Page:Bali-lontar-paparikan-sarasamuscaya-300ppi.pdf/75

From Wikisource
Jump to navigation Jump to search
This page has been proofread.

[᭗᭔ 74B]
᭗᭔
ᬯᬸᬳᬶᬦ᭄᭞ᬳᬶᬧᬸᬗ᭄ᬕᬸᬂᬳᭀᬯᬦᬗ᭄ᬓᬦ᭄‌ᬮᭀᬪᬵ᭞ᬳᬶᬮᭀᬪᬧᬸᬗ᭄ᬕᬸᬂᬫᬦᬤᬶ᭞ᬳᬶᬧᬸᬗ᭄ᬕᬸᬂᬢ᭄ᬯᬄᬫᬗ᭄ᬭᬡᬬᬂ᭞ᬲᬗ᭄ᬲᬭᬳᬕᬸᬂᬓᬢᬫ᭄ᬧᬶ᭟᭔᭘᭖᭟ᬓ᭄ᬭᬡᬳ᭄ᬤᬳᬫ᭄ᬧᬄᬧᬸᬗ᭄ᬕᬸᬂ᭞ᬢᬢᬲᬂᬤᭀᬱᬦᬾᬚᬦᬶ᭞ᬓᬯᬗᬸᬦ᭄ᬩᬳᬦ᭄ᬳᬶᬮᭀ
ᬪᬵ᭞ᬫᬶᬯᬄᬲᬂᬳᬚ᭄ᬜᬦᬧ᭄ᬮᬶᬄ᭞ᬩᬸᬤ᭄ᬥᬶᬳᬗ᭄ᬓᬭᬫᬓ᭄ᬭᬡ᭞ᬢ᭄ᬯᬭᬗᬤᬾᬦ᭄ᬳᬯᬓ᭄ᬧ᭄ᬮᬶᬄ᭟᭔᭘᭗᭟ᬜᬾᬦᬸᬫᬶᬢᬶᬲ᭄ᬫᬳᬶᬢᬸᬫ᭄ᬩᬸᬄ᭞ᬓ᭄ᬭᬡᬦᭂᬫᬸᬩᬸᬓᬚᬦᬶ᭞ᬳᭂᬦ᭄ᬢᭀᬢ᭄ᬯᬭᬚ᭄ᬯᬓᬢᬯᬂ᭞ᬧᬕᭂᬄᬧᬕᬯᬾᬦᬾᬗᬹᬦᬶ᭞ᬫ
ᬜᬾᬮ᭄ᬲᭂᬮᬂᬧᬸᬭᬓᬺᬢ᭄ᬢ᭞ᬲᬓᬶᬂᬧᬸᬗ᭄ᬕᬸᬂᬭᬯᬸᬄᬲᬫᬶ᭟᭔᭘᭘᭟ᬭᬃᬬ᭄ᬬᬦᬂᬳᬸᬤᬶᬳᬶᬧᬸᬗ᭄ᬕᬸᬂ᭞ᬳ᭄ᬤᬧᬶᬲᬦ᭄ᬫᬗᬃᬤ᭄ᬥᬶᬦᬶᬦ᭄᭞ᬳᬯᬓ᭄ᬮᬘᬸᬃᬧᬢᬶᬍᬲᬂ᭞ᬧᬕᬯᬾᬦᬾᬮᬶᬬᬸᬧ᭄ᬮᬶᬄ᭞ᬳ᭄ᬤᬗᬤᬾᬦ᭄‌ᬢ᭄ᬯᬭᬤᭀᬱ᭞ᬓ᭄ᬭᬡᬦᬥᬓ᭄ᬦᬥ
ᬓ᭄ᬢᬫ᭄ᬧᬶ᭟᭔᭘᭙᭟ᬳᭂᬦ᭄ᬢᭀᬢᭀᬯᬄᬳᬶᬲᭀᬮᬄᬧᬸᬗ᭄ᬕᬸᬂ᭞ᬜᬦ᭄ᬤᬂᬚᬦᬶᬧᬸᬕᬯᬾᬦᬶᬦ᭄᭞ᬳᬶᬧ᭄ᬭᬚ᭄ᬜᬦ᭄ᬳᬗ᭄ᬕᭀᬦ᭄ᬲᬥᬦ᭞ᬢᬸᬢᬸᬢ᭄ᬧᬢᬸᬢ᭄ᬧ᭄ᬭᬚ᭄ᬜᬦ᭄‌ᬚᬢᬶ᭞ᬉᬢ᭄ᬢᬫᬢᬦ᭄ᬧᬢᬦ᭄ᬤᬶᬗᬦ᭄᭞ᬧ᭄ᬭᬚ᭄ᬜᬦ᭄ᬭᬶᬂᬢᬢ᭄ᬯᬦᬾᬍᬯᬶᬄ
[᭗᭕ 75A]
᭟᭔᭙᭐᭟ᬲᬂᬧᬵᬡ᭄ᬥᬶᬢᬧ᭄ᬭᬚ᭄ᬜᬦ᭄ᬧᬸᬢᬸᬲ᭄᭞ᬲᬶᬤ᭄ᬥᬗᭂᬦ᭄ᬢᬲ᭄‌ᬚᬦ᭄ᬫᬲᬫᬶ᭞ᬓᬤᬶᬳᬦ᭄ᬤᬾᬳᬶᬩᬦ᭄ᬤᬾᬕ᭞ᬲᬶᬤ᭄ᬥᬫᬗ᭄ᬮᬶᬦ᭄ᬢᬂᬧᬲᬶᬄ᭞ᬫᬰ᭄ᬭᬡᬩᬦ᭄ᬧ᭄ᬭᬳᬸᬓᬧᬮ᭄᭞ᬓᬯᬗᬸᬦ᭄ᬩᬦ᭄ᬧ᭄ᬭᬚ᭄ᬜᬦ᭄‌ᬚᬢᬶ᭟᭔᭙᭑᭟ᬬᬦᬶᬂᬗᬩᬲᭀᬮᬄ
ᬧᬸᬗ᭄ᬕᬸᬂ᭞ᬢᬦ᭄ᬫᬫ᭄ᬓᭂᬮᬂᬧ᭄ᬭᬚ᭄ᬜᬦ᭄‌ᬚᬢᬶ᭞ᬢᭀᬓᬾᬦ᭄ᬓᬾᬦᬵᬂᬧᬘᬂᬮᬶᬯᬢ᭄᭞ᬫᬮᬬᬃᬲᬚ᭄ᬭᭀᬦᬶᬂᬧᬲᬶᬄ᭞ᬧᬲᬶᬄᬥᬍᬫ᭄‌ᬢᬸᬭᬶᬂᬮᬶᬗ᭄ᬕᬄ᭞ᬧᬲᬶᬄᬥᬍᬫ᭄‌ᬲᬶᬦᬄᬓᬍᬩᬸᬭᬶᬂᬧᬲᬶᬄ᭟᭔᭙᭒᭟ᬲᬓ᭄ᬱᬢ᭄ᬳᬸᬮᬶᬢ᭄ᬮᬸᬬᬸ᭞
ᬮᬸᬯᬲ᭄ᬜᬦᬾᬧᬤᬤᬶᬳᬶᬦ᭄᭞ᬲᬶᬦᬄᬧᬘᬂᬫᬗ᭄ᬕᬶᬄᬪᬵᬬ᭞ᬳᬶᬧᬸᬗ᭄ᬕᬸᬂᬓᬾᬢᭀᬳᬸᬧᬫᬶ᭞ᬲᬗ᭄ᬲᬭᬳᬕᬸᬂᬢᬶᬦᬫ᭞ᬳᬲᬶᬂᬮᬸᬯᬲ᭄ᬲᭂᬗ᭄ᬓᬧᬗ᭄ᬕᬶᬄ᭟᭔᭙᭓᭟ᬫᬮᬶᬄᬲᬢ᭄ᬯᬬᬂᬳᬶᬧᬸᬗ᭄ᬕᬸᬂ᭞ᬲᬶᬦᬄᬫᬫᬗ᭄ᬕᬶᬄᬧ᭄ᬭᬶᬬᬢᬶᬦ᭄᭞ᬤᬾ
ᬦᬶᬂᬳᬾᬮᬶᬓᬾᬩ᭄ᬓᭂᬮᬂ᭞ᬲᬶᬦᬄᬳᬾᬮᬶᬓᬾᬓᬧᬗ᭄ᬕᬶᬄ᭞ᬬᬦ᭄ᬲᬸᬩᬩ᭄ᬮᬲ᭄ᬭᬶᬂᬲᭀᬫᬄ᭞ᬯᬶᬭᬾᬄᬳᬶᬧᬸᬗ᭄ᬕᬸᬂᬦᬲᬭᬶᬦ᭄᭟᭔᭙᭔᭟ᬮ᭄ᬬᬸᬓᬳᬸᬘᬧ᭄ᬤᬶᬢᬸᬢᬸᬃ᭞ᬧᬡ᭄ᬤᬾᬳ᭄ᬫᬵᬲ᭄‌ᬬᬦ᭄ᬳᬸᬧᬫᬶ᭞ᬬᬦ᭄ᬫᬜᭂᬧᬸᬄᬲᬓᬶᬂᬳᬫ᭄ᬧᬄ᭞ᬗᭂᬓᭀᬄ