[᭘ 8B]
᭘
᭞ᬗᬦ᭄ᬢᬶᬤᬶᬦᬵᬧᬤᬾᬯᬰᬦ᭄᭞ᬓᬳᬩᬾᬦᬂᬗᬾᬜᬂᬪ᭄ᬭᬡᬢᬦᬶᬓᬶᬓᬶᬢ᭄᭞ᬓᬦ᭄ᬢᬶᬫᬕᬤᬾᬫᬢᬸᬗ᭄ᬕᬸ᭞ᬦᬸᬢᬸᬕ᭄ᬢᬺᬱ᭄ᬡᬫᬓᬤᬂ᭞ᬫᬓᬯᬶᬢᬦ᭄᭞ᬓ᭄ᬭᬡᬢ᭄ᬯᬭᬗᬶᬢᬂᬗᬶᬢᬸᬂ᭞ᬫᬜᬮᬦᬂᬓᬧᬶ
ᬢᬺᬱ᭄ᬡᬦ᭄᭞ᬢᬦᬸᬭᬸᬂᬗᬸᬫᬦ᭄ᬤᬂᬤᬤᬶ᭞᭔᭑᭞ᬯᬶᬭᬾᬄᬳᬶᬥᭂᬧ᭄ᬧᬥᬕᬯᬂ᭞ᬢ᭄ᬯᬭᬗ᭄ᬮᬄᬢᬶᬢᬶᬮᬶᬂᬳᬶᬥᭂᬧᬾᬧᬮᬶᬂ᭞ᬳᬯᬓ᭄ᬩ᭄ᬮᭀᬕ᭄ᬫᬧᬶᬯ᭄ᬭᬸᬄ᭞ᬳᬶᬲᭂᬂᬫᬜᬓᬸᬧᬂᬮᬶᬫᬵ᭞ᬮᬯᬸᬢ᭄ᬜᬸᬫ᭄ᬩᬄᬬᬦ᭄ᬓᬾᬦ᭄ᬳᬶᬥᭂ
ᬧᬾᬤᬶᬢᬸ᭞ᬓᬤᬾᬦ᭄ᬳᭂᬦ᭄ᬢᭀᬫᬗ᭄ᬭᬡᬬᬂ᭞ᬧᬘᬂᬦᬸᬗ᭄ᬓᬧ᭄ᬲ᭄ᬯᬃᬕ᭄ᬕᬍᬯᬶᬄ᭞᭔᭒᭞ᬲᬸᬳᬸᬤ᭄ᬜᬸᬫ᭄ᬩᬄᬮᬯᬸᬢ᭄ᬩᬸᬤᬮ᭄᭞ᬫᭂᬜ᭄ᬚᬸᬄᬯᬸᬭᬶᬧᬤᬫᬗᬮᬳᬶᬦ᭄ᬫᬸᬮᬶᬄ᭞ᬲᬂᬳᬢ᭄ᬫᬫᬲᬶᬄᬫᬗ᭄ᬮᬯᬸᬢ᭄᭞ᬫᬫᬃᬕ᭄ᬕᬢᬸᬮᬸ
ᬲ᭄ᬗᬭᬕᬵ᭞ᬫᬲᬶᬄᬳ᭄ᬦᬸᬗᬩᬲᭀᬮᬄᬳᬮᬳᬬᬸ᭞ᬳᭂᬦ᭄ᬢᭀᬢ᭄ᬯᬄᬓᬩ᭄ᬓᭂᬮᬂ᭞ᬧᬶᬢ᭄ᬯᬶᬦᬾᬩᬸᬮᬓ᭄ᬩᬮᬶᬓ᭄᭞᭔᭓᭞ᬓᬾᬯᬮᬯᬦ᭄ᬢᬄᬳᬶᬥᬃᬫ᭄ᬫ᭞ᬳᭂᬦ᭄ᬢᭀᬳᬬᬸᬭᬶᬲᬲᬢᬂᬳᬕᬸᬂᬲᬸᬕᬶᬄ᭞ᬫᬦᬄᬍᬜᬳᬃᬣᬶ
[᭙ 9A]
ᬦ᭄ᬳᬶᬧᬸᬦ᭄᭞ᬦ᭄ᬭᬶᬫᬢ᭄ᬯᬄᬲᬸᬓᬤᬸᬄᬓᬵ᭞ᬳᬶᬥᭂᬧ᭄ᬮ᭄ᬩᬵᬢᬫ᭄ᬩᬍᬯᬶᬄᬯᬵᬱ᭄ᬝᬦ᭄ᬳᬶᬧᬸᬦ᭄᭞ᬧ᭄ᬭᬬᬰ᭄ᬘᬶᬢᬵᬓᬳᬸᬘᬧᬂ᭞ᬧᬫᬥᭂᬫ᭄ᬮᬭᬦᬶᬂᬳᬢ᭄ᬢᬶ᭞᭔᭔᭞ᬲᬫ᭄ᬬᬚ᭄ᬜᬦᬵᬧᬶᬢ᭄ᬕᭂᬲᬂ᭞ᬧᬤᬳᬤᬸᬂᬳᬶᬥᭂᬧ᭄ᬯ᭄ᬭᬸᬄᬮᬯᬦ᭄ᬳᬚᬶ᭞ᬢ
ᬢ᭄ᬯᬵᬢᬸᬢᬸᬃᬧᬥᬳᬤᬸᬂ᭞ᬢ᭄ᬯᬭᬩᬶᬱᬫᬵᬫ᭄ᬩᭂᬓ᭄ᬓ᭄ᬭᭀᬥ᭞ᬢ᭄ᬯᬭᬳ᭄ᬜᬓ᭄ᬳᬫᬢᬶᬫᬢᬶᬫᬗ᭄ᬮᬓᬹᬂ᭞ᬲᬶᬦᬄᬲᬸᬓᬦ᭄ᬦᬾᬓᬢᬫᬵ᭞ᬓᬾᬢᭀᬓᬢᬸᬢᬸᬭᬦ᭄ᬚᬢ᭄ᬣᬶ᭞᭔᭕᭟ᬬᬦᬶᬂᬲᬸᬩᬢᬢᬲ᭄ᬪᬶᬱ᭞ᬫᬦᬸᬗ᭄ᬕᬮᬂᬳᬕᬫ
ᬓᬭᬶᬗ᭄ᬓᭂᬲ᭄ᬲᬫᬶ᭞ᬳᭂᬦ᭄ᬢᭀᬢ᭄ᬯᬄᬓᬲᭂᬗ᭄ᬕᬸᬄᬳᬬᬸ᭞ᬳᭂᬦ᭄ᬢᭀᬫᬤᬦ᭄ᬲ᭄ᬯᬃᬕ᭄ᬕᬓᬤᬂᬮᬶᬬᬸᬢ᭄ᬓᬧᬕᬭᬸᬤᬸᬕ᭄᭞ᬧᬢᬓᭀᬦᬾᬫᬳᬾᬦ᭄ᬤᬳᬦ᭄᭞ᬲᬶᬦᬄᬩᬶᬗᬸᬂᬫᬦᬸᬢᬸᬭᬶᬦ᭄᭞᭔᭖᭟ᬲᬂᬳ᭄ᬬᬂᬳᬬᬸᬤᬤᬶ
ᬲᬯᬢ᭄᭞ᬢᬸᬃᬫᬮᬶᬗ᭄ᬕᬶᬄᬭᬶᬢ᭄ᬗᬄᬕᭀᬯᬦᬾᬲ᭄ᬭᬶᬧᬶᬢ᭄᭞ᬲᬶᬦᬄᬲᭂᬗ᭄ᬓᬚ᭄ᬯᬗᬭᬸᬭᬸᬄ᭞ᬤᬾᬦᬶᬂᬧᬳᬶᬤᭂᬧᬾᬳᭀᬩᬄ᭞ᬫᬓᬓᭂᬜ᭄ᬘᬦ᭄ᬫᬦᬶᬫ᭄ᬩᬂᬦᬾᬳᬶᬯᬂᬧᬢᬹᬢ᭄᭞ᬳᬯᬓ᭄ᬳᬚᬸᬫ᭄ᬗᬓᬸᬩᬶᬱ᭞ᬓᬳᬸᬘᬧᬂ
Page:Bali-lontar-paparikan-sarasamuscaya-300ppi.pdf/9
Jump to navigation
Jump to search
This page has been proofread.
