[᭖᭘ 68B]
᭖᭘
ᬮᬓ᭄ᬱᬡ᭞ᬲᬶᬦᬄᬓᬓᬶᬭᬗᬦ᭄ᬳᬸᬭᬶᬧ᭄᭞ᬕᬯᬾᬳ᭄ᬦᬸᬉᬭᬶᬧᬾᬳᬾᬗ᭄ᬕᬮᬦ᭄ᬢᬶᬗ᭄ᬕᬮ᭄᭟᭔᭒᭕᭟ᬫᬸᬂᬧᬸᬂᬳᬶᬥᬸᬧ᭄᭞ᬳᬾᬗ᭄ᬕᬮᬂᬚᬦᬶᬫᬗᭂᬧᬸᬂ᭞ᬉᬭᬶᬧ᭄ᬳᬗ᭄ᬕᬾᬰ᭄ᬭᬡ᭞ᬳ᭄ᬤᬧᬸᬍᬲ᭄ᬦᭀᬗᭀᬲ᭄ᬲᬳᬶ᭞ᬳ᭄ᬤᬵᬓᬶᬫᬸᬤ᭄᭞ᬳ᭄ᬤᬗᬸ
ᬘᬧ᭄ᬫᬦᬶᬧᬸᬯᬦ᭄᭟᭔᭒᭖᭟ᬉᬭᬶᬧ᭄ᬮᬘᬸᬃ᭞ᬮᬶᬬᬸᬋᬋᬤ᭄ᬢᬸᬦᬭᬯᬸᬄ᭞ᬧᬸᬍᬲ᭄ᬯ᭄ᬗᬶᬜᬸᬯᬂ᭞ᬲᬸᬩᬳᬢ᭄ᬗᬄᬫᬕ᭄ᬥᬶ᭞ᬲᬓᬶᬢ᭄ᬳᬶᬗᬸᬄ᭞ᬳᭂᬦ᭄ᬢᭀᬩ᭄ᬯᬶᬦ᭄ᬜᬸᬯᬂᬚᬶᬯ᭟᭔᭒᭗᭟ᬳᬤᬸᬄᬮᬘᬸᬃ᭞ᬉᬭᬶᬧ᭄ᬢ᭄ᬯᬄᬳᬩ᭄ᬥᬶᬓ᭄ᬳ᭄ᬦᬸ᭞ᬳᭂᬦ᭄ᬢᭀᬬ
ᬦ᭄ᬢᭀᬗᭀᬲᬂ᭞ᬫᬶᬯᬄᬳᬶᬦ᭄ᬤ᭄ᬭᬶᬬᬫᬮᬮᬶ᭞ᬢᬦ᭄ᬧᬢᬸᬯᬸᬄ᭞ᬲᬓ᭄ᬱᬢ᭄ᬫᬢᬶᬫᬭᬍᬓᬤ᭄᭟᭔᭒᭘᭟ᬚᬦᬶᬳᬶᬥᬸᬧ᭄᭞ᬤᬶᬧᬲᬶᬄᬲᬓ᭄ᬱᬢ᭄ᬓᬍᬩᬸ᭞ᬢᬸᬃᬫᬩ᭄ᬯᬬᬕᬮᬓ᭄᭞ᬲᬓᬶᬢ᭄ᬢᬸᬳᬓᬧ᭄ᬭᬶᬬᬢᬶᬦ᭄᭞ᬩ᭄ᬯᬬᬦᬶᬧᬸᬦ᭄᭞ᬳᭂᬦ᭄ᬢᭀᬗ
ᬯᬾᬉᬭᬶᬧ᭄ᬳᬶᬮᬂ᭟᭔᭓᭙᭟ᬢᬫ᭄ᬩᬧᬸᬦ᭄ᬢᬸᬮ᭄᭞ᬚᬧᬫᬦ᭄ᬢ᭄ᬭᬦᬾᬗᬍᬧᬸ᭞ᬳᭀᬫᬢᬦ᭄ᬧᬕᬸᬡ᭞ᬢ᭄ᬯᬭᬲᬶᬤ᭄ᬥᬦᬸᬮᬸᬂᬧᬢᬶ᭞ᬫᬢᬶᬧᬬᬸ᭞ᬚᬧᬫᬦ᭄ᬢ᭄ᬭᬢᬸᬮᬓ᭄ᬧᬸᬦᬄ᭟᭔᭓᭐᭟ᬧᬮᬶᬂᬲᬶᬕᬸᬕ᭄᭞ᬓᬫᬦᬸᬱᬦ᭄ᬫᬳᬶᬢᬸᬫ᭄ᬩᬸᬄ᭞
[᭖᭙ 69A]
ᬫᬗᬸᬘᬧ᭄ᬫᬗᬯᬕ᭄᭞ᬢ᭄ᬯᬭᬗᬤᬾᬦ᭄ᬳᬯᬓ᭄ᬫᬢᬶ᭞ᬮᬢᬂᬢᬸᬯᬸᬄ᭞ᬲᬸᬕᬶᬄᬢ᭄ᬯᬭᬩᬶᬱᬢᬶᬯᬲ᭄᭟᭔᭓᭑᭟ᬮᬫᬸᬦ᭄ᬳᭂᬦᬸ᭞ᬓᬢᬸᬗ᭄ᬕᬸᬦ᭄ᬳᬯᬓᬾᬳᬶᬥᬸᬧ᭄᭞ᬢᬸᬭᬶᬂᬲᬸᬕᬶᬄᬩ᭄ᬭᬡ᭞ᬫᬫᬸᬜᬶᬲᬓ᭄ᬱᬢ᭄ᬫᬜᬗ᭄ᬓᬶᬢ᭄᭞ᬤᬶᬚᬵᬳᬸᬦ᭄ᬤᬸᬓ᭄᭞ᬳᬶᬥᬸ
ᬧ᭄ᬫᬢᬶᬲᬸᬕᬶᬄᬢᬶᬯᬲ᭄᭟᭔᭓᭒᭟ᬚᬦ᭄ᬫᬲᬶᬕᬸᬕ᭄᭞ᬬᬦ᭄ᬓᬾᬢᭀᬗ᭄ᬮᬄᬧᬳᬸᬢ᭄᭞ᬗᬸᬮᬄᬫᬓ᭄ᬫᬶᬓᬦ᭄᭞ᬢ᭄ᬯᬭᬗᬶᬦ᭄ᬩᬶᬦ᭄ᬫᬦᬶ᭞ᬲᬓ᭄ᬱᬢ᭄ᬩᬢᬸ᭞ᬩᬸᬗ᭄ᬓᬮᬦ᭄ᬫᬳᬶᬫᬜ᭄ᬚᬦ᭄ᬫ᭟᭔᭓᭓᭟ᬬᬤᬶᬦ᭄ᬢᬸᬳᬸ᭞ᬰᬓ᭄ᬢᬶᬫᬗᬮᬳᬂᬭᬢᬸ᭞ᬬᬤᬶᬦ᭄ᬫᬦᬶᬳᬂ
ᬲᬮᬶᬗ᭄ᬕᬄᬕᬸᬫᬶᬲᬫᬶ᭞ᬫᬲᬮᬸᬧᬸᬢ᭄ᬫᬢᬶᬫᬶᬯᬄᬢᬸᬳ᭟᭔᭓᭓᭟ᬲᬂᬳ᭄ᬬᬂᬫᬺᬢ᭄ᬬᬸ᭞ᬗᬫ᭄ᬩᬶᬮ᭄ᬚᬶᬯᬦᬶᬂᬫᬩᬬᬸ᭞ᬢ᭄ᬯᬄᬳᬲᬓ᭄ᬱᬡᬵ᭞ᬢ᭄ᬯᬶᬓ᭄ᬩᭀᬲᬫ᭄ᬧᬶᬓᬫ᭄ᬩᬶᬂ᭞ᬲᬢᭀᬳᬕᬸᬂ᭞ᬲᬳᬶᬲᬶᬦ᭄ᬚᬕᬢ᭄ᬲᭂᬕᬭ᭟᭔᭓᭕᭟ᬫᬸᬂᬧᬸᬂᬳᬶᬤᬸᬧ᭄᭞ᬓ᭄ᬭ
ᬡᬚᬦᬶᬳᬮᬶᬄᬓ᭄ᬧᬸᬂ᭞ᬕᬯᬾᬦᬶᬦ᭄ᬫ᭄ᬮᬳᬂ᭞ᬥᬃᬫ᭄ᬫᬧᬢᬹᬢ᭄ᬫᬓᬦ᭄ᬢᬶ᭞ᬳᬧᬂᬢᭂᬧᬸᬓ᭄᭞ᬧᬢᬹᬢᬾᬤᬤᬶᬫᬦᬸᬱ᭟᭔᭓᭖᭟ᬬᬦᬶᬂᬲᬶᬕᬸᬕ᭄᭞ᬢ᭄ᬯᬭᬗᬯᬾᬦᬶᬦ᭄ᬧᬢᬹᬢ᭄᭞ᬇᬦ᭄ᬤ᭄ᬭᬶᬬᬦᬾᬩᬶᬗᬃ᭞ᬓᬬᬂᬢᬸᬳᬳ᭄ᬦᬸᬧᬮᬶᬂ᭞ᬤ᭄ᬫᭂᬦ᭄
Page:Bali-lontar-paparikan-sarasamuscaya-300ppi.pdf/69
Jump to navigation
Jump to search
This page has been proofread.
