[᭗᭐ 70B]
᭗᭐
ᬢ᭄ᬯᬄᬓᬳᬶᬦ᭄ᬢᬶᬧ᭄᭞ᬧᬶᬢ᭄ᬯᬭᬶᬂᬢᬸᬭᭀᬦᬦ᭄᭞ᬬᬤᬶᬦ᭄ᬦ᭄ᬕᬓ᭄ᬫᬲᬶᬄᬓᬶᬦ᭄ᬢᬶᬧ᭄᭞ᬗᬶᬦᬹᬫ᭄ᬢ᭄ᬓᬦᬶᬂᬫᬤᬳᬃ᭞ᬳᬶᬤᬦᬸᬢᬸᬕ᭄ᬓ᭄ᬫᬫᬳᬶ᭟᭔᭔᭙᭟ᬳᬧᬓ᭄ᬭᬡᬳᬾᬦᬓ᭄ᬢᬸᬭᬸ᭞ᬗᬸᬮᬄᬍᬕᬩᬸᬓᬚᬦᬶ᭞ᬓ᭄ᬫᬭᬢᬳᬸᬢ᭄ᬓᬾᬦ᭄ᬳᬯᬓ᭄᭞ᬲ
ᬓ᭄ᬱᬢ᭄ᬳ᭄ᬩᬾᬘ᭄ᬦᬶᬓ᭄ᬘ᭄ᬦᬶᬓ᭄᭞ᬤᬶᬘᭀᬩᬾᬓ᭄ᬱᬸᬩᬫᬕ᭄ᬦᬄ᭞ᬢ᭄ᬯᬭᬩᬸᬳᬸᬂᬧᬘᬂᬫᬢᬶ᭟᭔᭕᭐᭟ᬲᬼᬕᬂᬚᬮᬦᬶᬦ᭄ᬭᬸᬭᬸᬄ᭞ᬦᬾᬦᬾᬭᬸᬭᬸᬄᬮᬶᬯᬢ᭄᭞ᬢᬸᬲᬶᬂᬤᬤᬶᬩ᭄ᬯᬶᬦ᭄ᬭᬾᬭᬾᬦᬦ᭄᭞ᬢᬦ᭄ᬧᬓᬗᬦ᭄ᬢᬦ᭄ᬧᬩᬢᬶᬲ᭄᭞ᬢᬦ᭄
ᬧᬢᬸᬗ᭄ᬓᭂᬤ᭄ᬢᬦ᭄ᬧᬕᬶᬲ᭄ᬬᬦ᭄᭞ᬢ᭄ᬯᬭᬳᬤᬦᬾᬢᬓᭀᬦᬶᬦ᭄᭟᭔᭕᭑᭟ᬧ᭄ᬢᭂᬂᬥᭂᬥᭂᬢ᭄ᬢᬦ᭄ᬧᬢᬗ᭄ᬕᬸ᭞ᬢ᭄ᬯᬭᬳᬤᬗᭂᬦᬄᬕᬸᬫᬶ᭞ᬓ᭄ᬫᬤᬾᬯᬮᬓᬃᬮᬸᬯᬲ᭄᭞ᬢ᭄ᬯᬭᬳᬤᬫᬦᬶᬫ᭄ᬧᬮᬶᬦ᭄᭞ᬦᬄᬓᬾᬦ᭄ᬓᬾᬦ᭄ᬩᬦ᭄ᬫᬤᬬ᭞ᬳᬧᬂᬲᬶᬤᬫᬫᬭᬦᬶ
ᬦ᭄᭟᭔᭕᭒᭟ᬳᬧᬧᬧᬶᬦᬳᬾᬤᬶᬢᬸ᭞ᬫᬚᬮᬦ᭄ᬓ᭄ᬫᬧᬤᬷᬤᬷ᭞ᬓ᭄ᬭᬡᬚᬦᬶᬱᬶᬲ᭄ᬓᭂᬦᬂ᭞ᬧᬹᬡ᭄ᬬᬓᬃᬫ᭄ᬫᬦᬾᬚᬮᬦᬶᬦ᭄᭞ᬢ᭄ᬯᬭᬮᬾᬦ᭄ᬢ᭄ᬯᬄᬳᬶᬧ᭄ᬭᬚ᭄ᬜᬦ᭄ᬦ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬓᬦ᭄ᬢᬶᬰᬓ᭄ᬢᬶ᭟᭔᭕᭒᭟ᬢᬜ᭄ᬘᬭᬶᬢᬢ᭄ᬓᭂᬤᬶᬢᬸ᭞
[᭗᭑ 71A]
ᬯ᭄ᬢᬸᬳᭂᬗ᭄ᬲᬧ᭄ᬤᬤᬶᬧᬮᬶᬂ᭞ᬫᬢᬗᬤᭂᬕ᭄ᬦ᭄ᬮᬾᬨᭂᬗ᭄ᬲᬧ᭄᭞ᬘ᭄ᬓᬸᬢᬦ᭄ᬳᬗ᭄ᬓᬶᬳᬦᬾᬧᬮᬶᬂ᭞ᬫᬗ᭄ᬭᬜ᭄ᬚᬶᬂᬤᬶᬧ᭄ᬢᭂᬂᬧᭂᬲᬦ᭄᭞ᬤᬶᬚᬲᭀᬫᬄᬧᬦᬓ᭄ᬫᬃᬕ᭄ᬕᬶ᭟᭔᭕᭓᭟ᬧᬤᬶᬤᬶᬮ᭄ᬯᬲ᭄ᬗ᭄ᬮᬸᬮᬸ᭞ᬢᬦ᭄ᬧᬓᬤᬂᬓᬦ᭄ᬧᬓᬦ᭄ᬢᬶ᭞ᬦᬫᬦ᭄ᬥᬸᬄᬓᬧ
ᬤᬶᬤᬶᬳᬦ᭄᭞ᬳ᭄ᬜᬾᬦ᭄ᬳᬦᬓᬾᬓᬯᬸᬓᬶᬦ᭄᭞ᬳᬚᬓ᭄ᬤᬶᬢᬸᬫᬧᭂᬦᭂᬫᬦ᭄᭞ᬤᬾᬦᬶᬂᬢᭀᬗᭀᬲ᭄ᬲᬸᬳᬸᬂᬚᬫ᭄ᬧᬶ᭟᭔᭕᭔᭟ᬢᬸᬯᬸᬄᬢᬸᬳᬦᬾᬫᬦᬸᬢᬸᬕ᭄᭞ᬢᬸᬯᬸᬄᬩᬚᬂᬳᬶᬮᬂᬤᬤᬶ᭞ᬢᬸᬳᬦᬾᬗᬶᬮᬗᬂᬩᬚᬂ᭞ᬓ᭄ᬭᬡᬭᬕᬭᬸᬱᬓ᭄ᬤᬤᬶ᭟
ᬳᬾᬯᭂᬲᬭᬦ᭄ᬥᬸᬦᬶᬂᬳᬯᬓ᭄᭞ᬕᬸᬬᬸᬮ᭄ᬗ᭄ᬢᭀᬃᬢᬸᬦᬰᬓ᭄ᬢᬶ᭟᭔᭕᭖᭟ᬰᬓ᭄ᬢᬶᬭᬹᬧᬳᬶᬮᬂᬳᬜᬸᬤ᭄᭞ᬳᬜᬸᬤ᭄ᬭᬸᬱᬓ᭄ᬧᬤᬮᬶᬮᬶᬄ᭞ᬳᬶᬤᬤᬦᬾᬲᬸᬩᬦᬯᬂ᭞ᬢᬸᬯᬩᬚᬂᬦᬫ᭄ᬧᬶᬫᬢᬶ᭞ᬓ᭄ᬭᬡᬚᬦᬶᬳᬧᬂᬢᬗᬃ᭞ᬫᬗ᭄ᬭᬓ᭄ᬱᬳᬶ
ᬩᬸᬤᬶᬧᬮᬶᬂ᭟᭔᭕᭗᭟ᬳᬶᬫᬲ᭄ᬫᬡᬶᬓ᭄ᬢᬮᬶᬓᬸᬓᬸᬄ᭞ᬩ᭄ᬭᬡᬫᬵᬲ᭄ᬫᬡᬶᬓ᭄ᬓᬓᬮᬶᬄ᭞ᬲᭂᬓᬮᬵᬮᬯᬦ᭄ᬦᬶᬲ᭄ᬓᬮ᭞ᬩ᭄ᬭᬡ᭄ᬦᬵᬳᭂᬗ᭄ᬓᬾᬦ᭄ᬲᭂᬧ᭄ᬮᬂᬚᬦᬶ᭞ᬫᬶᬯᬄᬳᭂᬗ᭄ᬓᬾᬦ᭄ᬧᬥᬦᬬᬂ᭞ᬳᬗ᭄ᬕᭀᬦ᭄ᬩᭂᬓᭂᬮ᭄ᬓᭂᬫᭂᬫᬳᬶ᭟᭔᭕᭘᭟ᬬᬤᬶᬦ᭄ᬗ᭄ᬮᬄᬩ᭄ᬭ
Page:Bali-lontar-paparikan-sarasamuscaya-300ppi.pdf/71
This page has been proofread.
