[᭗᭒ 72B]
᭗᭒
ᬳᭂᬦ᭄ᬢᭀᬓ᭄ᬭᬡᬳᬶᬲᬭᬶᬭ᭞ᬭᬶᬯ᭄ᬓᬲ᭄ᬧᬘᬂᬫᬫᬹᬓ᭄ᬢᬶ᭞ᬰᬭᬶᬭᬢᬮᬶᬦ᭄ᬲᬭᬗ᭄ᬲᬭ᭞ᬳᬲᬶᬂᬲᬸᬓᬵᬥᬸᬄᬓᬢᬫ᭄ᬧᬶ᭟᭔᭖᭙᭟ᬳᬓᬾᬄᬢᭀᬳᬶᬚᬦ᭄ᬫᬢᬸᬫ᭄ᬩᬸᬄ᭞ᬓᬢᬶᬢᬄᬩᬳᬦ᭄ᬲᬵᬃᬯ᭄ᬯᬲᬓᬶᬢ᭄᭞ᬲᬗ᭄ᬲᬭᬳᬕᬸᬂᬓᬢᬫᬵ᭞
ᬳ᭄ᬤᬳᬫ᭄ᬧᬄᬩᬓᬚᬦᬶ᭞ᬋᬕᭂᬧᬂᬳᬶᬫᭀᬓ᭄ᬱᬫᬃᬕ᭄ᬕᬵ᭞ᬯᬶᬭᬾᬄᬳᭂᬦ᭄ᬢᭀᬲᬸᬓᬚᬵᬢᬶ᭟᭔᭗᭙᭐᭟ᬤ᭄ᬯᬳᬶᬫᬢ᭄ᬕ᭄ᬕᬧᬶᬢᬸᬳᬸ᭞ᬳᬤᬧᬶᬢᬺᬬᬡᬍᬯᬶᬄ᭞ᬩ᭄ᬯᬶᬦ᭄ᬳᬤᬤᬾᬯᬬᬡᬵ᭞ᬲᬂᬕ᭄ᬭᬳᬲ᭄ᬢᬵᬗᬫᬃᬕ᭄ᬕᬶᬦᬶᬦ᭄᭞ᬭᬶᬧᬶᬢ᭄ᬭᬬᬡᬳᬶ
ᬦᬸᬘᬧ᭄᭞ᬯᬶᬭᬾᬄᬧᬜ᭄ᬘᬬᬚ᭄ᬜᬵᬗᬯᬶᬢ᭄᭟᭔᭗᭑᭟ᬤᬾᬯᬬᬜᬦᬾᬓᬚᬸᬚᬸᬃ᭞ᬭᬶᬂᬲᬂᬦᬶᬲ᭄ᬢᬺᬱ᭄ᬡᬫᬓᬤᬶ᭞ᬭᬾᬄᬢᬢᬲ᭄ᬭᬶᬂᬧᬭᬶᬕ᭄ᬭᬳ᭞ᬫᬢᬶᬢᬶᬲ᭄ᬢᭀᬯᬄᬳᬩ᭄ᬲᬶᬓ᭄᭞ᬓ᭄ᬭᬡᬫᬗ᭄ᬕᬶᬄᬤᬾᬯᬬᬦᬵ᭞ᬓᬢᬸᬳᬸᬢ᭄ᬤᬶᬫᬃᬕ᭄ᬕᬶᬍ
ᬯᬶᬄ᭟ᬬᬦ᭄ᬧᬶᬢ᭄ᬭᬬᬦᬵᬓᬢᬸᬳᬸᬢ᭄᭞ᬫᬜᬮᬦᬂᬢᬧᬗᬹᬦᬶ᭞ᬓᬧᬦᬶᬂᬬᬵᬫᬦᬶᬬᬵᬫ᭞ᬲᬶᬱ᭄ᬝᬘᬭᬩ᭄ᬭᬢᬍᬯᬶᬄ᭞ᬳᭂᬦ᭄ᬢᭀᬓ᭄ᬭᬡᬫᬗ᭄ᬕᬶᬄᬲ᭄ᬯᬃᬕ᭄ᬕ᭞ᬦᬵᬗ᭄ᬳᬶᬂᬫᬦᬸᬫᬶᬢᬶᬲ᭄ᬩᬸᬯᬶᬦ᭄᭟᭔᭗᭒᭟ᬬᬦ᭄ᬓᬫᭀᬓ᭄ᬱᬦᬾ
[᭗᭓ 73A]
ᬭᬸᬭᬸᬄ᭞ᬢ᭄ᬯᬭᬩ᭄ᬯᬶᬦ᭄ᬫᬦᬸᬫᬶᬢᬶᬲ᭄᭞ᬢᬦ᭄ᬓᬢᬢᬫᬦ᭄ᬓᬸᬓᬤᬸᬄᬓ᭞ᬢᬦ᭄ᬓ᭄ᬦᬭᬶᬂᬢᬸᬳᬧᬢᬶ᭞ᬓᭀᬢᬵᬧᬫ᭄ᬭᬶᬳᬾᬲᬂᬧ᭄ᬭᬚ᭄ᬜᬵᬦ᭄᭞ᬦᬵᬗᬶᬂᬲᭂᬗ᭄ᬓᬲᬂᬫᬫᬗ᭄ᬕᬶᬄ᭞ᬓᬾᬦᬾᬤᬸᬄᬓᬶᬢᬦᬾᬓᭂᬧᬸᬓ᭄᭞ᬬᬦ᭄ᬢᬶᬩᬤᬶᬲ᭄ᬯᬃᬕ᭄ᬕᬕᬸᬫᬶ᭞ᬬᬦᬶᬂ
ᬲᬸᬩᬓᬦ᭄ᬢᬶᬢ᭄ᬮᬄ᭞ᬨᬮᬓᬃᬫ᭄ᬫᬦᬾᬓᬩᬹᬓ᭄ᬢᬶ᭞ᬤᬶᬢᬸᬤᬶᬲ᭄ᬯᬃᬕ᭄ᬕᬩᬸᬯᬡᬵ᭞ᬲᬶᬦᬄᬫᬦᬸᬫᬶᬢᬶᬲ᭄ᬩᬸᬯᬶᬦ᭄᭟᭔᭗᭓᭟ᬳᬸᬧᬫᬶᬳᬶᬲ᭄ᬓᬃᬳᬮᬸᬫ᭄᭞ᬲᬶᬦᬄᬳᬢᬲ᭄ᬳᬸᬮᬸᬂᬲᬫᬶ᭞ᬫᬗ᭄ᬮᬯᬸᬢ᭄ᬓᬲᬸᬭᬮᭀᬓ᭞ᬤᬶᬢᬸᬲ᭄ᬩᭂᬢᬾᬦᬾᬓᬧ
ᬗ᭄ᬕᬶᬄ᭞ᬫᬗ᭄ᬭᬭᬶᬲ᭄ᬓᬩ᭄ᬭᬳ᭄ᬫᬵᬮᭀᬓ᭞ᬢᬍᬃᬤᬸᬄᬓᬶᬢᬦᬾᬢᬫ᭄ᬧᬶ᭟᭔᭘᭔᭟ᬓᬫᬥ᭄ᬬᬧᬤᬢᬸᬫᬸᬭᬸᬦ᭄᭞ᬤᬸᬄᬓᬶᬬᬳᬕᬸᬂᬓᬓᬫ᭄ᬧᬶ᭞ᬫᬗ᭄ᬕᬯᬾᬦᬶᬦ᭄ᬚᭂᬚᭂᬄᬫᬦᬄ᭞ᬫᬸᬲᬸᬄᬢᬦ᭄ᬓ᭄ᬦᬾᬯᬶᬮᬗᬶᬦ᭄᭞ᬲᬦ᭄ᬢᬸᬫ᭄ᬩᬸᬄᬤ
ᬤᬶᬫᬦᬸᬱ᭞ᬧᬶᬓ᭄ᬯᬶᬓᬳᬸᬘᬧ᭄ᬩᭂᬘᬶᬓ᭄᭟᭔᭗᭕᭟ᬤᬶᬲ᭄ᬯᬃᬕ᭄ᬕᬮᭀᬓᬓᬢᭂᬧᬸᬓ᭄᭞ᬤᬸᬄᬓᬶᬢᬧᬘᬂᬦᬸᬫᬶᬢᬶᬲ᭄᭞ᬬᬦᬶᬂᬤᬶᬓᬯᬳᬾᬓᭀᬘᬧ᭄᭞ᬢᬦ᭄ᬜᬦ᭄ᬤᬂᬳᬸᬘᬧᬂᬩᬸᬯᬶᬦ᭄᭞ᬤᬸᬄᬓᬶᬢᬦᬾᬲᬦᬾᬲᬫ᭞ᬧᬶᬥᭂ
Page:Bali-lontar-paparikan-sarasamuscaya-300ppi.pdf/73
Jump to navigation
Jump to search
This page has been proofread.
