[᭗᭗ 77B]
᭗᭗
ᬢᬶᬦ᭄ᬧᬕᬯᬾᬲᬚ᭞ᬗᬶᬭᬶᬂᬯ᭄ᬘᬦᬦ᭄ᬲᬂᬍᬯᬶᬄ᭞ᬲᬶᬤ᭄ᬥᬗᬶᬫ᭄ᬧᬲᬂ᭞ᬳᬲᬶᬂᬢᬦ᭄ᬧᬕᬸᬡᬲᬫᬶ᭟᭕᭑᭔᭟ᬳ᭄ᬤᬧᬶᬲᬦ᭄ᬗᬢᬶᬳᬢᬶᬦᬾᬢ᭄ᬯᬭᬳᬤ᭞ᬳ᭄ᬤᬢᬼᬩ᭄ᬗᭂᬦᭂᬳᬶᬦ᭄᭞ᬗᬗᭂᬦ᭄ᬢ᭄ᬯᬭᬕ᭄ᬮᬄ᭞ᬳ᭄ᬤᬢᬼᬩ᭄ᬫᬮᬶᬬᬢ᭄᭞ᬳ᭄ᬤᬗᬸᬲᬸᬤ᭄ᬗᬤᭂᬓ᭄ᬳᬤᭂ
ᬓᬶᬦ᭄᭞ᬓᬾᬢᭀᬓᬦ᭄ᬤᬦ᭄ᬜ᭞ᬗᬶᬮᬗᬂᬲ᭄ᬫᬭᬕ᭄ᬦᬶ᭟᭕᭑᭕᭟ᬲ᭄ᬫᬭᬡᬦᬾᬫᬓ᭄ᬭᬡᬲᬓᬾᬂᬧ᭄ᬭᬧᬜ᭄ᬘ᭞ᬬᬦᬶᬂᬢ᭄ᬯᬭᬓᬳᬺᬢᬶᬦ᭄᭞ᬫᬦᬤᬶᬫᬗ᭄ᬮᬶᬫ᭄ᬩᬓ᭄᭞ᬲᬂᬧᬡ᭄ᬥᬶᬣᬫᬜᬭᬢᬂ᭞ᬫᬫᬸᬗ᭄ᬕᭂᬮ᭄ᬲ᭄ᬫᬭᬕ᭄ᬦᬶ᭞ᬳᬶᬦᬸᬘᬧ᭄ᬥᭀᬱ᭞ᬭᬶᬂᬢᬢ᭄ᬯᬦᬾ
ᬲᬸᬦ᭄ᬤᬃᬗᭂᬦ᭄ᬤᬶᬄ᭟᭕᭑᭖᭞ᬓ᭄ᬭᬡᬜᬦ᭄ᬤᬂᬢᬗᬭᬶᬦ᭄ᬳᬸᬕᬶᬭᬶᬂᬢᬢ᭄ᬯ᭞ᬢᬢ᭄ᬯᬳᬚᬶᬫᬜᬾᬤᬦᬶᬦ᭄᭞ᬤᬶᬢᬸᬮᭀᬓᬶᬓᬬᬂ᭞ᬬᬦᬶᬂᬳᬶᬮᭀᬓᬶᬓᬲᬶᬤ᭄ᬥ᭞ᬢᬸᬃᬧᬕᭂᬄᬩᬶᬱᬜᬮᬦᬶᬦ᭄᭞ᬫᬢ᭄ᬭᬵᬢᬦᭀᬩᬄ᭞ᬓᬢ᭄ᬫᬸᬳᬲᬶᬂᬓᬶᬦᬧ᭄ᬢᬶ᭟᭕᭑᭗᭟
ᬲᬓᬶᬂᬲᬢ᭄ᬯᬾᬓᬭᬡᬫᬗ᭄ᬕᬸᬄᬓᬲᬦ᭄ᬢᭀᬱᬦ᭄᭞ᬳᬶᬰᬦ᭄ᬢᭀᬱᬲᬸᬩᬚᬵᬢᬶ᭞ᬫᬓ᭄ᬭᬡᬫᬗ᭄ᬮᬶᬫ᭄ᬩᬓ᭄᭞ᬯᬶᬪᬯᬲᬸᬓᬭᬶᬂᬭᬵᬢ᭄᭞ᬫᬗ᭄ᬕᬸᬄᬪᭀᬕᬳᬲᬶᬂᬳᬸᬗ᭄ᬲᬶ᭞ᬳᬶᬲᬵᬃᬯ᭄ᬯᬪᬯ᭞ᬧᬤᬲᬸᬓᬬᬫᬦᬦ᭄ᬧᬶ᭟᭕᭑᭘᭟ᬬᬦ᭄ᬲᬯᬗᬂ
[᭗᭘ 78A]
ᬳᬶᬰᬦ᭄ᬢᭀᬱᬮ᭄ᬯᬶᬃᬢᬭᬸᬫ᭄ᬧᬄ᭞ᬬᬦᬶᬂᬮᬸᬯᬲᬾᬚᬢᬶ᭞ᬫᬗᬗ᭄ᬕᭀᬢᬭᬸᬫ᭄ᬧᬄ᭞ᬲᬶᬦᬄᬢ᭄ᬯᬭᬦᬧᬓ᭄ᬢᬦᬄ᭞ᬲᬵᬃᬯ᭄ᬯᬫ᭄ᬮᬄᬓᬳᭂᬜ᭄ᬚᭂᬓᬶᬦ᭄᭞ᬩᬸᬤ᭄ᬥᬶᬲᬦ᭄ᬢᭀᬱ᭞ᬓᬾᬢᭀᬳᬸᬧᬫᬶᬬᬂᬚᬦᬶ᭟᭔᭑᭙᭟ᬲᬂᬰᬦ᭄ᬢᭀᬱᬢ᭄ᬯᬄᬫᬦ᭄ᬤ᭄ᬭᬸ
ᬯᬾᬦᬂᬫᬓ᭄ᬚᬂ᭞ᬲᬵᬃᬯ᭄ᬯᬫᬉᬭᬶᬧᬾᬤᬶᬦᬶ᭞ᬤᬶᬚᬕᬢ᭄ᬫᭀᬢ᭄ᬢᬫ᭞ᬳ᭄ᬬᬢ᭄ᬯᬭᬗ᭄ᬮᬄᬧᬓ᭄ᬱ᭞ᬳᬲᬶᬂᬢᬸᬤᬸᬄᬧᬥᬗᬶᬭᬶᬂ᭞ᬫᬜ᭄ᬭᬳᬂᬳᬯᬓ᭄᭞ᬢ᭄ᬯᬶᬢᬦ᭄ᬳᬦ᭄ᬤᬺᬯᬾᬩᬸᬤ᭄ᬥᬶ᭟᭕᭒᭐᭟ᬨᬮᬯᬶᬚᬓᬢ᭄ᬓᬾᬂᬳᬶᬧᬮᬩᬸᬗ᭄ᬓᬄ᭞ᬫᬶᬯᬄᬫᬲ᭄ᬲ᭄ᬮᬓᬍᬯᬶᬄ
᭞ᬧᬰᬸᬯᬲ᭄ᬢ᭄ᬭᬲᭀᬘ᭞ᬳᬶᬲ᭄ᬢ᭄ᬭᬶᬳᬬᬸᬗᬬᬂᬳᬬᬂ᭞ᬢ᭄ᬯᬭᬢᬸᬗ᭄ᬕᬮ᭄ᬫᬦᭂᬫᭂᬦᬶᬦ᭄᭞ᬧᬶᬢ᭄ᬯᬶᬜᬶᬤ᭄ᬥᬬᬂ᭞ᬓᬕ᭄ᬮᬄᬩᬦ᭄ᬫᬓᬲᬫᬶ᭟᭕᭒᭑᭟ᬲᬸᬩᬲᬸᬕᬶᬄᬯᬶᬃᬬ᭄ᬬᬢ᭄ᬯᬭᬓ᭄ᬯᬗᬦ᭄ᬳᬧ᭞ᬓᬤᬾᬦ᭄ᬲᬚᬦ᭄ᬫᬸᬩ᭄ᬘᬶᬓ᭄᭞ᬧᬫᬸᬧᬸᬢ᭄ᬳᬶᬯᬶᬃᬬ᭄ᬬ᭞ᬫᬓ᭄ᬭᬡ
ᬩᬸᬗᭂᬂᬭᬶᬂᬫᬦᬄ᭞ᬳᬶᬮᭀᬪᬓᬤᬾᬦ᭄ᬫᬕ᭄ᬤᬶ᭞ᬩᬵᬦ᭄ᬲᬩᬗ᭄ᬮᬄ᭞ᬓᬤᬾᬦ᭄ᬢ᭄ᬯᬭᬩ᭄ᬯᬦ᭄ᬗᬮᬶᬄ᭟᭔᭒᭒᭟ᬓ᭄ᬭᬡᬳᬶᬤᬲᬂᬧᬡ᭄ᬥᬶᬢᬮᬶᬦ᭄ᬢᬂᬬᬢ᭄ᬦ᭞ᬳᬶᬓᬰᬦ᭄ᬢᭀᬱᬦ᭄ᬧᬶᬦ᭄ᬭᬶᬄ᭞ᬫᬗ᭄ᬕᬾᬦ᭄ᬓᬲᬸᬕ᭄ᬬᬦ᭄᭞ᬫᬓᬩ᭄ᬓᭂᬮᬾᬲᬢᬢ᭞ᬢᭀᬤᬶ
Page:Bali-lontar-paparikan-sarasamuscaya-300ppi.pdf/78
Jump to navigation
Jump to search
This page has been proofread.
