[᭘᭗ 87B]
᭘᭗
ᬓ᭄᭟᭖᭐᭐᭟ᬲᬓᬶᬂᬫᬦᬄᬫ᭄ᬢᬸᬪᬾᬤ᭞ᬩᬶᬧᬢᬺᬱ᭄ᬡᬩᬶᬱᬢᭀᬲᬶᬂ᭞ᬓ᭄ᬭᬡᬳᬶᬫᬦᬄᬫ᭄ᬮᬳᬂ᭞ᬧᬲ᭄ᬢᬶᬬᬂᬫᬗᭂᬢᬹᬓ᭄ᬳᬬᬸ᭞ᬧᬶᬢ᭄ᬯᬶᬦᬾᬧ᭄ᬬᬦᬓ᭄ᬱᭀᬫᬄ᭞ᬮᬫᬸᬦ᭄ᬧ᭄ᬮᬶᬄ᭞ᬢᬺᬱ᭄ᬡᬦᬾᬲᬭᬢᬂᬓᬸᬢᬂ᭟᭖᭐᭑᭟ᬢᭀᬢᬶᬗ᭄ᬓᬄᬗᭂᬢᬸᬢ᭄ᬥᬃᬫ᭄ᬫ
᭞ᬥᬃᬫ᭄ᬫᬫᭀᬓ᭄ᬱᬢᬸᬢᬸᬃᬚᬵᬢᬶ᭞ᬚᬵᬢᬶᬲᬸᬩᬓᬧᬕᭂᬳᬂ᭞ᬧᬫᬕᭂᬄᬧᬡ᭄ᬥᬶᬢ᭄ᬢᬧᬸᬢᬸᬲ᭄᭞ᬧᬸᬢᬸᬲ᭄ᬳᬶᬤᬫᬗᬸᬘᬧᬂ᭞ᬳᬸᬘᬧᬼᬯᬶᬄ᭞ᬍᬳᬶᬄᬰᬭᬲᬫᬸᬘ᭄ᬘᬬ᭟᭖᭐᭒᭟ᬬᬦᬶᬂᬦᬸᬚᬸᬓᬾᬮᬗᬦ᭄᭞ᬭᬚᬩ᭄ᬭᬡᬲᬵᬃᬯ᭄ᬯᬩ᭄ᬘᬶᬓ᭄᭞
ᬫᬾᬫᬾᬩᬧᬲᭀᬫᬄᬧ᭄ᬬᬦᬓ᭄᭞ᬜᬫᬩ᭄ᬭᬵᬬᬦᬸᬚᬸᬮᬫ᭄ᬧᬸᬲ᭄᭞ᬮᬫ᭄ᬧᬸᬲ᭄ᬫᬦᬶᬗ᭄ᬕᬮᬶᬦ᭄ᬳᬯᬓ᭄᭞ᬤᬶᬢᬸᬦᬫ᭄ᬧᬶ᭞ᬤᬸᬄᬓᬶᬢᬲᬓᬶᬢ᭄ᬓᬮᬭᬦ᭄᭟᭖᭐᭓᭟ᬢᬦ᭄ᬲᬯᭀᬳᬶᬩᬸᬤ᭄ᬥᬶᬢᬺᬱ᭄ᬡᬵ᭞ᬫᬗ᭄ᬭᬦᬬᬂᬳᬸᬬᬂᬧᬮᬶᬂ᭞ᬕᬢᬶᬬᬂᬘ᭄ᬦᬶᬂ
ᬕᬢᬶᬬᬂ᭞ᬳᬸᬩᬤᬶᬦ᭄ᬳᬶᬩᬸᬤ᭄ᬥᬶᬳᬶᬩᬸᬓ᭄᭞ᬳᬧᬂᬳ᭄ᬤᬓᬦ᭄ᬢᬶᬭᬸᬱᬓ᭄᭞ᬩᬸᬓᬚᬦᬶ᭞ᬓᬭᬸᬱᬓ᭄ᬩᬳᬦ᭄ᬳᬶᬢᬺᬱ᭄ᬡᬵ᭟᭖᭐᭔᭟ᬓᬾᬢᭀᬢᬫ᭄ᬩᬦᬾᬳᬶᬗᭂᬢᬂ᭞ᬲᬳᬦᬦ᭄ᬲᬃᬯ᭄ᬯᬫᬉᬭᬶᬧ᭄᭞ᬫᬓᬶᬢ᭄ᬢ᭄ᬯᬄᬧᬵᬢᬹᬢᬾᬩᬓᬢ᭄᭞ᬲᬵᬃᬯ᭄ᬯᬩ᭄ᬭᬡᬩ
[᭘᭘ 88A]
ᬭᬂᬮᬶᬬᬸ᭞ᬳᭂᬦ᭄ᬢᭀᬢ᭄ᬯᬄᬮᬸᬗ᭄ᬳᬵᬢ᭄ᬓ᭞ᬩᬸᬮᬓ᭄ᬩᬮᬶᬓ᭄᭞ᬢ᭄ᬯᬭᬜᬦ᭄ᬤᬂᬗᬗᭂᬦ᭄ᬳᬶᬬ᭟᭖᭐᭕᭟ᬓᬾᬢᭀᬳᬸᬩᬤᬾᬳᬶᬗᭂᬢᬂ᭞ᬩᬸᬓᬓᭀᬘᬧᬾᬳᬶᬢᬸᬦᬶ᭞ᬲᬸᬩᬮ᭄ᬬᬸᬫᬩᬳᬦ᭄ᬩᬧ᭞ᬗᬸᬜ᭄ᬘᬭᬂᬳᬶᬦ᭄ᬤᬶᬓ᭄ᬧᬶᬢᬸᬢᬸᬃ᭞ᬦᬵᬗ᭄ᬳᬶᬂᬩᬧᬳ᭄ᬦᬸᬗ
ᬯᬕ᭄᭞ᬮᬶᬬᬸᬧ᭄ᬮᬶᬄ᭞ᬘ᭄ᬦᬶᬂᬩ᭄ᬯᬦ᭄ᬫᬫᬲ᭄ᬢᬶᬬᬂ᭟᭖᭐᭖᭟ᬬᬦ᭄ᬩ᭄ᬯᬢ᭄ᬳᬶᬭᬚᬩ᭄ᬯᬡ᭞ᬲᬶᬦᬄᬧᬘᬂᬩ᭄ᬮᬲ᭄ᬤᬤᬶ᭞ᬩᬶᬮᬶᬄᬳᬶᬤᬾᬯᬾᬓ᭄ᬫᬮᬸᬯᬦ᭄᭞ᬫᬗᬮᬳᬶᬦ᭄ᬧᬘᬂᬮᬫ᭄ᬧᬸᬲ᭄᭞ᬤᬶᬓᬾᬦ᭄ᬓᬾᬦᬾᬳ᭄ᬬᬳ᭄ᬮᬲ᭄᭞ᬫᬗᬮᬳᬶᬦ᭄᭞ᬳᬶᬭᬚᬩ᭄ᬭ
ᬡᬫᬮᬸᬯᬦ᭄᭟᭖᭐᭗᭟ᬓ᭄ᬭᬘᬳ᭄ᬤᬩᬲ᭄ᬦᬼᬩᬂ᭞ᬩᬮᬶᬄᬓᬯᬶᬪᬯᬦ᭄ᬤᬶᬦᬶ᭞ᬤᬾᬦᬶᬂᬲᬶᬦᬄᬢ᭄ᬯᬭᬮᬦᬵ᭞ᬬᬫᬶᬢᬺᬫᬯᬢ᭄ᬰᬢ᭄ᬭᬸ᭞ᬳ᭄ᬤᬧᬮᬶᬂᬢ᭄ᬓᬾᬦᬯᬓ᭄᭞ᬫᬗᬶᬗᭂᬢᬶᬦ᭄᭞ᬰᬢ᭄ᬭᬸᬫᬶᬢ᭄ᬭᬦᬾᬤᬶᬳᬯᬓ᭄᭟᭖᭐᭘᭟
ᬳᬤᬳᬦᬓ᭄ᬢᬦ᭄ᬧᬵᬡ᭄ᬥᬶᬢ᭞ᬲᬸᬩᬓᬃᬯ᭄ᬯᬦᬫ᭄ᬧᬶᬂᬕ᭄ᬦᬶ᭟ᬗᬶᬍᬳᬶᬦ᭄ᬤᬾᬯᬾᬓ᭄ᬦᬾᬋᬓᭀ᭞ᬫᬲᬶᬄᬯᬦᬾᬦ᭄ᬳ᭄ᬬᬫᬦᬸᬯᬸᬓ᭄᭞ᬬᬦᬶᬂᬳᬶᬤᬲᬂᬧᬵᬡ᭄ᬥᬶᬢ᭞ᬗᬤᬸᬚᬸᬭᬶᬢ᭄᭞ᬕ᭄ᬦᬶᬦᬾᬮᬯᬸᬢ᭄ᬓᬶᬘᬶᬮᬂ᭟᭖᭐᭙᭟ᬦᬄᬓᬾᬢᭀ
Page:Bali-lontar-paparikan-sarasamuscaya-300ppi.pdf/88
Jump to navigation
Jump to search
This page has been proofread.
