Page:Bali-lontar-paparikan-sarasamuscaya-300ppi.pdf/62

From Wikisource
Jump to navigation Jump to search
This page has been proofread.

[᭖᭑ 61]
᭖᭑
ᬢᬶᬗ᭄ᬓᬳᬾᬫᬗᬶᬭᬶᬂ᭞ᬮᬶᬗ᭄ᬕᬶᬄᬲᬂᬩ᭄ᬭᬳ᭄ᬫᬵᬡᬚᬵᬢᬶ᭞ᬲᬶᬦᬄᬧᬧᬦᬾᬓᬢ᭄ᬧᬸᬓ᭄᭞ᬳᬤᬩ᭄ᬯᬶᬦ᭄‌ᬪᬖ᭄ᬦᬩ᭄ᬭᬢ᭞ᬲᬂᬫᬗᬼᬩᬸᬃᬢᬓᬾᬃᬣᬶ᭞ᬧᬧᬢ᭄ᬧᬸᬓ᭄᭞ᬦᬵᬗ᭄ᬳᬶᬂᬳ᭄ᬦᬸᬤᬤᬶᬮᬸᬓᬢ᭄᭟᭓᭗᭐᭟ᬦᬗ᭄ᬳᬶᬂᬩ᭄ᬯᬢ᭄ᬳᬶᬓᬺᬢᬖ᭄ᬦ᭞ᬢ᭄ᬯᬭᬤᬤᬶ᭞ᬩ᭄ᬯ
ᬦ᭄ᬢᬫ᭄ᬩᬦᬶᬦ᭄᭞ᬧ᭄ᬭᬬᬵᬰ᭄ᬘᬶᬢᬢᬦ᭄ᬓᬯ᭄ᬦᬂ᭞ᬓ᭄ᬭᬡᬫᬢᬗᬭᬶᬦ᭄‌ᬚᬦᬶ᭞ᬳᬧᬂᬗ᭄ᬤᬓᬤᭀᬂᬧ᭄ᬮᬶᬄ᭞ᬓᬾᬯᭂᬄᬗᬮᬶᬄᬦᬾᬦᬾᬧᬵᬢᬹᬢ᭄᭞ᬳᬧᬂᬗ᭄ᬤᬗᬦ᭄ᬢᬶᬧᬸᬜᬄ᭞ᬩᬲ᭄ᬢᭂᬍᬩ᭄‌ᬭᬶᬂᬢ᭄ᬯᬓ᭄ᬲᬳᬶ᭞ᬤᬤᬶᬗᬘᬸᬄᬢ᭄ᬯᬭᬜᬦᬯᬂᬧᬚᬕᬢ
ᬦ᭄᭟᭖᭗᭑᭟ᬳᬶᬚᬦ᭄ᬫᬫᬩᬸᬤ᭄ᬥᬶᬧᬧ᭞ᬧᬕᬯᬾᬦᬾᬧᬧᬲᬵᬳᬶ᭞ᬬᬦ᭄ᬲᭀᬮᬳᬾᬲᬵᬳᬶᬓᬾᬢᭀ᭞ᬮᬶᬯᬢ᭄ᬫᬜᭂᬚᭂᬳᬶᬦ᭄ᬳᬢᬶ᭞ᬭᬶᬲᬵᬓ᭄ᬱᬢᬂᬳᬸᬮᬶᬂᬚᬦᬶ᭞ᬗ᭄ᬕᬳᬾᬫᬃᬕ᭄ᬕᬮᬶᬯᬢ᭄ᬓᬾᬯᬸᬄ᭞ᬫᬃᬕ᭄ᬕᬫᬗᬸᬗ᭄ᬲᬶᬓᬓᬯᬄ᭞ᬲᬶᬦᬄ
ᬢ᭄ᬯᬭᬩᬶᬱᬧ᭄ᬮᬶᬄ᭞ᬢ᭄ᬯᬭᬩᬸᬳᬸᬂᬫᬗᬸᬗ᭄ᬲᬶᬢᬶᬩᬭᬶᬂᬓᬯᬄ᭟᭓᭗᭒᭟ᬬᬦ᭄ᬫᬳᬶᬢᬸᬫ᭄ᬩᬸᬄᬫᬜ᭄ᬚᬦ᭄ᬫ᭞ᬫᬗ᭄ᬕᬯᬾᬦᬶᬦ᭄ᬧᬩᬸᬤ᭄ᬥᬶ᭞ᬢᬸᬲᬶᬂᬲᬬᬂᬢ᭄ᬓᬾᬦᬵᬯᬓ᭄᭞ᬧᬘᬂᬫᬫᬸᬧᬸᬦᬶᬦ᭄ᬲᬓᬶᬢ᭄᭞ᬬᬦ᭄ᬲᬸᬩᬦᬳᬦᬂᬲᬓᬶᬢ᭄᭞ᬤᬶᬢᬸ
[᭖᭒ 62]
ᬫᬭᬢᬳᬸᬮᬘᬸᬃ᭞ᬫᬜᭂᬮ᭄ᬲᭂᬮᬂᬨᬮᬓᬃᬫ᭄ᬫ᭞ᬬᬦᬸᬫᬶᬢᬶᬲ᭄ᬩᬸᬯᬶᬦ᭄ᬢᬫ᭄ᬧᬶ᭞ᬧᬧᬢ᭄ᬧᬸᬓ᭄‌ᬫᬸᬮᬕ᭄ᬮᬳᬾᬩᬓᬢᬂ᭟᭓᭗᭓᭟ᬳᬤᬲᭀᬮᬄᬢ᭄ᬯᬭᬫ᭄ᬮᬄ᭞ᬢ᭄ᬯᬭᬜᬦ᭄ᬤᬂᬳᬗ᭄ᬕᭀᬦ᭄ᬓᬦ᭄ᬢᬶ᭞ᬮ᭄ᬯᬶᬃᬜᬦᬾᬚᬦᬶᬘᬘᬓ᭄᭞ᬳᬦᬓ᭄ᬗᬯᬾᬲ
ᬓᬶᬢ᭄ᬲᬵᬳᬶ᭞ᬳᬦᬓ᭄ᬓ᭄ᬯᬮ᭄‌ᬗᬸᬲᬓ᭄ᬳᬲᬶᬓ᭄᭞ᬳᬦᬓ᭄‌ᬤ᭄ᬕᬕ᭄ᬳᬫ᭄ᬧᬄᬩᬾᬜ᭄ᬚᬸᬮ᭄᭞ᬫᬶᬯᬄᬳᬦᬓ᭄ᬲᬃᬯ᭄ᬯᬪᬓ᭄ᬱ᭞ᬳᬦᬓ᭄ᬓᬲ᭄ᬫᬭᬦ᭄ᬲᬵᬳᬶ᭞ᬧᬸᬜᬄᬗᬶᬦᬸᬫ᭄‌ᬢ᭄ᬯᬓ᭄ᬦᬶᬱ᭄ᬝᬳ᭄ᬤᬫᬗᬚᬓ᭄᭟᭓᭗᭔᭟ᬬᬦ᭄ᬫᬓᬶᬦ᭄ᬢᬶᬢ᭄ᬓᬾᬦ᭄ᬘᭀᬭᬄ᭞ᬲᬶᬦᬄᬩᬋᬂ
ᬓᬢᬶᬩᬦᬶᬦ᭄᭞ᬤᭀᬱᬦ᭄ᬳᬶᬘᭀᬭᬳᬾᬩᬓᬢ᭄‌᭞ᬳᭂᬦ᭄ᬢᭀᬩᬋᬂᬓᬧᬸᬧᬸᬦᬶᬦ᭄᭞ᬳᬸᬧᬫᬶᬓᬬᬸᬫᬳᬸᬭᬶᬧ᭄᭞ᬫᬓᬦ᭄ᬢᬶᬭᬶᬂᬓᬬᬸᬳ᭄ᬢᬸᬄ᭞ᬲᬶᬦᬄᬩᬋᬂᬧᬸᬳᬸᬦ᭄‌ᬭᬸᬱᬓ᭄᭞ᬬᬕ᭄ᬲᭂᬂᬢ᭄ᬮᬄᬪᬱ᭄ᬫᬶ᭞ᬤᬤᬶᬳᬯᬸᬢᬸᬓᬾᬲᬕᭀᬳᭀᬓ᭄ᬓᬳᬸᬘ
ᬧ᭄᭟᭓᭗᭕᭟ᬳᭂᬦ᭄ᬢᭀᬓ᭄ᬭᬡᬳ᭄ᬤᬧᬶᬲᬦ᭄᭞ᬭᬶᬂᬲᬂᬤᬹᬃᬚ᭄ᬚᬦᬵᬫᬓᬦ᭄ᬢᬶ᭞ᬳ᭄ᬤᬧᬶᬲᬦ᭄ᬫᬧᬳᭂᬓᬦ᭄᭞ᬫᬳᬶᬩᬸᬓᬦ᭄ ᬳ᭄ᬤᬩᬦᬶ᭞ᬭᬶᬂᬲᬂᬘᭀᬭᬄᬲᬸᬚᬵᬢᬶ᭞ᬳᬶᬫᬦᬸᬱᬢ᭄ᬯᬭᬧᬵᬢᬹᬢ᭄᭞ᬘ᭄ᬕᬸᬢ᭄ᬓᬸᬮᬸᬓ᭄ᬩᬸᬭᭀᬦ᭄ᬦᬶᬱ᭄ᬝ᭞ᬓᬲᬶᬮᬧᬶᬦ᭄ᬢ᭄ᬯᬭᬤᬤᬶ᭞