[᭗ 7B]
᭗
ᬜᬸᬦ᭄ᬤᬸᬮ᭄᭞ᬤᬶᬢᬸᬳᬦᬾᬢ᭄ᬯᬭᬮᬾᬦᬦ᭄᭞ᬲᬸᬩᬲᬶᬦᬄ᭞ᬤᬶᬧᬗ᭄ᬓᭀᬦᬦ᭄ᬲᬂᬳ᭄ᬬᬂᬫᬺᬢ᭄ᬬᬸ᭞ᬬᬦᬶᬂᬲᬸᬩᬧᬳᬶᬗᬦᬵᬦ᭄᭞ᬧᬗᬸᬗ᭄ᬲᬶᬦᬾᬢ᭄ᬯᬄᬤᬶᬫᬢᬶ᭞᭓᭔᭞ᬓ᭄ᬭᬡᬚᬦᬶᬧᬶᬲ᭄ᬓᭂᬦᬂ᭞ᬗᬮᬶᬄᬧᬵ
ᬢᬹᬢ᭄ᬲᬳ᭄ᬦᬸᬦ᭄ᬩᬚᬗᬾᬢᬫ᭄ᬧᬶ᭞ᬓᬃᬤ᭄ᬥᬶᬦᬶᬦ᭄ᬳᬶᬥᬃᬫ᭄ᬫᬳᬬᬸ᭞ᬳ᭄ᬤᬳᬶᬫᬵᬫᬜᬮᬦᬂ᭞ᬳ᭄ᬤᬦᬦ᭄ᬤ᭄ᬭᬸᬳᬂ᭞ᬫᬜ᭄ᬚᬦ᭄ᬫᬫᬳᬶᬓᬯᬸᬢᬸᬲ᭄᭞ᬓᬯᬸᬢᬸᬲ᭄ᬗᭂᬦ᭄ᬢᭀᬲᬶᬦ᭄ᬳᬮ᭞ᬲᬂᬗᬬᬸᬳᬗ᭄ᬕᬾᬦ᭄ᬗᭂᬦ᭄ᬢᭀᬲᬶᬦ᭄᭞᭓᭕᭞ᬯᬶ
ᬭᬾᬄᬳᬶᬤᬲᬂᬳ᭄ᬬᬂᬓᬮ᭞ᬲᬵᬃᬯ᭄ᬯᬲᬓᬶᬢ᭄ᬧᬸᬦᬶᬓᬫᬳᬗ᭄ᬕᬾᬦ᭄ᬰ᭄ᬭᬢᬶ᭞ᬳᬸᬭᬶᬧᬾᬬᬲᬬᬦ᭄ᬳᭂᬦ᭄ᬤᬸᬓ᭄᭞ᬤᬾᬦᬶᬂᬓᬳᬸᬫᬤ᭄ᬲᬢᬢ᭞ᬳᭂᬦ᭄ᬢᭀᬓ᭄ᬭᬡᬵᬳ᭄ᬤᬳᬫ᭄ᬧᬄᬗ᭄ᬢᬸᬢ᭄ᬳᬬᬸ᭞ᬯᬶᬭᬾᬄᬳᬬᬸᬦᬾᬫᬓᬵᬦ᭄ᬤᬦ᭄᭞ᬦ
ᬦ᭄ᬤᬦᬶᬦ᭄ᬫᬗᬸᬗ᭄ᬲᬶᬍᬯᬶᬄ᭞᭓᭖᭞ᬳᬶᬭᬭᬾᬜᬦ᭄ᬤᬂᬗᬶᬦ᭄ᬓᬶᬦᬂ᭞ᬫᬗᬯᬾᬦᬶᬦ᭄ᬦᬾᬭᬳᬬᬸᬧ᭄ᬮᬧᬦᬶᬦ᭄᭞ᬲᬓᬶᬂᬘ᭄ᬭᬶᬓ᭄ᬗᬸᬮᬄᬳᬬᬸ᭞ᬳᬧᬗ᭄ᬤᬚ᭄ᬯᬓᬲᬾᬧᬦ᭄᭞ᬯᬶᬭᬾᬄᬲᬶᬦᬄᬲᬂᬳ᭄ᬬᬂᬳᬸᬭᬶᬧ᭄ᬧ
[᭘ 8A]
ᬘᬂᬫᬦ᭄ᬢᬸᬓ᭄᭞ᬫᬢᬶᬦᬾᬳ᭄ᬜᬾᬦ᭄ᬫᬦᬯᬂ᭞ᬫᬶᬯᬄᬳ᭄ᬜᬾᬦ᭄ᬫᬗᭀᬭᬳᬶᬦ᭄᭞᭓᭗᭞ᬳᬶᬓᬥᬂᬯᬃᬕ᭄ᬕᬵᬲ᭄ᬓᬮ᭞ᬫᬦᬸᬕᬓᬵᬂᬢᬺᬱ᭄ᬡᬦ᭄ᬜᬦᬾᬫᬓᬲᬫᬶ᭞ᬳᭀᬮᬲ᭄ᬮᬲ᭄ᬬᬢᬺᬱ᭄ᬡᬵᬦᬸᬢᬸᬕ᭄᭞ᬩᬦ᭄ᬢᬲ᭄ᬫᬦ᭄ᬓᬤ᭄ᬤᬶ
ᬲ᭄ᬫ᭞ᬳᭀᬮᬲ᭄ᬮᬮᬶᬲ᭄᭞ᬫ᭄ᬓᭂᬮᬶᬦ᭄ᬩᬦ᭄ᬫᬦᬄᬲᬸᬗ᭄ᬲᬸᬢ᭄᭞ᬮᬶᬂᬳᬗ᭄ᬕᭀᬦ᭄ᬜᬦᬾᬢᬺᬱ᭄ᬡᬵ᭞ᬤᬶᬓᬧᬦ᭄ᬫᬓ᭄ᬭᬡᬵᬦ᭄ᬩ᭄ᬘᬶᬓ᭄᭞᭓᭘᭞ᬫᬓ᭄ᬭᬡᬚᬦᬶᬩ᭄ᬲᬶᬓᬂ᭞ᬳᭂᬦ᭄ᬢᭀᬳᬮᬶᬄᬳᬶᬓᬥᬂᬦᬾᬳᬚᬓ᭄ᬫᬢᬶ᭞ᬤᬾ
ᬦᬶᬂᬳᭂᬦ᭄ᬢᭀᬲᬶᬦᬄᬦᬸᬢᬸᬕ᭄᭞ᬲᭀᬮᬄᬳᬬᬸᬫᬶᬯᬄᬳᬮ᭞ᬳᬲᬶᬂᬧᬭᬦ᭄ᬫᬓᬓᬡ᭄ᬝᬶᬳᬲᬶᬂᬮᬓᬹ᭞ᬤᬤᬶᬓᬵᬮᬤᬤᬶᬤᬾᬯ᭞ᬗᬩᬢᬶᬢᬄᬢᬸᬤᬸᬄᬯᬶᬤ᭄ᬥᬶ᭞᭓᭙᭞ᬓᬾᬢᭀᬓᬢᬢ᭄ᬯᬦ᭄ᬳᬶᬓᬤᬵᬂ
᭞ᬓᬵᬮᬫᬢ᭄ᬢᬶᬳᬯᬓᬾᬫᬓᬸᬢᬂᬤᬦᬶ᭞ᬉᬢ᭄ᬢᬫᬦᬾᬢ᭄ᬯᬭᬳ᭄ᬦᬸ᭞ᬢᬦᬸᬭᬸᬂᬧᬬᬸᬫᬤᬕ᭄ᬮᬂ᭞ᬬᬦ᭄ᬳᬸᬧᬫᬵᬧᬬᬸᬓ᭄ᬩ᭄ᬮᬄᬫᬗᬮᬸᬮᬸᬓ᭄᭞ᬓᬲᬸᬗ᭄ᬓᭂᬫᬶᬦ᭄ᬩᬦ᭄ᬳᬶᬓᬤᬂ᭞ᬓᬩᬺᬲᬶᬳᬶᬦ᭄ᬓᬩᬦ᭄ᬢᭂᬦᬶᬦ᭄᭞᭔᭐
Page:Bali-lontar-paparikan-sarasamuscaya-300ppi.pdf/8
Jump to navigation
Jump to search
This page has been proofread.
