[᭖᭒ 62B]
᭖᭒
ᬤᬳᬢᬼᬢᬸᬄᬓᬳᬸᬘᬧ᭄ᬭᬶᬂᬲᬂᬳ᭄ᬬᬂᬰᬵᬲ᭄ᬢ᭄ᬭ᭟᭓᭗᭖᭟ᬳᬶᬤᬹᬃᬚ᭄ᬚᬦᬵᬬᬦ᭄ᬳᬸᬧᬫ᭞ᬳᬶᬤ᭄ᬯᬶᬲᬃᬯ᭄ᬯᬫᬮᬜᬶᬂ᭞ᬲᬾᬗᭂᬳᬂᬫᬗ᭄ᬕᬯᬾᬤᬵᬬ᭞ᬳᬶᬩᬢᬶᬲ᭄ᬜᬦ᭄ᬤᬂᬤᬸᬧᬓᬶᬦ᭄᭞ᬧᬮᬶᬂᬫ᭄ᬮᬄᬬᬲᬫ᭄ᬧᬶᬗᬶᬦ᭄᭞ᬳᭂᬦ᭄ᬢᭀᬤᬵᬬᬗᬸᬮᬄᬳᬮᬸᬄ᭞ᬓᬾ
ᬢᭀᬳᬸᬩᬤ᭄ᬢ᭄ᬯᬄᬤᬤ᭄ᬯ᭞ᬳᬶᬗᭂᬢᬂᬲᬵᬳᬶᬲᬵᬳᬶᬧᬶᬮᬸᬄ᭞ᬳ᭄ᬤᬩᬶᬗᬹᬂᬗᬋᬧᬶᬦ᭄ᬳᬦᬓ᭄ᬥᬸᬃᬚ᭄ᬚᬦᬵ᭟᭓᭗᭗᭟ᬳ᭄ᬤᬗᬸᬕᬸᬳᬶᬤᬹᬃᬚ᭄ᬚᬦᬵ᭞ᬧᬶᬢᬸᬯᬶᬜᬾᬯᬗᬸᬪᬓ᭄ᬢᬶ᭞ᬦᬸᬗ᭄ᬓᬸᬮ᭄ᬫᬜ᭄ᬭᬳᬂᬳᬯᬓ᭄᭞ᬳᬢᬸᬃᬜᬦᬾᬗᬲᬶᬳᬲᬶᬄ᭞ᬳᭂᬦ᭄ᬢᭀᬜᬦ᭄ᬤᬂᬧᬶ
ᬦᭂᬳᬶᬦ᭄᭞ᬳᬸᬧᬫᬶᬍᬮᬶᬧᬶᬳᬸᬩᬸᬄ᭞ᬲᬸᬩᬳᭂᬩᭀᬄᬫᬳᬸᬭᬓᬂ᭞ᬯᬶᬱ᭄ᬬᬦ᭄ᬜᬦᬾᬢ᭄ᬯᬭᬮᬮᬶ᭞ᬗᬸᬢᬶᬮ᭄ᬜᭂᬕᬸᬢ᭄ᬳᬶᬧᬗᬗᭀᬦ᭄ᬧᬬᬸᬭᬸᬱᬓ᭄᭟᭓᭗᭘᭟ᬲᭀᬮᬄᬳᬶᬦᬶᬱ᭄ᬝᬤᬹᬃᬚ᭄ᬚᬦᬵ᭞ᬓᬵᬮᬓᬘᬸᬦ᭄ᬤᬸᬓ᭄ᬓᬧᬗ᭄ᬕᬶᬄ᭞ᬭᬶᬂᬳᬶᬤᬲᬂ
ᬓᬲᬸᬚ᭄ᬚᬦᬦ᭄᭞ᬫᬮᬶᬬᬢ᭄ᬗᬸᬦ᭄ᬢᬸᬓ᭄ᬚ᭄ᬭᬶᬄ᭞ᬲᬯᬂᬓᬤᬶᬲᬚᬪᬓ᭄ᬢᬶ᭞ᬗᬦ᭄ᬢᭂᬦᬂᬳᬶᬲᭀᬮᬄᬳᬬᬸ᭞ᬓᬤᬶᬕᬚᬄᬳᬾᬫᬕᬳᬂ᭞ᬫᬮᬶᬬᬢ᭄ᬗᬸᬦ᭄ᬢᬸᬓ᭄ᬭᬶᬂᬫᬃᬕ᭄ᬕᬶ᭞ᬢ᭄ᬯᬭᬩᬸᬳᬸᬂᬢᬸᬫ᭄ᬮᬾᬮᬾᬩᬢᬶᬲ᭄ᬫᬚᬮᬦ᭄᭟᭓᭗᭙᭟ᬓ᭄ᬭᬡᬵᬲᬂᬲ
[᭖᭓ 63A]
ᬥᬸᬲᬚ᭄ᬚᬦᬵ᭞ᬳᬶᬤᬢ᭄ᬯᬭᬗᬸᬕᬸᬚᬵᬢᬶᬭᬶᬂᬲᬂᬫᬵᬳᬫ᭄ᬩᭂᬓ᭄ᬤᬹᬃᬚ᭄ᬚᬦ᭞ᬧᬶᬢ᭄ᬯᬶᬜᬸᬫ᭄ᬩᬄᬗᬸᬪᬓ᭄ᬢᬶ᭞ᬤᬾᬦᬶᬂᬳᬤᬩ᭄ᬯᬢ᭄ᬳᬮᬶᬄ᭞ᬓᬤᬯ᭄ᬕᬂᬧᬘᬂᬮᬸᬗ᭄ᬲᬸᬃ᭞ᬳᬸᬧᬫᬶᬓᬤᬶᬳᬶᬲᬶᬗ᭄ᬳᬵ᭞ᬳ᭄ᬜᬾᬦ᭄ᬫᬦᭂᬧᬸᬓᬶᬦ᭄᭞ᬲᬶᬗ᭄ᬳᬵᬗᬸᬦ᭄ᬢᬸᬓ᭄ᬗᬶᬦᬹᬫ᭄ᬓᬓᬬᭂ
ᬳᬦ᭄᭟᭓᭘᭐᭟ᬳᬶᬤᬤᬦᬾᬳ᭄ᬤᬍᬕ᭞ᬫᬭᬢ᭄ᬯᬭᬓᬤ᭄ᬕᬕᬶᬦ᭄᭞ᬭᬱᬳᬯᬓ᭄ᬓᬲᬬᬗᬂ᭞ᬩᬳᬦ᭄ᬳᬶᬤᬹᬃᬚ᭄ᬚᬦᬩᬸᬤ᭄ᬥᬶ᭞ᬳᬸᬧᬫᬶᬓᬤᬶᬍᬮᬶᬧᬶ᭞ᬍᬲᭂᬃᬫᬚᬮᬦ᭄ᬦᬮᬸᬚᬸ᭞ᬓᭀᬦ᭄ᬤᬾᬦ᭄ᬢᬳᬤᬗᭂᬲ᭄ᬬᬩᬂ᭞ᬬᬦ᭄ᬲᬸᬩᬓᭂᬲ᭄ᬬᬩᬂᬧᬮᬶᬂ᭞ᬮᬶᬓ
ᬓ᭄ᬮᬶᬓᬸᬓ᭄᭞ᬧᬚᬮᬦᬾᬫᬳᬶᬍᬳᬦ᭄᭟᭓᭘᭑᭟ᬯ᭄ᬘᬦᬦ᭄ᬲᬂᬓᬧᬡ᭄ᬥᬶᬢᬦ᭄᭞ᬬᬦᬶᬂᬳᬶᬤᬸᬃᬚ᭄ᬚᬦᬩᬸᬤ᭄ᬥᬶ᭞ᬫᬗᬸᬘᬧ᭄ᬫᬦᬶᬲ᭄ᬢᬸᬃᬳᬮᭀᬦ᭄᭞ᬧᬗ᭄ᬭᬸᬫ᭄ᬭᬸᬫᬾᬲᬃᬯ᭄ᬯᬩ᭄ᬘᬶᬓ᭄᭞ᬋᬫ᭄ᬧᬸᬄᬢᬦ᭄ᬲᬄᬗᬲᬶᬳᬲᬶᬄ᭞ᬗᬲᭀᬭᬂᬳᬶᬕᬸᬮᬚᬸᬭᬸᬄ᭞ᬤᬶ
ᬢᬸᬩᬧᬓᬾᬯᭂᬄᬧᬶᬲᬦ᭄᭞ᬫᬶᬦᬗᭂᬄᬫᬸᬜᬶᬦᬾᬫᬦᬶᬲ᭄᭞ᬗᬸᬗᬧᭂᬲᬸᬓᭂᬫ᭄ᬩᬂᬬᬶᬓ᭄ᬢ᭄ᬯᬭᬫᬲ᭟᭓᭘᭒᭟ᬬᬦᬶᬂᬗᬮᬶᬄᬓᬚᬢᬶᬬᬦ᭄᭞ᬭᬶᬂᬲᬂᬫᬫ᭄ᬯᬢᬂᬫᬫᭂᬭᬶᬄ᭞ᬲᬶᬦᬄᬫᬜᬮᬦᬂᬘᭂᬭᭀᬮ᭄᭞ᬤᬶᬳᬋᬧ᭄ᬫᬗᬸᬘᬧ᭄ᬫᬦᬶ
Page:Bali-lontar-paparikan-sarasamuscaya-300ppi.pdf/63
Jump to navigation
Jump to search
This page has been proofread.
