ᬦ᭄ᬲᬸᬩᬤᬾᬰᬳᭀᬭᬳᬗᬤᬾᬰᬲᬶᬗ᭄ᬳᬧᬜ᭄ᬚᬭᭀᬦ᭄᭞ᬮᬳᬸᬢ᭄ᬫᬢᬓᭀᬦ᭄᭞ᬳᬶᬄᬚ᭄ᬭᭀᬮᬦᬂ᭞ᬢ᭄ᬬᬂᬫᬢᬸᬃᬧᬢᬓᬾᬦ᭄ᬭᬶᬂᬚ᭄ᬭᭀ
ᬦᬾ᭞ᬲᬦᬾᬳᭂᬜ᭄ᬘᬾᬦ᭄ᬳᬸᬫᬄᬳᬶᬤ᭄ᬭᬸᬫᬦᬾᬳᬶᬭᬶᬓᬶ᭞ᬧᬸᬦᬧᬶᬳᬶᬧᬸᬦ᭄ᬚᬸᬫᬄ᭞ᬲᬫ᭄ᬧᬸᬦ᭄‌‌ᬲ᭄ᬯᬾᬫᬚᬭᬂᬳᬶᬧᬸᬦ᭄ᬮᬸᬯᬲ᭄ᬓᬳᬮᬲᬾ᭞ᬗᬺᬋᬄᬩᬧᬦ᭄ᬳᬶᬧᬸᬦᬾᬦᬗᬸᬦ᭄ᬬᬬ᭞ᬦᬾᬫᬗ᭄ᬓᬶᬦ᭄ᬢᬦ᭄ᬯᬾᬦ᭄ᬢᭂᬦ᭄ᬳᬶᬧᬸᬦ᭄‌‌ᬚᬸᬫᬄ᭞ᬤᬾᬦᬶᬂᬓᬾᬢᭀᬫᬸᬜᬶᬦ᭄ᬦᬾᬳᬦᬓᬾ
ᬦᬾᬢᬓᭀᬦᬶᬦ᭞ᬮᬳᬸᬢ᭄ᬲᬂᬓᬭᭀᬳᬕᬾᬫᬚᬮᬦ᭄ᬗᬮᬶᬄᬳᬶᬤᬸᬃᬫᬫᬲᬸᬲᬸᬧᬦ᭄ᬤᬶᬢ᭄ᬗᬄᬳᬮᬲᬾ᭚᭜᭚ᬕ᭄ᬮᬶᬲᬶᬂᬘᬭᬶᬢᬓᬧᬗ᭄ᬕᬶᬄᬳᬶᬤᬸᬃᬫᬫᬚᬮᬦ᭄ᬗᬚᬓ᭄ᬳᬦᬓ᭄ᬮᬸᬄᬫᬤᬦ᭄ᬤᬦ᭄ᬢᬗᬦ᭄‌‌ᬚ᭄ᬕᬾᬕᬾᬮ᭄ᬯᬶᬃᬤᬥᬭᬶᬓᬾᬦ᭄ᬤ᭄ᬭᬦ᭄᭞ᬧᬚᬮᬦᬾᬲᬤ
ᬳᬮᭀᬦ᭄‌‌ᬲᬃᬯ᭄ᬯᬶᬢᭀᬮᬄᬢᭀᬮᬶᬄᬢ᭄ᬯᬭᬩ᭄ᬮᬲ᭄ᬩᭂᬮᬲ᭄ᬫᬓᬭᭀᬦᬦ᭄ᬤᭀᬕᬾᬦ᭄᭟ᬤᬶᬢᬸᬮᬳᬸᬢ᭄‌‌ᬚᬕ᭄ᬚᬕᬶᬦᬲᬃᬯ᭄ᬯᬶᬗᬦ᭄ᬤᬶᬓᬳᬸᬢᬸᬲᬦᬾ᭟ᬳᭀᬦᬾᬓᭀᬳᬶᬤᬸᬃᬫᬢᭂᬧᬸᬓ᭄ᬤᬶᬦᬶ᭟ᬳᬸᬮᬶᬲ᭄ᬫᭂᬂᬩᬧᬗᬮᬶᬄᬘᬳᬶᬫᭂᬜ᭄ᬘᬃᬫᭂᬜ᭄ᬘᬸᬃᬗᬦ᭄ᬢᬶᬧ᭄ᬮᬸᬄᬧᬶᬤᬶᬢ᭄ᬢᬦ᭄

[᭒᭑ 21A]
᭒᭑
ᬧᬲᬗᬸᬜ᭄ᬮᭂᬧᬶᬦ᭄ᬳᬮᬲᬾᬯᬬᬄ᭟ᬓ᭄ᬭᬦᬩᬧᬫᬳᬶᬗᬮᬶᬄᬘᬳᬶᬓᬲᬸᬓᬸᬦ᭄ᬕᬸᬦᬸᬗᬾ᭞ᬩᬧᬓᬳᬸᬢᬸᬲ᭄ᬭᬶᬂᬳᬶᬤᬳᬦᬓᬾᬳᬕᬸᬂ᭞ᬘᬳᬶᬦᬾᬚᬦᬶᬳᬧᬂᬫᬸᬮᬶᬄᬚᬵᬓᬧᬗᬦ᭄ᬤᬶᬓᬬᬂᬘᬳᬶᬢᬗ᭄ᬓᬶᬮ᭄ᬓᬧᬸᬭᬶ᭞ᬩ᭄ᬯᬢ᭄ᬧᬓᬬᬸᬦᬦᬾ᭠
ᬩ᭄ᬯᬢ᭄ᬧᭂᬲᬦ᭄ᬢᬸᬲᬶᬂᬤᬤᬶᬲᬗ᭄ᬓᬾᬬᬦ᭄᭟ᬳᭂᬦ᭄ᬢᭀᬤᬶᬚᬘᬳᬶᬫᬳᬦ᭄ᬦᬸᬤᬸᬓ᭄ᬳᬦᬓ᭄ᬮᬸᬄ᭞ᬢᭂᬕᬭᬂᬢᬸᬢᬸᬭᬂᬳᬧᬂ᭠ᬩᬧᬦᬯᬂ᭟ᬫᬢᬸᬃᬳᬶᬤᬸᬃᬫ᭞ᬳᬶᬗ᭄ᬕᬶᬄᬕᬸᬲ᭄ᬢᬶ᭞ᬢᬶᬢ᭄ᬬᬂᬗᬢᬸᬭᬂᬲᬳᬶᬦ᭄ᬤᬶᬓ᭄ᬳᬶᬦ᭄ᬤᬶᬓᬶᬧᬸᬦ᭄ᬭᬶᬂᬕᬸᬲ᭄ᬢᬶ᭞ᬳᬶᬩᬶᬓᬾᬢ᭄ᬬᬂᬫᬲᬸᬲᬸᬧᬦ᭄ᬓᬳᬮ
ᬲᬾ᭞ᬩ᭄ᬯᬢ᭄ᬢ᭄ᬬᬂᬗᬮᬶᬄᬳᬶᬩᬧ᭞ᬳᬦ᭄ᬢᬸᬓ᭄ᬲᬸᬯᬾᬢᬦ᭄ᬩᬸᬤᬮ᭄ᬩᬸᬤᬮ᭄ᬦᬗᬸᬦ᭄ᬓᬾᬃᬢ᭄ᬢᬶ᭟ᬓᬕᬾᬢ᭄ᬭᬶᬂᬢ᭄ᬗᬄᬫᬃᬕ᭄ᬕᬶᬦᬾᬫᬢᭂᬫᬸᬭᬶᬂᬳᬦᬓ᭄ᬳᬶᬲ᭄ᬢ᭄ᬭᬶᬧᬸᬦᬶᬓᬶ᭞ᬤᬶᬢᬸᬮᬳᬸᬢ᭄ᬢ᭄ᬬᬂᬧᬤᬫᬭᬃᬬ᭄ᬬᬦ᭄ᬢᬸᬃᬲᬮᬶᬂᬢᬓᭀᬦᬶᬦ᭄᭞ᬲᬫᬶᬗᬢᬸᬭᬂᬧᬳᬶᬦ᭄ᬤᬶᬓᬦ᭄᭟ᬲᬫ᭄ᬧᬸᬦ᭄ᬧᬸᬧᬸ᭠
ᬢ᭄ᬢ᭄ᬬᬂᬫᬭᬭᬯᭀᬲᬦ᭄ᬲᬋᬂᬳᬶᬧᬸᬦ᭄᭞ᬭᬭᬶᬲ᭄ᬓᭂᬤᭂᬄᬧᬶᬲᬦ᭄ᬫᬦᬄᬳᬶᬧᬸᬦᬾᬗᭂᬤᬶᬄᬓᭂᬦᭂᬄᬢ᭄ᬬᬗᬾ᭞ᬫᬗ᭄ᬤᬵᬓᬤᬕᬶᬗᬦ᭄ᬫᬦᬄᬜᬦᬾᬗᬗ᭄ᬕᬾᬦ᭄ᬢ᭄ᬬᬂᬓᬸᬋᬦᬦ᭄᭟ᬧᬶᬂᬓᬸᬤᬓᬸᬤᬢ᭄ᬬᬂᬍᬫᭂᬲᬶᬦᬭᬶᬂᬳᬶᬧᬸᬦ᭄᭞ᬢᬍᬃᬢ᭄ᬬᬂᬦᬾᬦ᭄ᬢᭂᬦ᭄ᬦᬕᬶᬗᬶᬦ᭄ᬧᬶᬲᬦ᭄ᬫᬦᬄ