[᭖᭐ 60B]
᭖᭐
ᬳᬶᬤᬲᬂᬫᬜ᭄ᬯᬾᬘ᭄ᬙᬦᬶᬦ᭄᭞ᬫᬫᬢᬹᬢᬂᬦᬗᬸᬦ᭄ᬓᬶᬃᬣᬷ᭞ᬧᬢᬸᬄᬧᬢᬸᬄᬫᬓᬢ᭄ᬮᬸ᭞ᬧᬥᬦᬫ᭄ᬧᬶᬓᬃᬫ᭄ᬫᬨᬮ᭞ᬬᬤᬶᬦ᭄ᬳᬮᬵᬬᬤᬶᬦ᭄ᬩᭂᬘᬶᬓ᭄᭞ᬓᬜ᭄ᬘᬦ᭄ᬳᬶᬧᬸᬦ᭄ᬢ᭄ᬯᬭᬤᬤᬶᬧᬘᬂᬮᬾᬫ᭄ᬧᬲ᭄᭟᭓᭖᭔᭟ᬓ᭄ᬭᬡᬚᬦᬶᬧᬶᬲᬭᬢᬂ᭞
ᬲᭀᬮᬄᬭᬳᬬᬸᬦᬾᬳᬮᬶᬄ᭞ᬬᬤᬶᬦ᭄ᬳᬤᬵᬳᬦᬓ᭄ᬤ᭄ᬕᬕ᭄᭞ᬫᬦᬶᬯᬓᬶᬦ᭄ᬳᬤᬚᬳᬶᬮ᭄᭞ᬲᬭᬢᬂᬳᬬᬸᬦᬾᬧᬶᬮᬶᬄ᭞ᬯᬍᬲᬂᬳᬸᬕᬶᬦ᭄ᬭᬵᬳᬬᬸ᭞ᬳ᭄ᬤᬧᬶᬲᬦ᭄ᬫᬫᬮᬶᬓᬂ᭞ᬳᬦᬾᬳ᭄ᬤᬫᬶᬦᭂᬳᬶᬦ᭄᭞ᬢ᭄ᬯᬭᬩᬸᬳᬸᬂᬕᬯᬾᬳᬮᬵ
ᬳᬮᬵᬩᬓᬢ᭄᭟᭓᭖᭕᭟ᬳ᭄ᬤᬢ᭄ᬯᬭᬫᬢᬗᬭᬦ᭄᭞ᬢᬶᬗ᭄ᬓᬄᬳᬾᬫᬳᬶᬦᬸᬫᬶᬢᬶᬲ᭄᭞ᬦᬾᬦᬾᬫ᭄ᬦᬾᬓ᭄ ᬚ᭄ᬯᬳᬸᬗ᭄ᬲᬶᬬᬂ᭞ᬳᬧᬂᬲᬶᬤ᭄ᬥᬫ᭄ᬦᬾᬓ᭄ᬩ᭄ᬯᬶᬦ᭄᭞ᬬᬦᬶᬂᬫ᭄ᬦᬾᬓ᭄ᬲᭂᬗ᭄ᬓᬵᬲ᭄ᬭᬶᬧᬶᬢ᭄᭞ᬬᬦᬸᬳᬸᬦᬂᬲᬚᬳᬮᬸᬄ᭞ᬩᬸᬓᬳᬶᬩᬢᬸ
ᬗᬂ᭟ᬤᬶᬩᬗ᭄ᬓ᭄ᬬᬂᬕᬸᬦᬸᬂᬢᬶᬯᬓᬶᬦ᭄᭞ᬫ᭄ᬦᬾᬓ᭄ᬢᬸᬳᬸᬦ᭄ᬓᬶᬚᬵᬓ᭄ᬢᬶᬮ᭄ᬓᬶᬚᬵᬳᬶᬗᬦ᭄᭟᭓᭖᭖᭟ᬬᬦ᭄ᬜᬮᬦᬂᬲᭀᬮᬄᬫ᭄ᬮᬄ᭞ᬓᬭᬯᭀᬤᬶᬸᬲ᭄ᬤᬶᬲ᭄ᬯᬃᬕ᭄ᬕᬦ᭄ᬩᭂᬘᬶᬓ᭄᭞ᬳᭀᬃᬣᬫᬮᬶᬫ᭄ᬧᬤ᭄ᬮᬶᬫ᭄ᬧᬤ᭄᭞ᬳᭂᬦ᭄ᬢᭀᬲᬸᬩᬫᬤᬦ᭄ᬓᬶᬃ
[᭖᭑ 61A]
ᬣᬶ᭞ᬬᬦ᭄ᬳᬸᬘᬧᬾᬧᬥᬩ᭄ᬘᬶᬓ᭄᭞ᬭᬯᬸᬄᬲᬓᬾᬂᬕᬯᬾᬳᬬᬸ᭞ᬲᬮᬯᬲᬾᬤᬤᬶᬦᬫᬵ᭞ᬧᬕᬯᬾᬦᬾᬮᬫᬤᬶᬦᬶ᭞ᬳᬮᬳᬬᬸᬤᬶᬦᬶᬳᬤᬵᬤᬶᬢᬸᬳᬤ᭟᭓᭖᭗᭟ᬳᭂᬦ᭄ᬢᭀᬳᬶᬓᬶᬃᬣᬶᬉᬢ᭄ᬢᬫ᭞ᬲᬓ᭄ᬱᬵᬢ᭄
ᬫᬾᬫᬾᬫᬶᬦᬓᬤᬶ᭞ᬤᬶᬓᬧᬦ᭄ᬳᬶᬓᬶᬃᬣᬶᬳᬶᬮᬂ᭞ᬬᬤᬶᬦ᭄ᬲᬂᬫᬓᬾᬃᬣᬶᬫᬢᬶ᭞ᬲᬵᬓ᭄ᬱᬢ᭄ᬳᬶᬥᬸᬧ᭄ᬲᬂᬫᬓᬾᬃᬣᬶ᭞ᬯᬶᬭᬾᬄᬧᬓᬾᬃᬣᬶᬦᬾᬳ᭄ᬦᬸ᭞ᬬᬦᬶᬂᬦᬸᬫᬶᬢᬶᬲ᭄ᬥᬸᬃᬬ᭄ᬬᬰ᭞ᬳ᭄ᬦᬸᬳᬶᬥᬸᬧ᭄ᬲᬸᬩᬫᬢᬶ᭞ᬢᬦ᭄ᬧᬢᬗ᭄ᬕᬸᬳ᭄ᬜᬾ
ᬦ᭄ᬳᬦᬓᬾᬗᭀᬃᬢᬬᬂ᭟᭓᭖᭘᭟ᬓᬾᬦᬾᬢᬶᬗ᭄ᬓᬄᬗ᭄ᬫᬶᬢ᭄ᬬᬰ᭞ᬳ᭄ᬤᬵᬤ᭄ᬭᭀᬯᬓᬭᬶᬂᬓᬦ᭄ᬢᬶ᭞ᬫᬶᬯᬄᬭᬶᬂᬲᬂᬓᬧᬃᬘ᭄ᬘᬬᬦ᭄᭞ᬳ᭄ᬤᬤ᭄ᬭᭀᬯᬓᬢᬸᬃᬫᬶᬧᬶᬢ᭄᭞ᬭᬶᬂᬲᬂᬗᬸᬕᬸᬳᬯᬓ᭄ᬱᬵᬳᬶ᭞ᬫᬶᬯᬶᬄᬭᬶᬂᬲᬂᬗᬶᬤᬶᬄᬢᬸᬮᬸᬂ᭞
ᬤ᭄ᬭᭀᬯᬓᬦᬾᬳ᭄ᬤᬧᬶᬲᬦ᭄᭞ᬭᬶᬂᬲᬂᬳᭀᬮᬲ᭄ᬳᬯᬾᬄᬦᬲᬶ᭞ᬯᬵᬱ᭄ᬝᬦ᭄ᬳᬶᬧᬸᬦ᭄ᬓᬺᬢ᭄ᬢᬖ᭄ᬦᬢ᭄ᬯᬭᬲᬸᬓ᭟᭓᭖᭙᭟ᬳᬤᬫᬵᬤᬦ᭄ᬩ᭄ᬭᬳ᭄ᬫᬵᬖ᭄ᬦ᭞ᬲᬂᬩ᭄ᬭᬵᬳ᭄ᬫᬡᬓᬧᬢᬾᬦᬶᬦ᭄᭞ᬫᬗ᭄ᬭᬸᬱᬓᬂᬩ᭄ᬭᬵᬳ᭄ᬫᬫᬦ᭄ᬢ᭄ᬭ᭞ᬳᬫ᭄ᬧᬄ
Page:Bali-lontar-paparikan-sarasamuscaya-300ppi.pdf/61
Jump to navigation
Jump to search
This page has been proofread.
